YEREMIYA 4:2 - Bibliyeeda Ghaydit

² Inyas gajaga habeawooda, ‘Aba gidabiideata NG'UTAMIIDA,’ aba huumeanda, ea aba doobiiwnata, ea aba alooheeda, abeeda gaygabadiischeesa geat eemoojiga aba gheawungaaschi, nea aba gheawungaaschi gayghoaghaambiit geat.”

YEREMIYA 4:2 Mawu Ofanana

GIING'EETA 22:18

nea aba jeacheangaagu gajeataw eemoojiga sean bea muunda ng'eanyiida ghawooda, aba gideaba nisisi mureeda ng'asheega ghuuteanyu.”

1 SUGOODIGA 3:6

Ak gwayeesha Sulemani, “Ang'iing'i niihiimsi bariinyeega huumwa Dawdeeda was siidaang'u bea gadiyeeda was bwaabwa, aba gideaba ghabeawa madeadaang'u aba doobiiwnata ea weamnata, aba doobiiwnata guroorooda ahiimneey; ak ea niing'ooysi niny bariinyeesu bea huumwaan, nea ea ninyaksi orjeeda jea goopteadawa hoorgeadaanyi gawuurji ghamneawa.

NYIIGHEEGA 72:17

Gheawungaaschi deabiidana damanda manda muudeanooda, weeshindaanyi deaboong'na ea gawuurji aseeta. Aba niny gayghwanyas eemoojiga sean ghawooda, ak gaguura eemoojiga sean dea sibadiischeesa!

NYIIGHEEGA 99:4

Sugoocheanda mideawa uurda, ghabwariiy doobiiwnata, ang'iing'i niimajeegi doobiiwnata; ak giyeadu alooheeda ea doobiiwnata heeda Yakobo.

ISAYA 45:23

Aniini ghaayaaji habeawooda nea geabea geaw, aba gideaba ghuuteanyu gwarina ng'asheanda doabiiwaat, ak ng'asheandeanyu ea maygabiikta bwadaw, ‘nea gaygaba siisi duguy aba madeedeanyu nea gaba nih ak habeawooda.’

ISAYA 45:25

Aba heeda NG'UTAMIIDA jeata sean bea Israeli gajeataw doobiiwnata nea geaghaambiit.”

ISAYA 65:16

Asi siida adaw geaw ghawooda aba badayda ng'eanyiida, gayghoadaw geaw ghawooda aba heeda ASEETA huumwa. Nea dea ak habeawooda aba badayda ng'eanyiida, gayghwaak habeawooda aba heeda ASEETA huumwa. Aba gideaba sawanadeeda madeeda ning'ata ak ea niisha aba madeedeanyu.

YEREMIYA 10:10

Ak NG'UTAMIIDA ea ASEETA huumwa, niny ASEETA mideawa eaweega gil nea ea sugoocheanda manda muudeanooda gil. Aba nyarastaanyi inyeesa gwasim ng'eanyiida nea eemoojiga ea mayghoamu ghoamuughu nyarastaanyi.

YEREMIYA 12:15

Iinearuuteawi saawa jeedida, abeeda gaydabwayda ak gaygaba nih eadeelsi headaanyi bea hearaniischooda ea ng'eanyiidaanyi.

YEREMIYA 12:16

Aba ng'ata, inyas gaygwajeeng'u ak ghwaat geeshta fugeasu, nea ghwaak habeawooda aba gheawungeasu, ‘Aba gidabiideata NG'UTAMIIDA’, gawuurji gida ghayi siinaalda fugeasu aksiinda habeawooda Baali, abeeda gajeenung' ghwasaang'ayiit aba bugusta fugeasu.

YEREMIYA 16:19

Ea NG'UTAMIIDA, ang'iing'i guwoosi uurdeanyu ea hilgweandeanyu, heechea damng'awsa damanda sawanadeeda, gayghapka headaang'u eemoojiga sean gayghapka meadajeega sean bea ng'eanyiida ak gaygwayi: “Ghweanigaasa mahearana eara gil geaghus ng'uyeega, haleanjeeda mwadaagha marachi gil.

YEREMIYA 3:17

Abeeda Yerusalemu gajeeguura hoorgeeda NG'UTAMIIDA, ak gaygabassa geat eemoojiga sean jeeda, aba madeeda NG'UTAMIIDA aba Yerusalemu, ak ea maygudugabiikta ghoahang'waay iheenga nea gamaseaw ng'asheega munyas bea gurooruunatka nyaawa.

YEREMIYA 33:9

Nea mujiineani aba heedeanyu gheawunga gajea hoosaneat ea gwarsiinda ea giigheambiita aba madeeda eemoojiga sean bea ng'eanyiida was gea jea ghwayiiy ng'asheega sean miyaasiin easisi, ak saawa gayghang'ut muuwda ea gooboodani aba ng'asheega sean miyaasiin ea hoyyooyda jea daadaw mujiineani.

YEREMIYA 5:2

Eara gwayeena, “Aba gidabiideata NG'UTAMIIDA,” gudu gweaga habeawajeega ng'uyeega.

YEREMIYA 7:5

“Aba huumwa inyas gajayamwa naweadingeagwa ea sinaweegeagwa, nea goosiniisi geat doobiiwnata,

YEREMIYA 9:24

Gwayi NG'UTAMIIDA, siida ghwar geaw ea daghwara geaw aba ng'asheanji, gideaba ghwanal gideaba geawooschi NG'UTAMIIDA ahiimu bariinyeega huumwa, ea doobiiwnata, ea alooheeda aba badayda ng'eanyiida, aba gideaba suh gea ahoosaneani gil.”

HOSEYA 2:19

Ak gaydeanyeareey huwa deanyu gida manda muudeanooda, gaydeanyeareey aba doobiiwnata, ea huumeanda, ea bariinyeega huumwa, ea baydeayda.

YOELI 2:12

“Ak eara ghamneawa,” gwayi NG'UTAMIIDA, “abiiksean aba gurooruunatkeagwa sean, aba giiluuldeaydeaba geat, aba shooka, nea googutu heareega;

SAKARIYA 8:8

ak gaydeadu saawa goobiida bugusta Yerusalemu, ak gayghoah fugeasu nea ghaahuuyi ASEETA nyaawa, aba huumwa ea doobiiwnata.”

MALAKI 1:11

Aba gideaba ghang'eada giirearnooda aseeta ea gamikta gheawungeasu ea hees aba jeeda eemoojiga, nea aba hiji wassean geatayda geediga ng'andidi aba gheawungeasu, was haleanjeeda ghadooweeda miyaas; aba gideaba gheawungeasu ea hees aba jeeda eemoojiga, gwarugu NG'UTAMIIDA bea lugweega.

1 Goriinto 1:31

asi gawuurji gidaghayi sing'waarda, “Siida ammu ghaghwar geaw, daghwara geaw aba badayda Ng'utamiida.”

2 Goriinto 10:17

“Neada siida ghwargeaw, ghaghwara geaw Ng'utamiida.”

Galattiya 3:8

Gabean gwarugu Ng'ooruutka gideaba ASEETA gayghoadaw fuga eemoojiga doobiiwnata aba masaweega, Ak Giijasta Miy gabean gwarukusa Abrahamu gideaba, “Gayghoadaw ASEETA ghawooda eemoojiga sean aba badaydaang'u.”

GIIPKEATA DIIGHEANDA 10:20

Awala NG'UTAMIIDA was ASEATAANG'U; gaygadiyeesiina niny, nea adiheeleewi, nea gajaga habeawooda aba gheawungaaschi.

GIIPKEATA DIIGHEANDA 4:30

Damanda oondi jeeda hang'weanidooda, ak ghwanyasnyi ng'asheesu seaniin eawoojiga muudeanooda, gaybiiksiina NG'UTAMIIDA was ASEATAANG'U ak gaysisiina mureeda ng'asheagaaschi,

GIIPKEATA DIIGHEANDA 6:13

Sisiina Mureeda NG'UTAMIIDA was ASEATAANG'U, bwada gheawungaaschi nea gajaga habeawooda aba gheawungaaschi.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

RUTI 3:13

Lila aba hiji eaweani, ama sakteayda, inyas gaygwasineey gidadoobiiwsa buweacheanda, abeeda ghwadoabiiw, nung'waada gwasin; ama inyas ghwaraay gwasineey gidadoobiiwsa buweacheanda, abeeda gidabiideata NG'UTAMIIDA, gaydasineey aniini gidadoobiiwsa buweacheanda. Lila ea gamuchu.”

1 SAMWELI 20:3

Ghwasha Dawdi nea gwayeesha, “Gweanu ghwanal gida ibwariiydanaan; ak gwayeena, ‘Adaghwanal Yonatan ng'asheanji, aba gideaba gajiidu ghwanyareas.’ Nea aba huumwa, aba gidabiideata NG'UTAMIIDA ea gidabiideata gurooroadaang'u, aniini ea miyeeda gwanda dageascheedeanya geeshagi.”