YEREMIYA 4:16 - Bibliyeeda Ghaydit

¹⁶ Argweaksiina eemoojiga gideaba niny gayghoan; adawa iita fuga Yerusalemu, “Gayghapka weajoodiga leabu ng'eanyiida sheagi; goojuur nea gaweesa mujiinajeega Yuda.

YEREMIYA 4:16 Mawu Ofanana

ISAYA 34:1

Apkaani, Ea fuga sean bea eemoojiga, ak ghoayiinyi, Oaleaydiit, Ea buuneeda, Oaleaydiit ng'eanyiida, ea haleanjeeda mida jeeda sean, ng'eanyiida ea haleanjeeda sean abiita jeedida.

ISAYA 39:3

Hean ng'ata gawa Isaya was sibaneeda heeda Hesekiya was sugoocheanda ak gwayeesha, “Fiisu gwayeenaan? Nea gwaleabu yeenu?” Ghwalamda Hesekiya ak gwayeesha, “Gwaleabu daroorda sheagi, ak ghapka heedeanyu nea gwaleabu Babeli.”

YEREMIYA 1:15

Ak gwayi NG'UTAMIIDA, gaydaguursa eemoojiga sean bea gheambalmoojiga bea wiilooda ng'eanyiida ghayeawa; ak gayghapka ak gaba nih miinda gheambalmeadaanyi aba gidaghuudajeega Yerusalemu, ea ghamardaanyi sean neaweesa, ea mujiinajeega sean bea Yuda.

YEREMIYA 16:6

Nea gaygooshealsa hiji fuga hees ea gea manang'i; ak ea majeebuy, nea manda siichea gagutu heareega aba badahuuka nyaawa, ghana gwareekushi, ghana ghwalajaada geaw aba badahuuka nyaawa.

YEREMIYA 2:15

Nea ghoamuum ng'anyeeka aba badaydaanyi, nea ghoamuum aba giijuureanda. Nea ng'eanyiidaanyi geanung' ghoah eeshtearajeanda; ak mujiinajeagaaschi ghoah eemeega, manda jeeda sih.

YEREMIYA 31:10

“Ooleeysiiniit ng'asheanda NG'UTAMIIDA, Ea eemoojiga, arukwiida aba ng'eanyoojiga sheagi bea ghuuta basooda, nea gooyeenyi, ‘Dea adabwaarda fuga Israeli gayghabwadageat niny, nea niny gaygafurda gidafuriideayda jeagiischoocheanda gisilgaaschi.’

YEREMIYA 39:1

Nea aba gweaydeaba shageash ea sheedeaba damanamughuush, bea sugoocheanduumeeda Sedekiya sugoocheanda Yuda. Hean ghwahidu Nebukadinesa was sugoocheanda Babeli sea lugoadaanyi sean gang'uchi sea Yerusalemu ak gwaneaweesa.

YEREMIYA 4:17

Nea gwaneawesiinda fuga fura madameega, aba gideaba ninung'wanaan heeda, ng'asheanji gwarugu NG'UTAMIIDA.

YEREMIYA 5:15

Geayeenyi aniini NG'UTAMIIDA, ea gheeh Israeli, ng'ula gaydeajeagu eemeanagi leabu heeda sheagi. Eemeeda hees uurjeen, nea eemeeni gaba garayi, eemeeda moayiinyi iita nyaawa, nea majoamuusa anala gidabaloola.

YEREMIYA 5:6

Asi gaygwarina ng'adiida jeeda dareabeeta ak gayghwanaw saawa, nea gaygwarina jeeda eeshtearajeanda fureayoonga ak gaygahuuyda saawa. Nea marirda ghwaak shageata aba badayda mujiinajeega nyaawa, siisi nyooh gwariteawa jeeda gajeanung' ghoah basanga; aba gideaba ramaseanyeeka nyaawa aasaang'a, nea yamiteaba geat ea haw.

YEREMIYA 50:2

“Arukwiida aba bugusta eemoojiga nea ghoapwaashchi iit, amiinda beendeerajeanda nea goorukwiidi, adoafunyi, nea gooyeenyi: ‘Babeli sigeanda, Beli sinung' ghabwaspwas, Merodaki ning'ut muuwda. Sanaamajeagaaschi sinung' ghabwaspwas, haleanjeadaanyi bada siipwaaspwaas.'

YEREMIYA 6:18

Asi oaleaydiit, Ea eemoojiga, ak ghoanali, Ea buuneeda, gichea ghwahash saawa.

YEREMIYA 6:19

Aleaydiit, Ea ng'eanyiida; ng'ula gaydeadu nyariida badaydeaba fiisu, ghoah haghweega sinaweega nyaawa, aba gideaba miigooleeysiita ng'asheegeasu; nea nijakta eara diigheanyeekeasu.

YEREMIYA 6:22

Gwayi NG'UTAMIIDA, “Ng'ula gwanda fuga jea ghapka nea gwaleabu ng'eanyiida mida wiilooda ng'eanyiida ghayeawa, eemeeda haw uur goodiing'diing'da nea gwaleabu heeda sheagi.

YEREMIYA 6:23

Nea ghwasar ghuweanga ea ng'utkeaka nyaawa, fuga ng'weani mandeawana baydeayda, nyeashta nyaawa gwanyeariida basooda; nea gwading'da faraasajeega nea nijipta geat siyagi aba ng'ucheeda, gang'ucheeweey, Ea huda Sayuni!”

YEREMIYA 8:19

Aleaydiit shooka hudeaba fugeasu, aba meatkwajeega sean bea ng'eanyiida, “Neada NG'UTAMIIDA ea manda Sayuni? Neada sugoocheandaanyi ea mudu gwanda hoowa?” “Ghwasaan anda ghoanyareasan aba sanaamajeega nyaawa sideasa geadi, ea sanaamajeega eemoojiga?”

ESEKIELI 21:22

Geacheedida abissa geatindaanyi bea dugwean, ghoahiimu ng'asheega Yerusalemu. Ak ghwayiin dabita jea eenyarjeawa ak gwarukuta gideaba eesin nyeashta ng'ucheeda nea siitiing'diing'da dabita jea eenyarjeawa gidaghuudajeega ak ea sideas ghamarda majeek ea madalajeega neaweesa mujiini.