YEREMIYA 38:2 - Bibliyeeda Ghaydit

² “Gwayi NG'UTAMIIDA, siida mida jeedeaba mujiineani gajeabwar aba ng'uta, nea ghabwar jalooda ea dawni. Nea dea weah heeda fuga Galdayo ea mayghami ak gajeataw giibinda uurji dea easanga ak gayghaghu.

YEREMIYA 38:2 Mawu Ofanana

YEREMIYA 21:4

“Gichea arukusiina Sedekiya ea nihi, ‘Gwayi NG'UTAMIIDA, was ASEETA fuga Israeli: Ng'ula gaydanung' gwayamseegwa geat dabita ng'ucheeda mida geatingeagwa oong'utooscheati sugoocheanda Babeli ea heeda fuga Galdayo was gea ninaaweagwa aba badayda hilooga mujiini; ak gaydaamughuush aba giteena ghapka bugusteaba mujiineani.

YEREMIYA 24:8

“Asi gwayi NG'UTAMIIDA: Giduurji shaboogheeta munyas mwoamu eayaak, nih ea gichea dasima Sedekiya gil was sugoocheanda Yuda, niny sea fugaaschi hees, ea easanga siipuusa ng'eanyiini, gea abiita ng'eanyiida Misri.

YEREMIYA 27:11

Aba ng'eanyiida nyooh gwarasa gheatkweaka nyaawa yookeeda sugoocheanda Babeli nea gagadiiyeesa, abeeda gaydanung' goobiida ng'eanyiida nyaawa, gaydanung' ghabwar ng'eanyi nea ghoabit ng'eanyi, gwarugu NG'UTAMIIDA.”’”

YEREMIYA 27:13

Ghwasaan gaymwasa ashealana ang'iing'i sea fugaagu aba ng'uta, ea geejeeda, ea aba dawni, gawuurji gida ghayi nyaashta NG'UTAMIIDA aba badayda eemeeni, maygagadiyeesa sugoocheanda Babeli?

YEREMIYA 29:16

Ak gwayi NG'UTAMIIDA aba badayda sugoocheanda apteadawa hoorgeeda gheambalmeeda bea Dawdi, ea fuga sean abiita jeedeaba mujiineani, ea buweadeegeagwa ghayi mooteayeewani ghealooniga.

YEREMIYA 29:18

Nea gaydaat geeshta aba ng'uta, ea geejeeda, ea geeyooda muy, ak ghoah gichea easit aba jeeda gheambalmoojiga sean bea ng'eanyiida, ak ghoah gida simwaashta, gichea goobeeli fih, gichea eemachiida nea geefool aba bugusta eemoojiga ghayi eahoosi jeenyaawa,

YEREMIYA 34:17

Asi gwayi NG'UTAMIIDA, miyooleeysean iit, ak gaba siisi nung' goobal geaw orjeeda ghaamwat, ea giischeewoocheandaanyi, ng'ula, gaydanung' oopalageat, gwarugu NG'UTAMIIDA; gajooshealana aba ng'uta, ea jalooda, ea dawni, ak gaydanung' eekealeegwa hoowa ea hoowa aba jeeda sugoodiga sean bea ng'eanyiida.

YEREMIYA 39:18

Aba gideaba aba huumwa gaydalealneey ak ea majeabwarnyi aba ng'ucheeda gaynyasa nyageadayda jea aghuuha eaweagaagu aba gideaba nimwaschaani. Gwarugu NG'UTAMIIDA.’”

YEREMIYA 42:17

Nea buuneesean ageal iheenga nyaawa beata Misri ak goobiida hoowa gaygameewa aba ng'uta, ea aba geejeeda, ea dawni; ak ea maygwanda boostaaneeda ghana dea jea ghaghuuha munyinda jea dayiin badahuuka nyaawa.

YEREMIYA 42:22

Asi ghamneawa anala aba huumwa gajameewa aba ghuuta ng'uta, ea geejeeda, ea aba dawni aba heeda oogasayi aweayeena ak goopiidi.”

YEREMIYA 44:13

Aba gideaba gaydalas fuga abiita ng'eanyiida Misri, gawuurji gida aalasti Yerusalemu, aba ng'uta, ea aba jalooda, ea aba dawni,

YEREMIYA 45:5

Ak gigakiisi geaw ng'asheega heesi? Adigasayi; aba gideaba ng'ula, gaydeadu ng'asheega munyas badahuuka haleanjeeda sean nyooh gwandeawa saseeda, gwarugu NG'UTAMIIDA; ak gaydagoonyi eaweagaagu ghoah gichea dagoonyi ea nihi gaydaaghu eaweagaagu aba hiji uwi sean.”

ESEKIELI 14:21

“Aba gideaba gwayi NG'UTAMIIDA was ASEETA, gaydalas Yerusalemu aba bayi ang'wan bea girgweaksiinda ng'waan aba ng'ucheeda, ea jalooda, ea diyeanga ng'weani, ea geeyooda dawni, ak gaydanung' goosha buuneeda aba diyeanga.

ESEKIELI 6:11

Gwayi NG'UTAMIIDA was ASEETA, “Agiisana, dasa ng'eanyi aba geeshtaang'u nea giyeeni, Ashageada! Fuga Israeli aba ng'asheegeagwa munyas sean. Aba gideaba gajameewwa aba ng'uta, ea jalooda ea geeyoonung'weaka munyas.

ESEKIELI 7:15

Aba jarooda gwanda miyeeda aba ng'uta, nea jeeda mujiini gwanda dawni ea jalooda. Gea mida madamnyeanda gajeabwar aba ng'uta, nea gea mida mujiini gayghwalas uhuuda jalooda ea geeyooda muy.