YEREMIYA 3:2 - Bibliyeeda Ghaydit

² Gatgada gheanyangaagu ea ghwahita heayeeniga geawi, ak gidaahi! Gwanda heeda miighang'udaneayi ririnnyeanda? Inyeesa gimiinaadi aba gheata naweeda nea giimuuku ng'wasangaagu guwuurjeewi ng'eanyoocheanda aba jeeda dareapcheeda. Ang'iing'i ning'udi ng'eanyiida ririnnyeanda aba hiseadayeanduumeadaang'u muy.

YEREMIYA 3:2 Mawu Ofanana

GIING'EETA 38:14

ghwayiin ng'eanyi hang'weaka masinung'weanduumeeda, ak gookwealsa uhuudaanyi weasta, ak gookwealshi, ak goopteada aba gidaghuuta naweeda weah Enaimu, mida ghuuta naweeda weah Dimna; aba gideaba Shela nihissa heeda, ak ea miyeataw gatmooda ghaghi.

1 SUGOODIGA 11:3

Ghaghi gadeem bughalaji ispwa was haweega sugoodiga, ea gadeemga was gwealaji bughalaji samwagu, hean ghwayam gurooroadaanyi gadeemgaaschi.

2 SUGOODIGA 23:13

Hean ghabwar sugoocheanda meetiida heeda sibadiini ghadooweeda mida gayeewda Yerusalemu ea ghwahita wiilooda ng'eanyiida biyeara bea giijeeda riing'eeda ghayi deas sugoocheanda Israeli was Sulemani deeksa Ashtoreti was aseecheeka fuga Sidoni ea Gemoshi ea Moabu ea Milkomu ea gea orjooga fuga Amoni.

NYIIGHEEGA 106:38

ak ghoahiida foojeanda manda giidiinyeanda, foojeanda orjooga nyaawa ea gea haweega nyaawa, ghayi adayda ghaghadoawanda aba heeda sanaamajeega Ganaani; ak ghang'ut ng'eanyiida ririnnyeanda aba foojeanda.

GHWASIILDEANGA 23:28

Niny iissa gagwalgwaleesa, gawuurji siida areedi fih haleanjeeda, iissa ghwanung' goodiiy headiga saang'a.

GHWASIILDEANGA 7:11

Gatmooni gwandeawa nyeashta nea hang'waay uuh, ak ea moapta ng'eanyi geeshangaaschi aba ghoah.

YEREMIYA 12:12

Fuga ghas fih niding'da iheenga heayeeniga manda gil mida dareapcheeda; Aba gideaba ng'uta NG'UTAMIIDA nihuuyda fih ghang'eada meatkweenagi bea ng'eanyiida ea gagul muudeanoodeaba niirja; Manda siida bea seayu.

YEREMIYA 2:20

“Ghayi aba garayi goohirjeawayi yookajeegeagwa ak goong'acheawayi ghealoonigeagwa; ak gooyeenyi ‘majeabwadeayi’. Ak aba iheenga heayeeniga geawi ea gumsheaka geediga nyawiiri ghoabwachi aseecheeka marachi gil.

YEREMIYA 2:23

Gajamuustaan eena, ‘aniini miyeeng'udanani ririnnyeanda, nea miidaat geeshta Baali’ Ng'ula naweadaang'u aba jeeda moangoachi; ak gidaahi gida nisini– guwuurjeewi dayeenda ngamiya daanghan,

YEREMIYA 2:7

Ng'ata geayeaneegwa jeeda ng'eanyiida miy ahoosasiina haghweagaaschi ea haleanjeadaanyi miyas. Ak gooweayi jeeda hean ghoang'udi ririnnyeanda ng'eanyiideanyu, ak ghoanung' ghoah ng'eanyiida eagoonyeegwa munyinda.

YEREMIYA 3:1

“Inyas gang'ada gatmooda sea siyeadaanyi, ak ghang'amwa headaanyi, ak ghoah gatmoomba sih nuut, abeeda gayghoamu gabiiksa gatmoadaanyi? abeeda ng'eanyiita majeang'uda ririnnyeanda muuchi? gwayi NG'UTAMIIDA Ang'iing'i niyaagi hiseadayeanduumeeda sea ng'wasanga saang'a; abeeda ghamneawa gaygudu biikni heedeanyu?

YEREMIYA 3:13

Ang'iing'i mwasa giidiinyeandaang'u, bea gideaba ninung'usi heeda NG'UTAMIIDA was ASEETEANG'WA ak gookeali bariinyeegeagwa rabasta ea giliwas geeta nyawiish, ea gideaba miyooleeysiina iit ghuuteanyu, gwarugu NG'UTAMIIDA.

YEREMIYA 3:21

Siyiiy ghuuta nyaasha iheenga heayeeniga, shooka ea gutuunooda heareega orjooga Israeli, aba gideaba niramwas naweeda nyaawa, ak ea niroosa NG'UTAMIIDA was ASEETA nyaawa.

YEREMIYA 3:9

Ng'ata ghang'uda ng'eanyiida ririnnyeanda ak gamealuul aba badita aseecheeka sisna lagheanga ea geediga.

YEREMIYA 7:29

Areaghwa iheengeagwa ak ghoaraghwachi; agutuuni heareega aba iheenga heayeeniga gajeami, aba gideaba NG'UTAMIIDA nisideegwa nea nijaktaneegwa seaygeeda oowooschi fuga anyareas niny.’

ESEKIELI 16:16

Abeeda gigeanu hang'weakaagu mwaatkwa ak gigadiyeati sinana heeda daamdaamwaat bea oormoojiga saang'a, amang'ata gisini hiseadayeanduumeeda. Ng'asheanda sunu mii ghanyeadaah ghayi nea maygudu eadaah earahay.

ESEKIELI 20:28

Iidu nea ghaayaachi ng'eanyiita ghayi eayeaksi habeawooda gideaba gaydaadawiin, hean iisidaah heayeeda geaw ghana geeta mideawa seenga saang'a, hean geatayda haleanjeeda sisabwa geadi bea ghadooweeda ea lukghumajeega nyaawa nea geesajan nea aba hoowa geatayda lukghumajeega ng'andidi shearu, ea haleanjeeda sisabwa geadi sileeha.

HOSEYA 2:5

Aba gideaba nihiseada gheamata nyaawa, ninyeeda jiilu saawa nisin ng'asheega baspaseega. Aba gideaba gwayi, ‘Gaydeadeayi ng'wasangeasu goonean hamiteanyu ea beegeasu ea hang'deanyu durumwana ea dea bumbuni, ea nagheedeanyu ea difaayeedeanyu.’

Lukka 16:23

gatgat gheanyangaaschi meanang'ocheanda nea gwanda heeda abiita fuga nimeewa nea gwanda jeeda hang'weanidooda, ghwadaah Abrahamu nea sheagi nea Lasaro gwanda madeadaanyi.

GIIPKEATA DIIGHEANDA 12:2

Aba huumwa anyarjeawa gilinyoo ea heeda batiisa aseecheeka nyaawa eemoojiga jea oombala, iheenga giijeega geawi ea iheenga heayeeniga ghana gumsheaka geediga hees nyawiiri seenga.