YEREMIYA 26:9 - Bibliyeeda Ghaydit

⁹ Ghwasaan ang'iing'i giramwaari aba gheawunga NG'UTAMIIDA, nea giyeeni, ‘Gheawi gaygooshealda dea Shilo, nea eara mujiineani gayghoah raghoonyeanda, maygoobiida jeeda sih’?” Hean gwaneaweesa buuneeda sean Yeremiya aba jeeda gheeda NG'UTAMIIDA.

YEREMIYA 26:9 Mawu Ofanana

2 DAMANYOOJIGA 25:16

Hean damanda gudugabalool gwayeesha sugoocheanda niny, “Aseasa siyiinyeey huwa siichea goorgweakiiseasa? Siinda! Ghwasaan ang'iing'i anda meenuusnyi?” Hean ghwasiinda sibaneeda, ng'ata gwayeesha, “Ghana gideaba ASEETA nigasa gideaba gaygwanuusnyi aba gideaba nisini ng'asheanji nea ea miileeysiini iita girgweageedeanyu.”

ISAYA 29:21

Fugiga inyeesa ghwanung' ghoaschoarda ng'asheanda siida aba jeeda girgweageedean, ea fugiga inyeesa ghwayam ng'asheanda was huumeanda ghoah ng'uyeega, nea inyeesa ghwasach siida doabiiwaat ea mwanyasa gidadoobiiwsa.

YEREMIYA 32:3

Abeeda Sedekiya was sugoocheanda Yuda gwajaksa ghealooniga Yeremiya nea gwayi, “Ghwasaan anda giramoarani nea giyeeni, ‘Gwayi NG'UTAMIIDA, Ng'ula, gaydayiin mujiineani geatinda sugoocheanda Babeli ak gayghoang'waay.

YEREMIYA 33:10

“Gwayi NG'UTAMIIDA aba jeedeaba ng'eanyiini ooyeenyiin, ‘nih raghoonyeanda gil manda siida ghana diyeayda’ aba jeeda mujiinajeega Yuda ea naweadinga Yerusalemu was raghoonyeanda manda siida ghana diyeayda bea ng'eanyiida ghana diyeayda aba hooweani gajeayiiy gicha.

YEREMIYA 36:29

Ak gajeeshiina Yehoyakimu sugoocheanda Yuda gideaba ‘Gwayi NG'UTAMIIDA, ghamneawa nighwardi gitaabwajeandida, gaydaanyaashnyi gideaba, “Ghwasaan anda Yeremiya ghang'oar gideaba sugoocheanda Babeli gayghwahidu gwanyarja ng'eanyiini nea ghwalas uhuuda buuneeda ea diyeanga?”

YEREMIYA 9:11

Gaydanung' ghoah Yerusalemu eemeega hees gaydanung' ghoah shoomeanga fureayoonga; gaydanung' ghoah mujiinajeega Yuda raghoonyeanda, heeda moobiiteena sih.”

HEAREEGA 4:13

Nih gwasin riing'eega sibangaaschi ea giidiinyeanyeeka ashoohoodigaaschi, ghayi ahiida foojeanda fuga doobiiweadi aba bugustaanyi.

AMOSI 5:10

Saawa ghwasit dea awoow nea gwanda dooshta, ak geanung'wa heeda niny dea baloola ng'asheega doobiiwnata.

MIKA 2:6

“Adoorukwiidi ng'asheega”–saawa gwarukwiida– “manda siida jea gwarukwiida ng'asheesu; ak ea mwahineasa baspaseega.”

Mattayo 21:23

Iidu nea gawa Yesu jeeda gheeda sibata ASEETA goonealshi, damani anealsheewean gaweay heeda ashoohoodiga hees ea gweargwa ak geannyaash, “Ng'asheesu deenuun gisini aba gheambalmeedeabeang'a, gagoonyi ng'eaha gheambalmeani?”

Mattayo 27:20

Gageanu ashoohoodiga hees ea gweargwa ak ghaghoash buuneeda nea gwayeesha, amusa eetineegwa Baraba ak geenuus Yesu.

Marko 15:11

Nea ashoohoodiga hees saawa ghoang'waalng'waal buuneeda nea gagasa gideaba gaygamus buuneeda gwasiksa Baraba.

Yohaana 8:20

Ng'asheesu gwarugu aba gah heeda siyiina gheaseeda aba damanda anealsheewa aba jeeda gheeda sibata ASEETA. Nea abeeda ghanyea manda siida aheaksa geatinda ghoang'waay aba gideaba mii ghwahita damandaanyi.

Yohaana 8:59

Ng'ata gooliimu lagheanga nea geegasa eefta iidu ghafuy geaw Yesu amahit gwariteawa jeeda gheeda sibata ASEETA.

Gadiyeeda Giijasoodiga 13:50

Iidu ghoahaak fuga Yahudi gadeemga was fuga hees ghayi bada ASEETA ea headiga hees siiwali gheang'da bea mujiineedida, hean ghaghabwas Bawlo ea Barnaba, ak geehoan ghang'amwa ng'eang'da nyaawa.

Gadiyeeda Giijasoodiga 21:30

Hean googuul mujiineesean nea ghwadakghuyan ea ghapka buuneesean leabu meadajeega sean ak ghabwat geat hean geeng'waay Bawlo ak geengiir ea eeruuteawa jeeda gheeda sibata ASEETA ak gearat ghuuta gheeda.

Gadiyeeda Giijasoodiga 22:22

Geeleeysiit ama rugu ng'asheanji; hean geechuur muuchi nea geeyi, “Oang'aamwana siisi hiji ak goonuuschi! Mamiisiina giibinda.”

Gadiyeeda Giijasoodiga 3:11

Damanda neawsiina geaw siidida Betaro ea Yohana, gwasalda buuneesean gaweay heanyaawa aba doodooni siguura doodooda Sulemani nea ghahamng'eanyi.

Gadiyeeda Giijasoodiga 5:12

Gwadeagwajeega saang'a ea ng'asheega deamdeameadi geesissa bugusta buuneeda nea gwasin geatinga giijasoodiga. Nea abeeda aghadoawana geat sean aba Doodooda Sulemani.

Gadiyeeda Giijasoodiga 5:28

“Ghwasaan nea geaheawi gideaba gajoanaala buuneeda aba gheawung'su, ak ghamneawa ea noanyiichi Yerusalemu giinealshoodeang'wa aba gideaba googasayi ayeani foojeandeaba siisi badahuukaasa.”

Gadiyeeda Giijasoodiga 6:14

aba gideaba siyiinyi nea gwayi, Yesuheeni bea Nasaretiin gaygwanyarja gheawi sibata ASEETEAN, ak gayghwayam searoojiga ghayi gooneasa Musa.”

YOSHUWA 18:1

Hean ghabwat geat fuga sean bea Israeli aba ng'eanyiida Shilo, ak geamiinda maheemajeanda siroondooscheesa aba hoowa; nea abeeda ea nijoar fuga Israeli fugeaba ng'eanyiita.