YEREMIYA 26:3 - Bibliyeeda Ghaydit

³ Gwadeepa gooleeysiit, ak gaba nih duukuuna aba naweadingaaschi munyas, ak abeeda eara aniini gaydaduukuuna munyinda ghayi eagasayi dasima saawa aba munyasnacheeka nyaawa.

YEREMIYA 26:3 Mawu Ofanana

1 SUGOODIGA 21:27

Hean ghwayiiy Ahabu ng'asheesu, ak ghabwaashaada hang'weakaaschi, ak gookwa guniyajeega, ng'ata gooluulda geaw ak gawiil geaw aba badayda guniyajeega ak goojiileadayi.

1 SUGOODIGA 21:29

“Nidaahi Ahabu gidasinda mureeda aba madeedeanyu. Aba gideaba nisin mureeda aba madeedeanyu, maygudu danung' ghwahidu munyinda aba jeeda eawoojigaaschi; ak damanda eawoojiga orjeedaanyi gaydeajeagu munyinda aba badaydeaba gheanyi.”

YEREMIYA 26:13

Asi biissa ayamwa naweadingeagwa ea sinaweegeagwa, ak goosisi mureeda ng'asheega ghuuta NG'UTAMIIDA was ASEETEANG'WA, ak abeeda NG'UTAMIIDA gaygwaduukuuna aba badayda ng'asheega munyas ghayi nibada aba badahuukeagwa.

YEREMIYA 26:19

Heapi iyoong'ulayi Hesekiya was sugoocheanda Yuda sea fuga sean bea Yuda gwanuus niny? Iyoong'ulayi niny ea moawala gheang'da NG'UTAMIIDA, nea gamus baydeayda NG'UTAMIIDA, ak hean ea maduukuuna NG'UTAMIIDA aba ng'asheega munyas ghayi rugu jea gwasima saawa? Ghamneawa geegasayi eapuuna habitkweeda bugusteanya.”

YEREMIYA 36:3

Gwadeepa fuga Yuda ghwayiiy ng'asheega munyas sean jea dasima saawa, ak gaba nih abuut naweadingaaschi munyas ak geasamsi giidiinyeanyeeka nyaawa ea riing'eega nyaawa.”

YEREMIYA 36:7

Gwadeepa ghamwaash NG'UTAMIIDA nyaawa ak gaba nih abuut naweadingaaschi muy, aba gideaba nyarasta ea ng'weaninda ghayi rugu NG'UTAMIIDA aba badaydeaba fiisu aahaw muuchi.”

ESEKIELI 12:3

Asi orjeeda siida, goosheena ak gibalagi askweari nea giski madeeda nyaawa, gaybalagana hiji indiini ea una hich nuut nea giski madeeda nyaawa abeeda gwadeepa gwajeeng'u earapeadi saawa fuga nung'usean heeda gil.

ESEKIELI 18:21

“Nea siida muy seara iinung'waada riing'eagaaschi sean ghayi sin, ak ghoang'waay deaweedajeegeasu sean, ak ghoang'waay gea hidaat ea gea doobiiweadi aba huumwa gayghwanyas eaweega mayghami.

HOSEYA 11:9

Maygudu dagadiyeata ng'weaninda nyarasteanyu, maygudu dabiikta dahuuyda Efraimu; aba gideaba aniini geawooschi ASEETA nea meawoosi siida, ea agi siida ghaydit aba bugusteang'wa, nea ea maygudu doan dahuuyda.

YOELI 2:14

Ak ghwanal ng'eaha gideaba maygabiigu ak ghwayam geaw, ak ghwanung'waneasa ghawoadaanyi; asi huumwa, haleanjeeda ghadooweeda was dearanga, ea haleanjeeda ghadooweeda sileeha aba heeda NG'UTAMIIDA was ASEETEANG'WA?

YONA 4:2

Hean ghamwaash NG'UTAMIIDA nea gwayeesha, “Geamuscheey NG'UTAMIIDA, nih mii gidearukuneey aba damanda ghayi eandeewi ng'eanyiideanyu? Hean ghoah gideamng'awi ak geawi Darshishi; aba gideaba ghaanali ang'iing'i guwoosi ASEETA mideawa bariinyeega ea baydeayda, mii asas nyaras, bea bariinyeega huumwa, nea gisti ng'asheega munyas.