YEREMIYA 22:3 - Bibliyeeda Ghaydit

³ Gwayi NG'UTAMIIDA: Asina huumeanda ea doobiiwnata ak goolealu aba geatinda siida ghabwas fih. Adiidu goosisi gea munyas nea ghoaluuji rabascheanda, ghana bananeeda ghana masinung'weanda, nea adiidu ghoahiidi foojeanda manda giidiinyeanda aba hiji.

YEREMIYA 22:3 Mawu Ofanana

2 SAMWELI 23:3

ASEETA Israeli nibalool, lagheaneeda haw bea Israeli niyeeshiinean: siida iimida madeeda buuneeda nea ghoahaaghwa muuchi, ak ghoahaaghwiida buuneeda gheawalmeeda ASEETA,

2 SUGOODIGA 24:4

Aba badayda foojeanda manda giidiinyeanda ghayi ahiida, aba gideaba ghoanyiit Yerusalemu foojeanda manda giidiinyeanda. Ak NG'UTAMIIDA ea miighamwas gwasamsa.

AYUBU 22:9

Ak gihoani gadeemga was masiinung'weega nea dawiiri, nea geatinga bananga ea sihirjeaweada.

AYUBU 24:9

(Gwanda fuga areat gineeda baleanda manda ghwaan, nea gageanda baleanda siida bwarbwar aba gida rat.)

NYIIGHEEGA 68:5

Ghweanda bananga gil ea dea ahaaghwa masinung'weega niny ASEETA abiita giibindaanyi ghaydit gil.

NYIIGHEEGA 82:4

Oakghuuha siida ng'arng'ar ea dea mandeawana gil; ak geakghuuha saawa geatinga fuga munyas.”

NYIIGHEEGA 94:21

Ak iissa gang'uchi guroorooda siida doabiiwaat, ak goorgweaksiina miyeeda siida manda giidiinyeanda.

NYIIGHEEGA 94:6

Ak ghabwar masiinung'weanda ea rabascheanda, ak gwanuus bananga;

RITEAYDA 22:21

“Adiidu gisimi siida gidamuy ghana ghabwasa rabascheanda aba gideaba eara agooga ghayi goowooschi rabasta aba ng'eanyiida Misri.

RITEAYDA 22:22

Adisawani gilinyoo ea masinung'weanda gil ghana bananeeda.

GHWASIILDEANGA 23:10

Adigeandi giirooraneeda moonghooda ghayi bea ng'eanyiida, nea aduwi jeeda madameega bananga.

GHWASIILDEANGA 6:17

Gheanyanga mideawa ghwarjeeda, ea ng'ushapta baloola ng'uyeega, ea geatinga inyeesa ghoahiida foojeanda fuga mandeawana giidiinyeanda.

ISAYA 1:23

Fugaagu hees nischoarda, fuga nyaawa duupchi ea mareanghooga gil. Ak gaba nih bwariiy seawshooda nea gagasa haleanjeeda guskuseega. Ak ea moadawa bananga gitoobiiwsa, nea eara girgweageeda masiinung'weanda ea meeyeasiina saawa.

ISAYA 58:6

“Manda, giiluuldeaydeaba geaw eagasayi nih gil: asiksiina fuga mida ghealooniga ghayi sirat mwadaagha, nea geegeanda yookajeega ghayi sirada, nea gea sighabwas goonung' goobal geat, nea goohirjeaweadi gil nyooh ea yooki.

ISAYA 58:7

Giiluuldeaydeaba geaw bea huumwa gideaba gajadawa fuga bearji jalooda hamitaang'u, ea gideaba nung' ghapka gheang'u fuga barbari manda heeda jea goobiida; ak giidawi hang'weaka fuga mandeawana hang'weaka, nea giweadi eara buweadeagaagu.

YEREMIYA 19:4

Aba gideaba fiisu nijaktaneani, nea ning'uda ririnnyeanda hiji aba ghwardeayda hideeda ng'andit aseecheeka suuk was gea mwanala saawa ghana ghweaniga nyaawa ghana eara sugoodiga Yuda; nea ea niinyiit hiji aba foojeanda fuga manda giidiinyeanda,

YEREMIYA 21:12

Gwayi NG'UTAMIIDA, Ea gheeh Dawdi “‘Asina ng'asheega doobiiweadi gidang'eada sakteayda, Ak goolealni geatinga siida ghabwas fuga goola eang'waay, Adiidu ghwayeata nyarasteanyu beasta, Ak ghwayeat nea maygudu gwanda siichea gwanuus. Aba sinaweegeagwa munyas.’”

YEREMIYA 22:17

Ak ang'iing'i gindeawi gheanyanga ea guroorooda gheang'da geaw Bea baruureega maba doobiiwnata, Aba gideaba inyeesa giihiidi foojeanda manda giidiinyeanda, Aba minighista nea ghoaluuji buuneeda.”

YEREMIYA 26:16

Ng'ata gwayeesha fuga hees ea buuneeda sean heeda ashoohoodiga ea sibanga gideaba, “Siisi mamiisiina miyeeda, aba gideaba goobalooleasa aba gheawunga NG'UTAMIIDA was ASEETEANYA.”

YEREMIYA 5:28

niriisha nea niweeriidi. Nea mwanala biikteaydeaba bwadaw aba sinooda munyinda inyeesa ghwalach girgweageeda nea ghaghwan inyeesa ea maweada bananga ghwanyas nyageadayda, nea mamiineadaysiina huumeanda fuga barbari.

YEREMIYA 7:23

Nea diigheanda aadawji saawa ea nih, ‘Ooleeysiina iita ng'asheegeasu, ak abeeda gaydoaw ASEETEANG'WA, ak gajahuuwa agooga fugeasu; ak goobadiini jeeda naweadinga sean ghayi agoonyeegwa, ak abeeda gajanyasa giibinda.’

YEREMIYA 9:24

Gwayi NG'UTAMIIDA, siida ghwar geaw ea daghwara geaw aba ng'asheanji, gideaba ghwanal gideaba geawooschi NG'UTAMIIDA ahiimu bariinyeega huumwa, ea doobiiwnata, ea alooheeda aba badayda ng'eanyiida, aba gideaba suh gea ahoosaneani gil.”

HEAREEGA 3:36

ama sisach gidadoobiiwsa siida, ea magasa Ng'utamiida.

ESEKIELI 18:12

Nea ghoareat fuga barbari haleanjeeda nyaawa ea fuga gasa weeta, nea ghoareat buuneeda haleanjeeda nyaawa aba uurda, nea mawalda siileeda siida, ak ghabwat sanaamajeega nea gwasin ng'asheega munyas.

ESEKIELI 18:7

Nea mii ghaghabwas siida, ak ea niidealda siileeda siida, nea mii ghoareat siida haleanjeadaanyi aba uurda. Ak ea niidaw fuga bearji jalooda hamitaanyi, nea ghoadaw hang'weaka fuga dawiiri.

ESEKIELI 22:7

Aba headaang'u sifool ghweanda ea gheamata, nea aba headaang'u ea sisima rabasta ng'asheega munyas ak aba headaang'u ea sighabwas bananga ea masinung'weega.

ESEKIELI 45:9

“Gwayi NG'UTAMIIDA was ASEETA. Agooga biissa nideay, ea fuga hees bea Israeli anung'waada ghabasta buuneeda ea giireeta haleanjeeda. Asina girgweageeda doabiiwaat anung'waada hoanda fugeasu aba jeeda ng'eanyiida, gwarugu NG'UTAMIIDA was ASEETA.

YOELI 3:19

“Misri gajeang'amwa, nea Edomu gayghoah dareapcheeda manda sih, aba gidasawanda orjooga Yuda; aba gideaba niihiida foojeanda mandeawana giidiinyeanda aba jeeda ng'eanyiida nyaawa.

NG'ASHEEGA LAWI 19:15

“Adiidu ghoalaji girgweageeda nea meatoabiiwi; ak ea adishiidi siida bwarbwar ghana awala gheang'da siida haw, gagasa laja girgweageeda gischeewoocheandaang'u nea giidoabiiwi.

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

AMOSI 5:24

Ak ginung'waadi doobiiwnata ghwararang'aanda beega, nea gawuurji alooheeda gheang'deenda mwaghajamiida.

MIKA 3:11

Fugaaschi hees gwasin girgweageeda aba gideaba ghwanyas seawshooda, ashoohoodigaaschi goonealshi aba gideaba ghwanyas gidageatinda, nea sibangaaschi gwaramooran ghwanyas lapiya; ak eara aba sareani gayghaghus NG'UTAMIIDA nea geeyi, “Neada NG'UTAMIIDA ea manda bugusteanya? Manda gidamuy jea gwahisseasa.”

MIKA 6:8

Ea orjeeda siida, niny ghoahiimneey gea miyaas; ak NG'UTAMIIDA gagasa naaha aba headaang'u gagasa gideaba gaysina gitoabiiw, ak gibwariinyi baydeayda, ak guwi nea giyaadi geaw ng'eanyi aba heeda ASEATAANG'U?

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

Mattayo 23:23

“Ashageada geat ng'oorshoodiga ea Farisaayajeega, amiitu geat! Iissa ghoanung' ghoadayda buuneeda gilagi aba jeeda damanamughuush aba mwayoah ea ruuruukta ea hamuumayga ea seenga ng'andit, nea ghoapuuchi ng'asheega durumani bea deaweeda was huumeanda ea inyeanda jeeda ea baydeayda ea masaweega. Suh ng'asheega ghwanyawa haguuw gideaba gajasina gil, nea moanung'waadani ng'asheega suurja.

GIIPKEATA DIIGHEANDA 10:18

Iissa ghwanung' ghwanyas diibiga deaweedeeda doabiiw was bananga ea masiinung'weanda, nea ghabwariiy rabascheanda, inyeesa ghoadaw hamita ea hang'weaka.

GIIPKEATA DIIGHEANDA 24:17

“Adiischoardi gitoobiiwsa rabascheanda ghana siida manda ghwaan, ghana geanda hang'da masinung'weanda ak giyiini raduutka;

GIIPKEATA DIIGHEANDA 24:7

“Nea siida iisidaa nea gwajagwat siyagi bea buweadeagaaschi, aba jeeda fuga Israeli, ghana gwahinda soomjeanda ghana ghwashaayda, abeeda mareanghweandida gayghami; abeeda gaygeandeawana munyinda jeedeang'wa.

GIIPKEATA DIIGHEANDA 25:1

“Iimida jaliida jeeda buuneeda, ak ghapka gheeda sirgweacha ak gooji fuga laja girgweaguutka ng'asheega nyaawa, ak gwasiksa siida manda giidiinyeanda ak ghwaaga ghoorjooda dea mideawa giidiinyeanda,

GIIPKEATA DIIGHEANDA 27:19

“‘Gajeamwaashta siida nyooh ghaghwan gitoobiiwsa rabascheanda, ea bananeeda ea masinung'weanda.’ Ak gaygwayi buuneesean, ‘Amin.’

Yakkobo 1:27

Diineeda miy manda ririnnyeanda aba madeeda ASEETA was Ghweandean nih gil: bareasiinda bananga gil ea masiinung'weega aba jeeda sawanaduutka nyaawa, nea gifuri geaw aba ng'asheega munyas bea muunda ng'eanyiida.