YEREMIYA 2:7 - Bibliyeeda Ghaydit

⁷ Ng'ata geayeaneegwa jeeda ng'eanyiida miy ahoosasiina haghweagaaschi ea haleanjeadaanyi miyas. Ak gooweayi jeeda hean ghoang'udi ririnnyeanda ng'eanyiideanyu, ak ghoanung' ghoah ng'eanyiida eagoonyeegwa munyinda.

YEREMIYA 2:7 Mawu Ofanana

NEHEMIYA 9:25

Ak geang'waay mujiineeda sineaweesa ghamarda ea ng'eanyiida mida baruureega, ak goombal gealga nyiit haleanjeeda sean miyaas, ea healatka sighurghur, ea sabiibajeega ea saytuunajeega, ea geediga sean mideawa haghweega; hean geayaak, ak geelang'u ak gwariisha, ak goohoosan geat aba miyindaang'u haw.

NEHEMIYA 9:26

“Ak ea miigwasineey mureeda nea ghaheawaneey ak gwajaksa deaweedeadaang'u mureeda badahuuka nyaawa, nea ghabwar sibangaagu, ghayi rukwiisa saawa ng'asheega gabiigu saawa headaang'u, ak geesin ng'asheega hees munyas.

ISAYA 19:25

Ak gayghoadaw saawa NG'UTAMIIDA lugweega ghawooda nea gwayi, “Gaydagoonyi ghawooda fugeasu bea Misri ea ang'iing'i Ashuru, gadiyeeda geatingeasu, ea fuga Israeli was hearaniischoodeanyu.”

YEREMIYA 16:18

Ak gaydawalda niba iyeenya ramaseanyeeka ea riing'eega nyaawa, aba gideaba ning'uda ririnnyeanda ng'eanyiideanyu aba muscheeka sanaamajeega nyaawa munyas, ak ea niinyiit hearaniischoodeanyu aba munyasnacheeka nyaawa.”

YEREMIYA 3:1

“Inyas gang'ada gatmooda sea siyeadaanyi, ak ghang'amwa headaanyi, ak ghoah gatmoomba sih nuut, abeeda gayghoamu gabiiksa gatmoadaanyi? abeeda ng'eanyiita majeang'uda ririnnyeanda muuchi? gwayi NG'UTAMIIDA Ang'iing'i niyaagi hiseadayeanduumeeda sea ng'wasanga saang'a; abeeda ghamneawa gaygudu biikni heedeanyu?

YEREMIYA 3:2

Gatgada gheanyangaagu ea ghwahita heayeeniga geawi, ak gidaahi! Gwanda heeda miighang'udaneayi ririnnyeanda? Inyeesa gimiinaadi aba gheata naweeda nea giimuuku ng'wasangaagu guwuurjeewi ng'eanyoocheanda aba jeeda dareapcheeda. Ang'iing'i ning'udi ng'eanyiida ririnnyeanda aba hiseadayeanduumeadaang'u muy.

YEREMIYA 3:9

Ng'ata ghang'uda ng'eanyiida ririnnyeanda ak gamealuul aba badita aseecheeka sisna lagheanga ea geediga.

YEREMIYA 32:23

Hean gaweay jeedeaba ng'eanyiita ak goombal, ak ea mooleeyseey iit nea mwaang'waanya deaweedeadaang'u, nea manda ng'asheanda nisin aba jeedeaba giika ghayi iyeeshi sinnean, nea aba badaydeaba nih ea ninung' ghoang'waay ng'asheesu munyas seaniin.

YEREMIYA 32:30

Aba gideaba orjooga Israeli ea orjooga Yuda nisinnean gea munyas aba madeedeanyu, ghang'eada gheareemaneanduumeeda nyaawa, aba gideaba orjooga Israeli niisaajan aba sinaweega geatinga nyaawa, gwarugu NG'UTAMIIDA.

ESEKIELI 20:24

Aba gideaba mii ghoang'waay hamurajeegeasu, nea geaheawa deaweedajeegeasu, ak geang'uda ririnnyeanda sabaatohajeegeasu, ak geabwat sanaamajeega ghweaniga nyaawa.

ESEKIELI 20:28

Iidu nea ghaayaachi ng'eanyiita ghayi eayeaksi habeawooda gideaba gaydaadawiin, hean iisidaah heayeeda geaw ghana geeta mideawa seenga saang'a, hean geatayda haleanjeeda sisabwa geadi bea ghadooweeda ea lukghumajeega nyaawa nea geesajan nea aba hoowa geatayda lukghumajeega ng'andidi shearu, ea haleanjeeda sisabwa geadi sileeha.

ESEKIELI 20:6

Eaweeda ghayi eayeaksiini saawa habeawooda. Ak geascheeng'ni saawa ng'eanyiida Misri, ak ghaanung' gaweay jeeda ng'eanyiida ghayi ealoosi saawa, ng'eanyiida nyiit eanooga ea maleeda, ng'eanyiida miy aba alooheeda ea ghang'al ng'eanyoojiga sean.

ESEKIELI 23:35

Asi gwayi NG'UTAMIIDA was ASEETA, aba gideaba mudu apkaadaan, ak gijaksean bwadaw, asi geanda hiseadayeanduumeadaang'u, ea mealuuleagaagu.”

ESEKIELI 36:17

“Ea orjeeda siida, Israeli damanda mideewa ng'eanyiida nyaawa nea gabwa geat, ghang'uda riing'eeda aba naweadinga nyaawa ea sinaweega nyaawa. Naweadinga nyaawa aba madeedeanyu gawuurji ririnnyeanda gatmooda neaweesa eaghwada.

HOSEYA 9:3

Maygudu goobiida jeeda ng'eanyiida NG'UTAMIIDA, ak Efraimu niny gaygabiikta ng'eanyiida Misri, nea gayghwaak hamita muy aba Ashuru.

MIKA 2:10

Ang'eatng'eada aweayeena, aba gideaba hiji mii heeda jea afuufana; gajooshealana aba ririnnyeanda aba giishealda haw muuchi.

IITOODA 13:27

Ak geeyeesha niny, “Aseasa geeleabu ng'eanyiida oocheaktaneasa; gagulda eanooga ea maleeda, ak ea sukwa haghweagaaschi.

GIIPKEATA DIIGHEANDA 21:23

maygoobiida mustaanyi uhuuda geeta eaweesean, gaybunya niny eaweedida, aba gideaba siida sirata nimwaashta ASEETA; adiidu gibwari ng'eanyiideang'wa ghayi goonyi NG'UTAMIIDA was ASEATAANG'U ririnnyeanda ak goohearanyi.

GIIPKEATA DIIGHEANDA 32:9

Aba gideaba meatkweeda NG'UTAMIIDA fugaaschi gil, Yakobo gealoat aba hearaniischooda.

GIIPKEATA DIIGHEANDA 6:18

Sina ng'asheesu miyaasiin ea gea doabiiw aba madeeda NG'UTAMIIDA ak gajanyasa giibinda miy ak gajahita ak goombaliischeewi ng'eanyiida miy aksa habeawooda NG'UTAMIIDA gideaba gayghoadaw ghweanigeagwa,