YEREMIYA 2:5 - Bibliyeeda Ghaydit

⁵ Gwayi NG'UTAMIIDA: “Ghweanigeagwa ghwadaah munyinda naaha aba heedeanyu bwak ea ghang'amwa heedeanyuun? ak ghwaat geeshta haleanjeeda marachi gil, ak hean eara saawa ghoah fuga marachi gil

YEREMIYA 2:5 Mawu Ofanana

2 SUGOODIGA 17:15

Nea geaheawa huumeanyeakaaschi, ea neajeadaanyi ghayi sin sea ghweaniga nyaawa; nea maduupa eara, rukusiinda siitaw saawa. Ak geabwat sanaamajeega ng'uyeega, ak ghoah fuga ng'uyeega, nea ghwaat geeshta eemoojiga neaweesa saawa, ghayi rukusa NG'UTAMIIDA gideaba adagwasinda giduurji saawa.

NYIIGHEEGA 115:8

Haleanjeeda sean sin gawuurji sea saawa; ak gwasunu sean gea ghus haleanjeeni.

ISAYA 29:13

Hean gwayi NG'UTAMIIDA, “Fiisu gwaneekiisean ak gwasinnean mureeda aba ghuusiga nyaawa gabeachi, nea gurooruunatka nyaawa ea sheageewanean, ak ghoawalan aba diigheanyeeka buuneeda ghayi siinaal.

ISAYA 44:9

Fuga sina sanaamu ak gawuurji gidamwadaagha, nea haleanjeeda nyaawa bwariiy saawa ea mayghwaloat gil, ak eara muushoodiga nyaawa ea mwadaaha gil, nea mwanala gil ak gajeepwaaspwaas.

ISAYA 46:12

“Ooleeysean iit agoogeeda hang'oonyi iheeni, agoogeeda oowooschi sheageewa lealeanooda:

YEREMIYA 10:8

Saawa ea dasheahi nea gwanya fughareani inyas geanal aba sanaamajeega sisna geediga.

YEREMIYA 12:2

Ang'iing'i gihisti saawa, ak ghang'ut ng'eanyi hawunga; Hean gwaheetu ea gwaji haghweega; Inyeesa aba ghuusiga nyaawa guwoosi neeki Nea aba jeesinga gurooruunatka nyaawa guwoosi sheagi.

YEREMIYA 14:22

Aba jeeda aseecheeka ng'uyeega bea eemoojiga, gwanda gea jea ghoamu gweadu roopta? Nea eara humng'eeda ghoamu ghwahiing'u shishiyda? Heapi ang'iing'i, Ea NG'UTAMIIDA ea muwoosi ASEETEANYA? Aseasa geedukuseeyi aba gideaba ang'iing'i gisinayi haleanjeeni seaniini.

YEREMIYA 2:31

Asi agooga, Ea seaygoojiga, ooleaydit ng'asheanda NG'UTAMIIDA. Heapi aniini naahuuyi dareapcheeda aba heeda fuga Israeli, ghana ng'eanyiida mideawa misaneeda duw? Ghwasaan anda fugeasu gwayi ‘Aseasa meawasi radanga, maygudu eebiikna gicha headaang'u’?

YEREMIYA 2:4

Ooleeysiina iita ng'asheanda NG'UTAMIIDA, Ea gheeh Yakobo, ea gealga sean bea Israeli.

YEREMIYA 8:19

Aleaydiit shooka hudeaba fugeasu, aba meatkwajeega sean bea ng'eanyiida, “Neada NG'UTAMIIDA ea manda Sayuni? Neada sugoocheandaanyi ea mudu gwanda hoowa?” “Ghwasaan anda ghoanyareasan aba sanaamajeega nyaawa sideasa geadi, ea sanaamajeega eemoojiga?”

ESEKIELI 11:15

“Ea orjeeda siida, fugaagu iduupcheewi ea fuga Yerusalemu was fugaagu iduupcheewi gabaloola badaydaang'u ea badayda fuga sean bea Israeli ghayi siipaleak, ‘Agoogeeni oondi giibaleaktean goowooschi sheageewa Ng'utamiida aba gideaba NG'UTAMIIDA nigooneasa ng'eanyiini ghoah deanya’.

ESEKIELI 14:5

Gaydasat gurooruunatka fuga Israeli aba gideaba gabiigu ghapka heedeanyu, aba gideaba nisheagiideawanean ak gabada sanaamajeega nyaawa.

YONA 2:8

Fuga bada sanaamajeega ninung'waada bariinyeega nyaawa bea huumwa aba headaang'u.

Mattayo 15:8

‘Fiisu iissa gwasinnean mureeda aba ghuusiga, nea gurooruunatka nyaawa ea sheageeweani;

Gadiyeeda Giijasoodiga 14:15

Nea geeyi, “Buuneeda, ghwasaan anda goosinyi ng'asheesu? Aseasa geawooschi buuneeda mideawa searoojiga uurjeewaneegwa, ak geapkaanyi eerukuneegwa giijasta miy, ak ghoanung'waadi haleanjeeni bea mwadaaghaan, ak gooyamsi geat ASEETA majeek ghayi bwat humng'eeda ea ng'eanyiida ea basooda ea haleanjeeda sean mida jeeda.

Ruumi 1:21

Ak earapeadi nal ASEETEAN ghanyea masisiina mureeda niny gawuurji ASEETA ghana gabadiischeesa niny, hean ghoah duguuga mwadaagha aba iheenga nyaawa nea fughareenga nyaawa marachi gil geanung' gamisaniit.

GIIPKEATA DIIGHEANDA 32:21

Sing'udanaan lachng'eanyiida aba gida mii aseeta; niinyareasan aba sanaamooda nyaawa. Ak gaydang'uda saawa lachng'eanyiida aba gea mawoosa buuneeda, ak gaydaanyareas saawa sea eemoojiga dasheahi.

1 SAMWELI 12:21

ak ea adooyamsi geat haleanjeeda mwadaagha mwoamu gwanyakneegwa gil ghana gwalealneegwa, aba gideaba haleanjeeda mwadaagha.