YEREMIYA 2:2 - Bibliyeeda Ghaydit

² “Una ak girukwiidi giijasi aba heeda fuga Yerusalemu, Gwayi NG'UTAMIIDA, Aniini ghaapkaachi doobiiwnata gheareemaneanduumeadaang'u, ea bariinyeagaagu uurji gea sibeeda, gidiyaataaydi geeshteanyu aba jeeda dareapcheeda, jeeda ng'eanyiida miyeehisa gil.

YEREMIYA 2:2 Mawu Ofanana

NYIIGHEEGA 129:1

“Nigeawiit gwasawanan saawa ghang'eada gheareemaneanduumeedeanyu;” ak gagasa gwayi Israeli ghamneawa–

RITEAYDA 14:31

Iidu ghwadaah fuga Israeli gadiyeeda haw sin NG'UTAMIIDA aba badayda fuga Misri, hean ghoawal buuneeda NG'UTAMIIDA, nea geamwas NG'UTAMIIDA ea siidaanyi bea gadiyeeda was Musa.

RITEAYDA 16:8

Ghwalamda ak gwayeesha, “Shing'ada gaygagooneegwa NG'UTAMIIDA banyeega jea ayaaga, ak sakteayda gaygagooneegwa mukaateeyda jea goolang'uudeegwa, aba gideaba NG'UTAMIIDA niyiiy giiniikghteang'wa ooniiksi niny, aseasa geawooschi ng'eaha? Giiniikghteang'wa mamiiseasa, gammiisa NG'UTAMIIDA.”

GHWASIILDEANGA 1:20

Weaghuumeeda goojuur aba ghuuta naweeda bareanda, ak goojuur aba jeeda naadajeega.

SARMEEDA SULEMANI 3:11

Arini jarooda ea haweega Sayuni, ak goong'ulay sugoocheanda was Sulemani, gwandeawa shiipka sin ghaamwat ak gooshiip niny, bea eaweeda geeshoadaanyi bea eaweeda hooseaneega gurooroadaanyi.

SARMEEDA SULEMANI 3:6

Siisi siyeeng'na dareapcheedean ng'eaha gil gawuurji daraneeda aroosta, geejooysa geediga ng'andidi ea mughoondooda ea dearanga hideeda ng'andit bea fuga ageakshachi?

ISAYA 58:1

“Ajuura aba nyeashta nea adisindi, aheeni daghataang'u gawuurji durumbeati; rukusiina fugeasu giidiinyeanyeeka nyaawa, rukusiina fuga gheeh Yakobo riing'eega nyaawa.

YEREMIYA 11:6

Ng'ata gwayeeshiinean NG'UTAMIIDA, “Rukwiida ng'asheesu seaniin aba jeeda mujiinajeega Yuda ea jeeda naweadinga Yerusalemu, gideaba: Oaleaydiit ng'asheegeaba neajeeni ak ghoang'waanyi.

YEREMIYA 19:2

ak giideayeewi ea ahita moangoachiyda orjeeda Hinomu mida murdeeda gidaghuuta sisina sheang'weeda, ak abeeda gayrukuta gichea darukuneeyi.

YEREMIYA 2:1

Ng'ata ghwaani ng'asheanda NG'UTAMIIDA heedeanyu, ak gwayi,

YEREMIYA 2:6

Nea ea mii gwayi, ‘Gwanda yeenu NG'UTAMIIDA ghayi aruunaneasa jeeda ng'eanyiida Misri, nea ghoadoabiiweasa aba jeeda dareapcheeda, jeeda ng'eanyiida eeshtearajeega ea shoomeanga, jeeda ng'eanyiida ghajaam nea gaba misaneeda duu, jeeda ng'eanyiida moamu siida gwasik jeeda, heeda moamu goobiida siida?

YEREMIYA 3:4

Heapi ghamneawa miguurni nea giyeeni ‘Ang'iing'i giwoosi ghweandeanyu, nea guwoosi siida eaduupcheewi gidang'eada gheareemaneanduumeedeanyu

YEREMIYA 7:2

“Miinaada aba gidaghuuta gheeda NG'UTAMIIDA, ak girukuti aba hoowa ng'asheanji, nea giyeeshi, Oaleaydiit ng'asheanda NG'UTAMIIDA, fuga sean bea Yuda oowadiinayi jeedeaba gheanyi aghadoawana NG'UTAMIIDA.

ESEKIELI 16:22

Nea aba ng'asheagaagu munyas sean, ea ng'asheagaagu bea hiseadayeanduumeadaang'u miipkaadi damandida bea gheareemaneanduumeadaang'uun. Damanda iwaseewi dawiish, nea mindeawani eaghwada, nea gidaktakti aba jeeda foojeandaang'u.

ESEKIELI 16:60

Ak gaydaapkaat neajeadaang'u, ghayi easinyi sea ang'iing'i damanda gheareemaneanduumeadaang'u. Ak gaydeamajeek neajeeda manda muudeanooda sea ang'iing'i.

ESEKIELI 16:8

“Hean iidu nea geasikchi gicha murdeadaang'u ak geang'uleey, ng'ula damandaang'u, abeeda damanda bariinyeega gil, ak geakwealeey aba weeleeda hang'deanyu, ak geadukuti dawiishnataang'u, asaha, geayeakseey habeawooda, ak geasinyi neajeeda sea ang'iing'i ak abeeda guwoosi gatmoodeanyu, gwarugu NG'UTAMIIDA was ASEETA.

ESEKIELI 23:19

Ak ghoahaat hiseadayeanduumeadaanyi iyapkaat eawoojiga huduumeadaanyi damanda sina ng'asheega hiseadayeanduumeadaanyi aba ng'eanyiida Misri.

ESEKIELI 23:3

Damanda mideewa ng'eanyiida Misri, aba huduumeanyaawa, hean ghamwas eeng'oonyi gidinga nyaawa ak gamealuul ak gwahiseada.

ESEKIELI 23:8

Hean gawa mwadi aba hiseadayeanduumeadaanyi ghayi ang'eat ghuuta aba ng'eanyiida Misri aba damandida, nea gudea huda gil ak gaweay headiga heeda ak gwasin gida gasa aba headaanyi.

HOSEYA 11:1

Damanda waseewa Israeli baleanda, ghaabwariiny niny, ak geaguursi orjeedeanyu gwarina Misri.

HOSEYA 2:15

Ak gaydaadaw madameagaaschi bea sabiibu nea mwaangwaachiheeda Akori gayghoah gidaghuuta hoyyoo. Ak gayghwasha ghuuteanyu aba hoowa gawuurji damanda ghayi bea gheareemaneanduumeadaanyi, ea eaweeda ghayi siyeeng'na ng'eanyiida Misri.

HOSEYA 2:17

Aba gideaba gaydageandeawa ghuutaanyi gheawunga Baali, nea ea maygudu eeguuriisiina gheawunga nyaawa.

HOSEYA 2:7

Hean ng'ata gayghwaat geeshanga ng'wasangaaschi, nea ea mayghwanyas, hean gaygagaseada ak nea ea mayghwadaah; aba ng'ata gaygwayi, ‘Gaydabiikta dabiiksa siyeedeanyu bea mwadi; aba gideaba giibindeanyu bea ghayi aamiy ea ghang'al deaba ghamneawa.’

HOSEYA 8:1

Iina ghuutaang'u durumbeati, aba gideaba madooyda gwanda uhuuda gheeda NG'UTAMIIDA, aba gideaba ninyarja neajeedeanyu, nea ea mudu ghoang'waay digheandeanyu.

HOSEYA 9:10

Gawuurji sabiibooda mida dareapcheeda, heeda aanyasi Israeli. Gawuurji haghweega madeeda bea geeta siguura mtiini, damanda jeataanyi bea madeeda, naadaayi ghweanigaagu. Ng'ata ghapka uhuuda giijeeda Baal-beori, ak ghang'eat ghabwat Baali, ng'ata ghwayamwa ghoan munyinda ea gawuurji gidida bwariiyiin.

YONA 1:2

“Ng'eada una Ninawi, mujiineedida hawiin, ak giijuursi; aba gideaba munyasnacheeka nyaawa nihidu madeedeanyu.”

Mattayo 11:15

Siida mideawa iidiga ea dayiing'shi!

Lukka 12:13

Ak gwayeesha Siyagi aba jeedeaba eemeedida, “Giinealshoocheanda, rukusiina orjeeda iyya gagwalnean haleanjeeda jea dahearan.”

GIIPKEATA DIIGHEANDA 2:7

Nea NG'UTAMIIDA was ASEETEANG'WA ea nigooneegwa ghawooda aba gadiyoojiga sean noosinyi aba geatingeagwa, niny ghwanal gida ooneayeati aba jeeda dareapcheeda haw; gweanyeeksu was haradamiin, NG'UTAMIIDA was ASEETEANG'WA gwandeewaneegwa; nea manda gil niweadaneegwa.’

GIIPKEATA DIIGHEANDA 33:3

Aba huumwa ghabwariiy fugaaschi; fugaaschi ghaydidi sean gwanda geatingaaschi; nea gweadu geashtaang'u ak gaygaba nih ang'waay ng'asheega leabu headaang'u,

GIIPKEATA DIIGHEANDA 8:2

Ak gajapkaada naweeda sean abeada NG'UTAMIIDA was ASEATAANG'U adoabiiweagwa aba gweanyeew haradam aba jeeda dareapcheeda, nea ghwahiing'neey, ak gwasimsimnyi ghwadaah gida mida jeeda gurooroadaang'u, ghwadaah ea jea sisiina mureeda diigheanyeekaaschi ghana manda.

Yakkobo 4:4

Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

Giidaheechta 2:4

Ak geandeawi ng'ashaan aba badaydaang'u, bea gideaba ninung'wi heeda bariinyeagaagu bea mwadi.