YEREMIYA 17:3 - Bibliyeeda Ghaydit

³ ea iheenga giijeega mida mooheeda. Meanang'oocheanduumeedeang'wa ea gheaseedeang'wa gaydaadayda ghoah easanga ghwasha riing'eegeagwa aba jeeda moonghajeegeagwa sean.

YEREMIYA 17:3 Mawu Ofanana

2 SUGOODIGA 24:13

Ak gageanda haleanjeeda sean siitiiw bea gheeda NG'UTAMIIDA ea haleanjeeda siitiiw bea gheeda sugoocheanda, nea ghwalajaada haleanjeeda sean bea dahaabu, ghayi sin Sulemani was sugoocheanda Israeli mida jeeda gheeda sibata ASEETA bea NG'UTAMIIDA gawuurji gidanyaashta NG'UTAMIIDA.

NYIIGHEEGA 78:58

Ghoanyareas niny aba heeda nyaawa diyeada, ak ghwasasat gwashissa ghaang' sanaamajeega nyaawa sisin.

ISAYA 27:9

Asi giidiinyeanda Yakobo gajeesamsa, nea ea haghweega majeekcheewi gil bea geandeayda riing'eadaanyi, damanda sina lagheanga sean bea heeda wagiida, gawuurji roonghooda lagheanga sigul ghoah basanga, ak ea maygwanda Asherimu ghana heeda wagiida ng'andit jea ghoabit nea ghamiinaada.

YEREMIYA 12:12

Fuga ghas fih niding'da iheenga heayeeniga manda gil mida dareapcheeda; Aba gideaba ng'uta NG'UTAMIIDA nihuuyda fih ghang'eada meatkweenagi bea ng'eanyiida ea gagul muudeanoodeaba niirja; Manda siida bea seayu.

YEREMIYA 15:13

“Haleanjeedeang'wa ea gheaseedeang'wa gaydanung' ghoah easanga, nea manda sheayeeda, aba riing'eegeagwa sean oosinyi aba badayda ng'eanyoojigeagwa sean.

YEREMIYA 20:5

Aba ng'ata gaydaadaw saawa meanang'oocheanduumeeda mida jeeda mujiini, ea haleanjeeda mida jeeda, ea gea haw sheayeat, ea gheaseeda sugoodiga Yuda heeda weajoodiga nyaawa, ak gayghaghas aba uurda, ak ghwaat Babeli.

YEREMIYA 21:13

“Ng'ula, gaydang'ucheeweegwa, Ea fuga abiita moangoachi Ea gea mida jeeda lagheaneeda mida mooheeda; Agoogeeda ooyeenayi, ‘Gayghwararang'aan ng'eaha gang'ucheeweasa, ghana gayghoamu ng'eaha ghwahidu heeda siipiiti?’ Gwayi NG'UTAMIIDA,

YEREMIYA 26:18

“Damanda waseewa sugoocheanda Yuda Hesekiya ghwaramoaran Mika was mujiineeda Moresheti ak gwayeesha fuga sean bea Yuda: ‘Gwayi NG'UTAMIIDA bea lugweega, mujiineeda Sayuni gajeabwar gawuurji gida sibariida madamnyeanda; Nea Yerusalemu gajeanung' ghoah eemeega, nea giijeeda gheeda sibata ASEETA gayghoah dareabeeta haw.’

HEAREEGA 1:10

Niiheaksa weajoocheanda geatingaaschi badayda haleanjeeda sean miyaas; aba gideaba nidaah eemoojiga gaweay heeda ghaydit, nea aba ng'asheega nyaawa giheawi gideaba gaygaweay jeeda fugaagu bwatgeat.

ESEKIELI 16:39

Ak gaydayiinyi geatinga nyaawa, ak gaydanung' ghoabeada headaang'u, nea gwanyarja headaang'u bea wagiida, ak saawa gayghafwakta eagweegaagu. Nea gageanda haleanjeadaang'u bea suulga amang'ata gajeenung'useey heeda nea guwoosi dawiish.

ESEKIELI 23:46

Aba gideaba gwayi NG'UTAMIIDA was ASEETA: “Gaydanung' ghapka headaang'u fuga bwat geat, ak gaydearuuta eejaksa hoowa ea hoowa nea geayaat ghoah easanga.

ESEKIELI 6:3

Nea giyeeshi, ooleeysiiniit ng'asheega NG'UTAMIIDA was ASEETA, agoogeeda oondi giijeeda Israeli. Ak gearugu aniini NG'UTAMIIDA was ASEETA, ak gearukuneegwa agoogeeda oondi giijeega ea heayeeniga ea ghuusiga eeniga ea burguutka gideaba aniini gaydeadu ng'uta ak geanyarji heetiyeada sean oobadayi.

NG'ASHEEGA LAWI 26:30

Ak gaydanyarjeaweada ghoorajeegeagwa oobateewean mida heetiyeada, ak gaydabwaay heedeang'wa bea wagiida abiita geediga ng'andidi, ak geahisi muscheekeagwa badahuuka muscheeka haleanjeedeang'wa mawoosa aseecheeka; ak gayghwasteagwa gurooroodeanyu.

MIKA 3:12

Asi aba badahuukeagwa Sayuni gajeabwarda gisibariida madamnyeanda; nea Yerusalemu gayghoah eemeega, ak giijeeda gheeda gaygawuurji gudung'unyeanda aba dareabeeta.

SEFANIYA 1:13

Ak gajeegeanda haleanjeeda nyaawa, nea gealga nyaawa ghoah eemeega. Eara gwadeesa gealga, ea maygoobiida; ak eara ghang'aapta sabiibu, ea mwajeali difaayeadaanyi.”