YEREMIYA 17:2 - Bibliyeeda Ghaydit

² damanda gudu goopkeadi diibiga nyaawa heeda nyaawa wagiida ea aseeta nyaawa siguura Asherimu mida murdeeda geeta gilinyoo ea nyawiish gil, ea iheenga heayeeniga geawi,

YEREMIYA 17:2 Mawu Ofanana

2 DAMANYOOJIGA 24:18

Hean ghwanung'wa heeda gheeda NG'UTAMIIDA, was ASEETA ghweaniga nyaawa, ak gagadiiyeesa Asherimu ea sanaamajeega. Ng'ata ghwahidu nyarasta iheenga Yuda ea Yerusalemu aba ramaseanji iteanyaawaan.

2 DAMANYOOJIGA 33:19

Ak musiischoadaanyi ea gida shaayda ghuutaanyi ASEETA, ea riing'eagaaschi sean ea ramaseanyeakaaschi ea heeda deeksa heetiyeada ak ghwayiin Asherimu ea sanaamajeega sisin, gheata mii ghwaat geaw ng'eanyi, ng'ula geeng'oorsa jeeda damanyoojiga meanga.

2 DAMANYOOJIGA 33:3

Aba gideaba gabiikta ghwadeas heetiyeada ghayi nyarjeawi ghwaan was Hesekiya, ak ghwayiin Baali heeda wagiida, gwasin Asherajeega, ak ghabwat shirikarajeega sean bea humng'eeda, ak gagadiiyeesa.

NYIIGHEEGA 78:58

Ghoanyareas niny aba heeda nyaawa diyeada, ak ghwasasat gwashissa ghaang' sanaamajeega nyaawa sisin.

RITEAYDA 34:13

Gaynyarjeaweada heeda wagiida nyaawa, nea gihirjeaweadi daranajeega nyaawa, nea gilaksi ng'eanyi geediga sigadoowani bea aseecheeka siguura Asherimu

ISAYA 1:29

Aba gideaba gajeapwaaspwaaseegwa aba sabiida oabwachi; ak gajeapwaaspwaaseegwa aba boostaaneeda oaloachi.

ISAYA 17:8

Ak ea maygut gang'ula heeda wagiida was gadiyeeda geatinga nyaawa nea maygut gang'ula gadiyeeda sina geatinga nyaawa was sanaamu bea aseecheeka siguura Asheri ghana heeda wagiida siing'andiit.

YEREMIYA 2:20

“Ghayi aba garayi goohirjeawayi yookajeegeagwa ak goong'acheawayi ghealoonigeagwa; ak gooyeenyi ‘majeabwadeayi’. Ak aba iheenga heayeeniga geawi ea gumsheaka geediga nyawiiri ghoabwachi aseecheeka marachi gil.

YEREMIYA 3:23

Aba huumwa heayeeniga gawuurji budeayda, badita sanaamajeega aba iheenga giijeega. Aba huumwa NG'UTAMIIDA was ASEETEANYA niny lealnoocheanda Israeli.

YEREMIYA 3:6

Ak gwayeeshiinean NG'UTAMIIDA aba damanda sugoocheanda was Yosiya: “Neada ea mii nidaahi gida sin Israeleeda mandeawana masaweega, gidabeada ea gawa uhuuda heayeeda geaw ea guumba giliwas geeta shabwaat, ak gwahiseada aba hoowa.

YEREMIYA 7:18

Diibiga ghoamughuush ghweenga, nea ghaghwar ghweaniga beasta, nea gadeemga ghwadas dearanga jea gwasina mukaateeda gatmooda was sugoocheanda bea humng'eeda, ak goodalealsa aseecheeka suuk haleanjeeda sisabwa geadi was difaayi, ghang'udanaan nyarasta.

ESEKIELI 20:28

Iidu nea ghaayaachi ng'eanyiita ghayi eayeaksi habeawooda gideaba gaydaadawiin, hean iisidaah heayeeda geaw ghana geeta mideawa seenga saang'a, hean geatayda haleanjeeda sisabwa geadi bea ghadooweeda ea lukghumajeega nyaawa nea geesajan nea aba hoowa geatayda lukghumajeega ng'andidi shearu, ea haleanjeeda sisabwa geadi sileeha.

GIIPKEATA DIIGHEANDA 12:2

Aba huumwa anyarjeawa gilinyoo ea heeda batiisa aseecheeka nyaawa eemoojiga jea oombala, iheenga giijeega geawi ea iheenga heayeeniga ghana gumsheaka geediga hees nyawiiri seenga.

FUGA LAJA GIRGWEAGUUTKA 3:7

Ng'ata gwasin fuga Israeli riing'eeda aba madeeda NG'UTAMIIDA, ak gwaroosa NG'UTAMIIDA was ASEETA nyaawa, ak gaweay gagadiiyeesa Baali ea Asheroti.