YEREMIYA 10:22 - Bibliyeeda Ghaydit

²² Oaleaydiit, nyeashta! Ng'ula ghwahidu– giijasta haw nea gwaleabu wiilooda ng'eanyiida ghayeawa jea ghwanung' ghoah mujiinajeega Yuda raghoonyeanda, ghoah shoomeanga fureayoonga.

YEREMIYA 10:22 Mawu Ofanana

YEREMIYA 9:11

Gaydanung' ghoah Yerusalemu eemeega hees gaydanung' ghoah shoomeanga fureayoonga; gaydanung' ghoah mujiinajeega Yuda raghoonyeanda, heeda moobiiteena sih.”

MALAKI 1:3

amadu ghaasichi Esawu; ak ea neanuuschi ng'eanyiidaanyi bea heayeeniga ak ea naadawji hearaniischoadaanyi fureayoonga dareapcheeda.”

YEREMIYA 6:22

Gwayi NG'UTAMIIDA, “Ng'ula gwanda fuga jea ghapka nea gwaleabu ng'eanyiida mida wiilooda ng'eanyiida ghayeawa, eemeeda haw uur goodiing'diing'da nea gwaleabu heeda sheagi.

YEREMIYA 6:1

Ea fuga Benjamini, amung'awa anyasa ghuhooda, ang'amwana bugusta Yerusalemu! Aghuuda durumbeati aba Dekowa, ak goosinyi gwadeagooda aba Bet-hakeremu; aba gideaba giishealda geedaahaan nea gwaleabu wiilooda ng'eanyiida ghayeawa, ea nyariida haw.

YEREMIYA 5:15

Geayeenyi aniini NG'UTAMIIDA, ea gheeh Israeli, ng'ula gaydeajeagu eemeanagi leabu heeda sheagi. Eemeeda hees uurjeen, nea eemeeni gaba garayi, eemeeda moayiinyi iita nyaawa, nea majoamuusa anala gidabaloola.

YEREMIYA 4:6

Amiinda beendeerajeanda nea gookeali Sayuni, amung'awa anyasa ghuhooda, adiidu ghoashing'di, aba gideaba gaydeana munyinda wiilooda ng'eanyiida ghayeawa, ea giibeedeayda haw.

YEREMIYA 1:15

Ak gwayi NG'UTAMIIDA, gaydaguursa eemoojiga sean bea gheambalmoojiga bea wiilooda ng'eanyiida ghayeawa; ak gayghapka ak gaba nih miinda gheambalmeadaanyi aba gidaghuudajeega Yerusalemu, ea ghamardaanyi sean neaweesa, ea mujiinajeega sean bea Yuda.

ISAYA 34:13

Nea gaygwarina halaghweenga uhuuda ghamardida itaanyi majeekiin, nea gwarina eara harbadeeda ea ng'eamga jeeda museasoadaanyi. Ak ghoah hoorgeeda jea goobiita fureayoonga, ea shageerooda.

YEREMIYA 1:14

Ng'ata gwayi NG'UTAMIIDA, “Gaygwaleabu munyinda wiilooda ng'eanyiida ghayeawa ak gaygoobisa fuga sean mida jeeda ng'eanyiida.

YEREMIYA 4:15

Ninya giijuureanda aba Dani ea aba giijeeda Efraimu nea gwaruku munyinda.

YEREMIYA 25:9

ng'ula gaydeajeagu eemoojiga mida wiilooda ng'eanyiida ghayeawa, gwarugu NG'UTAMIIDA, ea Nebukadinesa siideanyu bea gadiyeeda was sugoocheanda Babeli, hean gaydanung' ghapka gang'uchi ng'eanyiini ea fuga abiita jeeda, ea eemooji ascheayi sea saawa; hean gaydahuuyda goosha, ak gaydanung' ghoah gichea easit, nea geemachiida, nea geefool damanda manda muudeanooda.

YEREMIYA 49:33

Ak Hasori gayghoah giibinda fureayoonga, nea ghoah raghoonyeanda damanda manda muudeanooda; ak ea manda siida jea goobiida hoowa, ak ea manda siida jea goobiida hoowa nea goobiideata gidabiitiida rabascheanda.”

HEAREEGA 1:4

Naweadinga Sayuni gagutu heareega, aba gideaba manda dea hidu ghweelmeeda; ghuusiga dooshingaaschi ning'ut salgheang'da, ashoohoodigaaschi gwatkan; haweagaaschi siingiir, nea niny ea ninyas sawanadeeda ng'waan.

ESEKIELI 12:19

Ak giyeeshi fugeaba ng'eanyiini gwayi NG'UTAMIIDA was ASEETA, aba iita fuga Yerusalemu ea ng'eanyiida fuga Israeli gayghwaak hamita nyaawa aba muuwda nea ghwali beega aba hirbabanda. Aba gideaba ng'eanyiida nyaawa gayghoah raghoonyeanda aba ng'asheega munyas bea fuga mida jeeda.

YEREMIYA 2:15

Nea ghoamuum ng'anyeeka aba badaydaanyi, nea ghoamuum aba giijuureanda. Nea ng'eanyiidaanyi geanung' ghoah eeshtearajeanda; ak mujiinajeagaaschi ghoah eemeega, manda jeeda sih.