YEREMIYA 1:5 - Bibliyeeda Ghaydit

⁵ “Gheata miidasinyi aba jeeda geamadu goola danalnyi, nea gheata miyeejiilnyi ea goola daaghaydiinyi; nea ea naaloacheey was sibaneeda eemoojiga.”

YEREMIYA 1:5 Mawu Ofanana

NYIIGHEEGA 139:15

ak ratoodeanyu ea mii funyaat aba headaang'u, damanda sidamalleewean aba makcheameeda, ak geesinan aba gearinda aba uuta ng'eanyiida was heeda sheagi.

NYIIGHEEGA 139:16

Gheanyangaagu gang'ullean heeda mii dahida; ak geeng'oorsa jeeda gitaaboadaang'u, halleanjeessean, ak gichpi eawoojigeasu, nea mabata ghwahidu eaweeda ghayi bea madeeda.

RITEAYDA 33:12

Ghwalamda Musa ak gwayeesha NG'UTAMIIDA, “Ng'ula giyeeshiinean, ‘Ascheang'da fiisu’; nea minung' danal siida jea ajeakta deadeayi. Ak giyeeni, ‘Aniini ghaanaleay aba gheawungaagu, ak ea ninyasi dagheerjeanduumeeda aba madeedeanyu.’

RITEAYDA 33:17

Ghwalamda NG'UTAMIIDA ak gwayeesha Musa, “Gaydasin eara ng'asheanji iriguun, aba gideaba ninyasi dagheerjeanduumeeda aba madeedeanyu, ak gaydanalnyi aba gheawungaagu.”

ISAYA 44:2

Gwayi NG'UTAMIIDA ghayi sinyi, ak gwasinyi nea gudumidana jih ak gayghaweanyi: Adibeali, Ea Yakobo was siideanyu bea gadiyeeda, Ea Yeshuruni ghayi aaloachi.

ISAYA 49:1

Ooleeysean iit, Ea ng'eanyiida mida ghuuta basooda, ak ghoaleaydiit agooga fuga leabu deasheagi. NG'UTAMIIDA ghayi gaguurnean nea miyeejiilan, ak ghang'at gheawungeasu nea miyeejiilan.

ISAYA 49:5

Ak ghamneawa gwayi NG'UTAMIIDA, ghayi bwadan nea miyeejilan doaw siidaanyi bea gadiyeeda, ak geayeasi niny gicha Yakobo, ak ghabwatgeat Israeli gicha aba madeadaanyi, aba gideaba aniini naanyaschi mureeda aba heeda NG'UTAMIIDA, ak ASEETEANYU ea uurdeanyu gil–

YEREMIYA 1:10

Asi ghamneawa naayiinyeeyi iheenga eemoojiga ea gheambalmoojiga, ak gayloata nea gibarsi ng'eanyi, ak gaydatasa ak gijakti ng'ata gaydeasa nea gihisti.”

YEREMIYA 1:4

Hean ghwahidu heedeanyu ng'asheanda NG'UTAMIIDA ak gwayi,

YEREMIYA 20:15

Gagasa eamoashta siida eassa iita bwaabwa, “Siji baleanda was orjeeda aba gheang'u” Ak ghwanung' gahoosan muuchi.

YEREMIYA 25:13

Ak gaydeadu badaydeaba ng'eanyiita ng'asheega sean ghayi eargu, ea ng'asheega sean sing'oorsa jeedeaba gitaaboani, ghayi ramoorasa Yeremiya badayda eemoojiga sean.

YEREMIYA 36:2

“Geani gitaabu ak ging'oorsi jeeda ng'asheega sean ghayi earukuneey aba badayda fuga Israeli, ea fuga Yuda, ea eemoojiga sean, ghang'eada eaweedida ghayi eabaloolaneeyiin, ghang'eada damanda ghayi bea Yosiya ea ghoah ghamneawa.

YEREMIYA 50:34

Lealnoocheanda nyaawa ea majeek; NG'UTAMIIDA bea lugweega gheawungaaschi. NG'UTAMIIDA bea lugweega. Niny gayghaweadeagwa muuchi ak abeeda ghwanung' gamnyeeni ng'eanyiida nea goodeawiit fuga abiita Babeli.

Lukka 1:15

aba gideaba gaygwaheedu aba madeeda Ng'utamiida, Mayghwali difaayi ghana gichea gooboogit, ak gajeanyiit Guroorooda Ghaydit, ghang'eada jeeda ghaamwat.

Lukka 1:41

Iiy Elisabeti giigeacheeda Mariya, ghwadanghan baleanda mida jeadaanyi ak geanyiit Elisabeti Guroorooda Ghaydit

Lukka 1:76

Nea ang'iing'i baleanda, gajeeguureeweey sibaneeda ASEETA haw; aba gideaba gajasheedeawana Ng'utamiida sissiina naweadingaaschi,

Yohaana 10:36

goobalooli siidida ghayi amiidu Bwaabwa ak goojeagu ghwaan badayda ng'eanyiidean ak gooyeeshi, ‘Girukuni badayda ASEETA ng'asheega munyas,’ aba gideaba geayeenyi, ‘Aniini geawooschi Orjeeda ASEETA’?

Ruumi 1:1

Bawlo, soomjeanda Yesu Gristo, siguursa ghoah giijasoocheanda, sisach aba gadiyeeda giijasta miy bea ASEETA

Ruumi 8:29

Aba gideaba fugiga ghayi bay ghwanal niny amwadiin geegala sea orjeedaanyi, ak abeeda ghoah niny siichea eesheeda eeji aba jeeda fuga eaduupcheewi saang'a.

1 Goriinto 8:3

Nea siida iibwariiy ASEETA, abeeda siisi ghwanal ASEETA.

Efeeso 1:22

ak ghwayiin haleanjeeda sean hing'eadayda geeshangaaschi ak ghoadaw hawunda haleanjeeda sean aba badayda ganiisa,