YEREMIYA 1:13 - Bibliyeeda Ghaydit

¹³ Ng'ata ghwaan ng'asheanda NG'UTAMIIDA heedeanyu deaba iyeenya, ak gwayi, “Gidaahi naaha?” Hean geayeeshi, “Ghaadaayi dahuuda lalach nea gwanda wiilooda ng'eanyiida ghayeawa nea niing'arooga nea googealnean ghuuta.”

YEREMIYA 1:13 Mawu Ofanana

ESEKIELI 11:7

Asi gwayi NG'UTAMIIDA was ASEETA, asaha, mujiineani furinya gil. Nea giika sinuusiin ea bannyeega gil, agooga gajeerruuteawaneegwa jeeda mujiini.

ESEKIELI 11:3

Nea gwayeena, ‘Damanda deesta gheeda mii ghoaw. Mujiini gawuurji dahuuda, nea aseasa geewuurjeewi banyeega.’

SAKARIYA 4:2

Ak gwayeeshiinean, “Gidaahi naaha?” Ak geayeeshi, “Ghaadaayi ng'ula hoorgeeda siyiina gheaboong'nyeanda, nea geesina dahaabu, nea uhuudaanyi gwanda gweeriida, ea gheaboonyan ispwa mida uhuudaanyi ak gwanda seawuut ispwa aat nagheeda jeedeaba gheaboonyangiga;

GIING'EETA 41:32

Nea giirgweatka duwaawi bea Farao gwarugu gideaba ng'asheesu gaygwasin ASEETA, ak gayghwanung' ASEETA gabay ghwahidu nea mayghwashing'da.

YEREMIYA 24:3

Ng'ata gwayi NG'UTAMIIDA, “Gidaahi naaha, Yeremiya?” Hean geayeeshi, “Ghaadaayi haghweega shaboogheeta, haghweega miyaasiin ea gea munyas mwoamu eayaak.”

ISAYA 55:11

ea gichea gawuurji ng'asheandeanyu leabu ghuuteanyu gil; maygabiiksean mwadaagha. Gaygwasinda gideagasiidi, gayghwanyagaada aba ng'asheega ghayi eajeakteawi.

ESEKIELI 12:28

Asi eeshiina saawa, gwayi NG'UTAMIIDA was ASEETA; Ng'asheegeasu mayghwashing'da eara akaleala, nea ng'asheanda jea dargu gaygwasa gwarugu NG'UTAMIIDA was ASEETA.”

AMOSI 8:2

Ak gwayi, “Amosi, gidaahi naaha?” Ak geayeeshi, “Sooscheanda mida haghweega damanda daknooda.” Hean gwayeeshiinean NG'UTAMIIDA, “Nihidu damanda muudeanooda fugeasu was Israeli; nea maygutasuut gicha saawa.