Yakkobo 5:16 - Bibliyeeda Ghaydit

¹⁶ Daba siisi duukuuna riing'eemba nuut, nea gaba siisi mwaash ASEETA aba badayba nuut, ak abeeda geahaabeagwa. Siida doabiiwaat iimwaash ASEETA gwandeawa uurda haw sin gadiyeeda.

NEAJEEDA EESH BEA BUUNEESSEAN

¹⁶ Daba siisi duukkuuna ring'eemba nuut, nea gaba siisi mwaash Aseetta appadayba nuut, ak abeeda geahhaabeagwa. Siida doabiiwaat imwaash Aseetta gwandeawa uurda haw sin gadiyeeda.

Yakkobo 5:16 Mawu Ofanana

GIING'EETA 19:29

Ak gwasa, damanda nyarjeawa ASEETA mujiinajeega mida mooheeda, ak ghoapkaat ASEETA Abrahamu, amang'ata goomng'eawa Lutu mujiinajeega sinyarja damanda nyarjeawa mujiinajeega abiita Lutu.

GIING'EETA 20:17

Ng'ata ghamwaash Abrahamu ASEETA; ak ghoahaap ASEETA Abimeleki, ak ghoahaap eara gatmoadaanyi ea gadeemga was soomjooga ak gwaji diibiga.

GIING'EETA 20:7

Asi ghamneawa adealda gatmooda siida; aba gideaba siisi sibaneeda, ak gayghamwaash ghawooda aba badaydaang'u, ak gaynyasa eaweega. Ama miidealdani, abeeda ginali gideaba aba huumwa gaymeawa, ang'iing'i sea haleanjeeda sean indeawi.”

GIING'EETA 32:28

Hean gwayeesha, “Gheawungaagu maygudu eeguureewaneey Yakobo, gajeeguureewaneey Israeli, aba gideaba ning'alealeewi ASEETA ea buuneeda, ak ea nijooriischi.”

2 SAMWELI 19:19

ak gwayeesha niny sugoocheanda, “Gidabal ea mwanung' ng'utamiideanyu doaw siida mideawa giidiinyeanda ghana ghoapkaat gida adiiyda siidaang'u bea gadiyeeda aba eaweeda beawa ng'utamiideanyu was sugoocheanda aba Yerusalemu; gagasa ea mwayiina sugoocheanda uhuudaanyi.

1 SUGOODIGA 13:6

Gwayeesha sugoocheanda siida ASEETA, “Mwaasha NG'UTAMIIDA was ASEATAANG'U, ak gimusiischooweani, gabiikseani geatindeanyu.” Hean ghamwaash siida ASEETA NG'UTAMIIDA; ak gabiiksa heedida geatinda sugoocheanda, ak gawuurji gida ghayi bea mwadi.

2 DAMANYOOJIGA 30:20

Hean gooleeysiit NG'UTAMIIDA ghuuta Hesekiya, ak ghoahaap buuneeda.

AYUBU 42:8

Asi ageani jiiru ispwa, ea lagweendi ispwa, ak gooweesi siideanyu bea gadiyeeda was Ayubu, nea gooyeasi haleanjeeda sisabwa geadi bea ghadooweeda sighwarda; ak abeeda Ayubu was siideanyu bea gadiyeeda gayghamwaash aseeta, ak abeeda gaydealeeysa niny iit, ea measimaneegwa giduurji leendeedeang'wa, aba gideaba agooga mii arukuni ng'asheega doobiiweadi aba badaydeanyu, gawuurji gidarukuteayda Ayubu was siideanyu bea gadiyeeda.”

NYIIGHEEGA 34:15

Gheanyanga NG'UTAMIIDA gagal fuga doobiiweadi, nea iidigaaschi gagal shooka nyaawa.

RITEAYDA 17:11

Inyeesa iimiinda geatindaanyi Musa gwajooriischi fuga Israeli nea iihiing'u geatindaanyi, gwajooriischi fuga Maleki.

RITEAYDA 9:33

Hean gwariteawa Musa gheeh Farao ak gawa Mujiini ak ghamiinda geatingaaschi googeal heeda NG'UTAMIIDA, ak ghwasiinda gighweendandeeda ea rooptida bea lagheangean, ak ea mutghwaroabwan aba badayda ng'eanyiida.

GHWASIILDEANGA 15:29

NG'UTAMIIDA ea sheageewa fuga mii doobiiweadi, ak gooleeysiit mooshta ASEETA bea siida doabiiwaat.

GHWASIILDEANGA 15:8

NG'UTAMIIDA ghwasit lukghumeeda siida muy seara, ak gahoosan iimwaash ASEETA siida doabiiwaat.

GHWASIILDEANGA 28:9

Daheawa gooleeysiit deaweeda nih eara mooshtaanyi bea ASEETA ghwasit ASEETA.

YEREMIYA 15:1

Ng'ata gwayeeshiinean NG'UTAMIIDA “Ghamneawa eara ghamiinaada Musa ea Samweli aba madeedeanyu ak gamusiischeesa fiisu, aba huumwa gurooroodeanyu may gwayamsa geawi fiisu. Ang'aamwana madeedeanyu, ak ginung'waadi gaweay!

YEREMIYA 33:3

Guurnean ak gayghwanya ghuuteanyu, ak gaydaahiimneey ng'asheega hees hang'oonyi minali.

YEREMIYA 42:2

ak geeyeesha sibaneeda siguura Yeremiya, “Geemuscheey mwasa musiischoodeanya, ak gimusiischooweasa aba heeda NG'UTAMIIDA was ASEATAANG'U aba badahuukaasa, aba boosteang'su seaniin (aba gideaba geapuudeasa fiisu ng'ay aba jeeda fuga saang'a aba gididaaktaneasa aba gheanyangaagu),

IITOODA 11:2

Hean gooyeawusa buuneeda Musa; ak gamus Musa NG'UTAMIIDA, ak gamis beastida.

Mattayo 21:22

Amadu iyoondeawi masaweega, ak goomuschi nea ghoamwaashchi ghawooda gajanyasa haleanjeeda sean oogasayi.”

Mattayo 3:6

ak geepaatiisan aba jeedeenda Yordani, nea gwaduukuuna riing'eega nyaawa.

Marko 1:5

Gooreemsa Yohana Eemeetuw leabu ng'eanyiisean bea Yudeya ea ghoah fuga Yerusalemooda sean, ak geepaatiisan aba jeedeenda Yordani, nea gwaduukuuna riing'eega nyaawa.

Lukka 9:6

Hean ghang'eatng'eat gaweay gharang'weaka gwarukwiida Giijasta Miy nea ghoahaap fuga miyean aba hiji nyooh ghwahita.

Yohaana 9:31

Geanali gideaba ASEETA mooleeysiina iit fuga riing'eega, nea siida ii dea gadoowani ASEETA nea gwasin gidida bwariiy ninyiin, gaygooleeysiit ASEETA.

Gadiyeeda Giijasoodiga 10:38

gidamwaarda ASEETA Yesuheeda Nasareti aba Guroorooda Ghaydit ea uurda; ea gidaneayeata nea gwasin ng'asheega miyaasiin nea ghoahaap buuneesean minighis meang'nyeandeendean, aba gideaba ASEETA gwandeayi sea niny.

Gadiyeeda Giijasoodiga 19:18

Iidu ghapka fuga saang'a nimwas ASEETA ak gwaduukuuna riing'eega aba madeeda buuneeda ea ng'asheega munyas ghayi sina.

Gadiyeeda Giijasoodiga 8:24

Ghwalamda Simon ak gwayeesha, “Eaniyean amwaasha ASEETA aba badaydeanyu aba heeda Ng'utamiida, ak ea adaghwanyasan gida wassean aba jeedeaba ng'asheesu ooruguun.”

Ruumi 3:10

gawuurji gissing'oarda; “Manda siida doabiiwaat, mandana eara akaleala;

Ruumi 5:19

Asi gwasunu iiheawa siyagi iidu ghwanyas buuneesean riing'eeda, gwasunu eara iisin siyagi mureeda iidu ghwanyas buuneesean doobiiwnata.

Golosaayi 1:9

Ak aba sareani dea ghayi siyiinyi ng'asheesu ea miyeenung'waada mooshta ghawooda aba badahuukeagwa, gideaba gagooneegwa ASEETA fughareeda huumwa bea gidagasiida niny ak gagooneegwa weaghuumeeda ea nalooda aba jeesingeagwa,

1 Desaloniikke 5:17

amwaasha ASEETA damanyoojiga sean,

1 Desaloniikke 5:23

Gagasa ghoamiidu ASEETA mideawa hoyyoo sasanuukeagwa sean, nea gaba geaw; ak gagasa gamiyeasiidi gurooruunatkeagwa ea jeesingeagwa ak geemajeek nea meerukunana badayda ng'asheega munyas aba damanda hinnooda Ng'utamiideanya was Yesu Gristo.

1 Desaloniikke 5:25

Fuga eaduupcheewi, amusiischoaweasa.

Ebraniya 11:4

Aba masaweega Abeli ghoadaw ASEETA lukghumeeda ea ghang'al Gayni, ak aba nih geataw doobiiwnata, hean ghoah ASEETA muushoocheanda iimwas haleanjeadaanyi bea giimearda; ak ghami, ak aba masaweagaaschi ea gudugabalool.

Ebraniya 11:7

Nea aba masaweega Nuhu damanda reekusiina ASEETA aba iita ng'asheega meadaaha, ghwayiiy ak gwasin maleambooda haw jea ghaweada fugeaba gheanyi; ak aba nih goorgweaksa ng'eanyiida ak ghoah siida jea gwahearan doobiiwnata sinyasa masaweega.

Ebraniya 12:13

ak ghoatoabiiwji naweadinga jea ghwala geeshangeagwa, nea abeeda gidamideawa badeeda ea meegeandeawana heeda roobuutka gagasa eahaap.

Ebraniya 13:18

Amwaasha ASEETA ghawooda aba badahuukaasa, aba gideaba geesikteawi gideaba geendeawi fughareeda miy, nea geegasayi eesina haleanjeeda sean aba mureeda.

YOSHUWA 10:12

Hean gabalool Yoshuwa sea NG'UTAMIIDA eaweeda ghayi nung' NG'UTAMIIDA ghapka fuga Amori madeeda fuga Israeli; ak gwayi aba madeeda fuga Israeli, “aseeta arearu miinaada nea gisiindi aba badayda ng'eanyiida Gibeoni, eara sheeda aba moangoachiyda Aiyaloni.”

1 Betro 2:24

Niny ghwasar riing'eegaasa aba saseadaanyi aba uhuuda geeta, ak abeeda geemeewayi aba riing'eeda, ak geewooschi majeekcheewi aba doobiiwnata, aba deaneaduutkaaschi ea siihaabeasa.

1 Yohaana 3:22

ak iissa geenyaschi gidasimuschi, aba gideaba geang'waanyi diigheanyeekaaschi nea geesinyi gidabwariiy niny.

1 SAMWELI 1:12

Damanda mwaasha ghawooda aba madeeda NG'UTAMIIDA, gang'ula Eli ghuutaanyi.

1 SAMWELI 12:17

Neada askweareani ea maba lajita ngaanohi? Gaydamwaash NG'UTAMIIDA, ak abeeda ghwanung' ghwahidu giighweandandeeda ea roopta; ak abeeda gajanala nea ghoadaayi gideaba munyindeang'wa aahaw muuchi, ghayi oosinyi aba madeeda NG'UTAMIIDA, aba gideaba googasayi sugoocheanda.”

1 SAMWELI 12:18

Ng'ata ghamwaash Samweli NG'UTAMIIDA, ak ghwanung' NG'UTAMIIDA ghwahidu giighweandandeeda ea roopta eaweedida; ak ghoawal buuneesean NG'UTAMIIDA ea Samweli.