Yakkobo 5:11 - Bibliyeeda Ghaydit

¹¹ Ang'ula, geeguuri fiisu fuga mideawa ng'wanaweega aba gideaba ghamilikghta. Ak ea noayiinyi iita milikghteayda Ayubu, ak ea noadaayi gidabaysiina Ng'utamiida gwandeawa baydeayda nea garbabu.

NEAJEEDA EESH BEA BUUNEESSEAN

¹¹ Ang'ulla, geguuri fiisu fuga mideawa ng'wanaweega aba gideaba ghamilikghta. Ak ea noayiinyi iitta milikghteayda Ayuubu, ak ea noadaayi gidabaysiina Ng'uttamiida gwandeawa baydeayda nea garbabu.

Yakkobo 5:11 Mawu Ofanana

1 DAMANYOOJIGA 21:13

Hean ghwalamda Dawdi ak gwayeesha Gadi, “Aniini geandi jeeda sawanadeeda haw; ghang'wana geabisi geatinga NG'UTAMIIDA, aba gideaba inyeanda jeadaanyi aahaw muuchi; adiidu geabisi geatinga siida.”

2 DAMANYOOJIGA 30:9

Inyas gajabiiksiina NG'UTAMIIDA, abeeda buweadeegeagwa ea diibigeagwa gayghwanyas baydeayda aba heeda fuga ghayi ang'waay saawa ghoah giing'oonyanga, ak abeeda gaygabiigu ng'eang'i. Aba gideaba NG'UTAMIIDA was ASEETEANG'WA gabayiida fih nea ea inya jih, nea ea mayghoang'aamwa gheamamdaanyi heedeang'wa, inyas gajabiiksiina.”

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

NEHEMIYA 9:31

Nea aba baydeaydaang'u haw ea mii nung'waada saawa goosha ghana nung'usiina heeda saawa; aba gideaba ang'iing'i guwoosi ASEETA mideawa dagheerjeanduumeeda ea baydeayda.

AYUBU 1:1

Ghayi aba jeeda ng'eanyiida Usi, gwanda siida siguura Ayubu, siisi abeeda ea doabiiwaat nea aamiy seara, ak goowali gheang'da ASEETA nea ghwasaja geaw ng'asheega munyas.

AYUBU 1:2

Ak gwaji orju ispwa ea haw samwagu.

AYUBU 2:10

Ng'ata ghwasha Ayubu ghuuta gatmoadaanyi nea gwayeesha, “Ang'iing'i gibalooldi gadeemga dasheahi. Iisinyaschi gea miyaasiin gooneasa ASEETA, abeeda ghwasaan iijea eeheawana gea munyas leabu heeda ASEETA?” Aba badaydeaba suh seaniin Ayubu mii gwarukuna ghuutaanyi ng'asheanda muy jea ghoah giidiinyeanda aba heeda ASEETA.

AYUBU 23:10

Ak niny ghwanal naweeda easikchi; nea iing'ata nea nisiman, gaydariteayda dahaabu.

NYIIGHEEGA 103:13

Gawuurji gidabayiideayda ghweanda diibigaaschi nih gidabayiideayda NG'UTAMIIDA fuga awali gheang'daanyi.

NYIIGHEEGA 103:8

NG'UTAMIIDA gabayiida buuneeda nea gwandeawa dagheerjeanduumeeda, ak ea mii asas nyaras ak gwandeawa bariinyeega huumwa.

NYIIGHEEGA 116:5

NG'UTAMIIDA gwandeawa miyeenooda, ea doobiiwnata; ASEETEANYA gwandeawa baydeayda.

NYIIGHEEGA 119:132

Yamsean geaw ak gibwaydanaan, gawuurji giteaschi sea fuga bwariiy gheawungaagu.

NYIIGHEEGA 145:8

NG'UTAMIIDA gwandeawa bariinyeega ea baydeayda, ak ea mii asas nyaras ak gwandeawa bariinyeega.

NYIIGHEEGA 37:37

Aroora siida doabiiwaat miy, ak ging'ulayi siida doabiiwaat aba gideaba huuydeandeaba siisi hoyyooohi.

NYIIGHEEGA 51:1

Ea ASEETA, eaniyean bwaydanaan, aba giteena hawunda bariinyeagaagu bea huumwa; aba giteena hawunda baydeaydaang'u geanda riing'eegeasu.

NYIIGHEEGA 78:38

Iidu niny aba gideaba gwandeawa baydeayda, gwasamsa munyasnacheeka nyaawa, ak ea mwalasa uhuuda nyaawa; nea iissa ghwasach nyarastaanyi galeaga sean, ak ea mwanung' ghwayeat nyarastaanyi sean.

NYIIGHEEGA 86:15

Nea ang'iing'i, Ea NG'UTAMIIDA, guwoosi ASEETA mideawa baydeayda ea miyeenooda, ak ea mii asas nyaras ak gwandeawa bariinyeega huumwa ak ea doabiiwaat.

NYIIGHEEGA 86:5

Aba gideaba ang'iing'i Ea NG'UTAMIIDA guwoosi miy nea gisamiisi fih, nea gibwariinyi muuchi fuga sean guuruuneey.

NYIIGHEEGA 94:12

Ea NG'UTAMIIDA ghang'wana siida ilasi, ak giinaali diigheandaang'u.

RITEAYDA 34:6

Ghang'ata NG'UTAMIIDA aba madeadaanyi, ak gwarukwiida nea gwayi, “NG'UTAMIIDA, NG'UTAMIIDA, ASEETA mideawa baydeayda haw ea alooheeda, nyarastaanyi maygabean ghwanyareas, mideawa baydeayda haw ea bariinyeega,

REEKUSIINDA 7:8

Ghang'wana muudeanooda ng'asheanda ea ghang'al giing'eetaanyi; ea siida hang'waay gurooru ea ghang'al siida mideawa guroorooda ghwarjeeda.

ISAYA 63:7

Gaydargu alooheeda NG'UTAMIIDA, ea giigheambiita NG'UTAMIIDA, aba ng'asheega sean sinneasa NG'UTAMIIDA, aba seang'ayda alooheadaanyi aba gheeh Israeli, nea gwasinneasa baydeaydaanyi aba seang'ayda alooheadaanyi.

ISAYA 63:9

Nea aba sawanadeeda nyaawa sean, ea miigoojeakta siinuut jea ghaweat, ghwahidu ninyeesean ghaweat. Ak gootina bariinyeagaaschi ea baydeayda ghang'eada garayi ghwasar ak ghwaat.

HEAREEGA 3:22

Bariinyeega huumwa bea NG'UTAMIIDA meashealana, baydeaydaanyi manda muudeanooda;

DANIELI 9:9

Ng'utamiida was ASEETEANYA gabayiida nea gwasamiisa buuneeda; aba gideaba sisinyi ng'asheega munyas aba headaanyi;

YOELI 2:13

abwaashaada gurooruunatkeagwa, nea mii hang'weakeagwa.” Ak goobiiksi NG'UTAMIIDA was ASEETEANG'WA; aba gideaba niny dea mideawa miyeenooda, ak gwandeawa baydeayda haw; ak ea mii wusis nyaras, niny gwandeawa baydeayda muuchi, nea ghwasit ng'asheega munyas.

YONA 4:2

Hean ghamwaash NG'UTAMIIDA nea gwayeesha, “Geamuscheey NG'UTAMIIDA, nih mii gidearukuneey aba damanda ghayi eandeewi ng'eanyiideanyu? Hean ghoah gideamng'awi ak geawi Darshishi; aba gideaba ghaanali ang'iing'i guwoosi ASEETA mideawa bariinyeega ea baydeayda, mii asas nyaras, bea bariinyeega huumwa, nea gisti ng'asheega munyas.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

IITOODA 14:18

‘NG'UTAMIIDA ea garbabu nyaras, ak aahaw baydeaydaanyi, ak gwasamiisa munyinda giidiinyeanyeeka, ak ea mayghwanung' ea manda giidiinyeanda aba gheatkweakasean; maydanung'waada lasooda diibiga aba giidiinyeanda ghweaniga nyaawa, aba jeateaba samwagu ea deaba ang'wan.’

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

Lukka 1:50

Nea baydeaydaanyi gwanda heeda buuneesean awal gheang'daanyi ghang'eada jeacheenga ea gagul jeacheenga.

Lukka 11:10

Aba gideaba siida wassean musiischi gajeataw, nea siida gaseadayi gayghwadaah, nea siida gulgul gidaghuuta gajeejeasa.

Lukka 6:36

Andeawana baydeayda, ak gawuurji gidamideayeata Ghweandeang'wa baydeayda.

Ruumi 2:4

Ghana ang'iing'i irari ng'asheega baruureega aba ng'eenindaanyi ea gidamajeekta ea riyeeng'deayda? Ak ea minali gideaba ng'eeninda ASEETA gayghoadoabiiwnyi ea ghoahiitaneey jeeda duukuunooda?

Efeeso 1:6

aba duumsheesiinda giigheambiita dagheerjeanduumeeda gooneasa mwadaagha aba naweeda Orjeedaanyi bwariiy.

Efeeso 2:4

Nea ASEETA baruur aba baydeayda, aba jeeda bariinyeagaaschi haw aba gidabwariiydaneasa,

Ebraniya 10:39

Ak aseasa ea meebeahi jeedeaba fugiga biikta bwadaw ak gealas uhuudean, geebeayi gea mideawa masaweega nea gafur gurooruunatka nyaawa.

Ebraniya 3:14

Aba gideaba geeguuyeesi Gristo, iisibeacheewi gideaba geang'waanyi muuchi gidida sisikteawi amwadiin ea gagul muudeanooda,

Ebraniya 3:6

nea Gristo ea doabiiwaat aba jeeda gheeda ASEETA nea gawuurji baleanda. Ak geewooschi gheanyi iisiing'waanyi muuchi gidida sisikteawiin nea geaghwarji gidida sirarjiin.

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

Yakkobo 1:2

Anung' ghoah haleanjeeda sean hooseaneega, fuga eaduupcheewi, aba iisisimsimeegwa aba gilakil,

1 Betro 1:13

Asi oomajeega fughareengeagwa, adeeneada ng'asheega, nung' gwaheedu gidirari aba badayda dagheerjeanduumeeda jea ghwahidu heedeang'wa aba damanda siitahaaja Yesu Gristo.

1 Betro 3:14

Eara gwasa asawanana aba badayda doobiiwnata, gajeegooneegwa ghawooda. Adoawali saawa, nea adaghang'udeagwa muuwda,

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,