Yakkobo 4:4 - Bibliyeeda Ghaydit

⁴ Fuga mii doobiiweadi! Moanali gideaba iduupcheewi geaw ng'eanyiida ea nihuuwi weajoocheanda ASEETA? Asi siida wassean gasa gooduupchi geaw ng'eanyiida abeeda ea nisin geaw weajoocheanda ASEETA.

NEAJEEDA EESH BEA BUUNEESSEAN

⁴ Fuga mii doobiiweadi! Moanali gideaba idupcheewi geaw ng'eanyiida ea nihuuwi weajoochcheanda Aseetta? Asi siida wassean gasa goduupchi geaw ng'eanyiida abeeda ea nisin geaw weajoochcheanda Aseetta

Yakkobo 4:4 Mawu Ofanana

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

NYIIGHEEGA 21:8

Geatindaang'u gaygwahista weajoodigaagu sean; geatindaang'u bea dugwa gayghwanyas fuga sinyi.

NYIIGHEEGA 50:18

Iidaahi mareanghweanda, gihuuwi siida duupchi; ak gibareanyeewi fuga hiseada.

NYIIGHEEGA 73:27

Aba gideaba gea aheeldooscheeweey geat gaygoosha; ak ea nilasi uhuuda fuga sean nung'useey heeda.

ISAYA 57:3

Ak agooga apkaana hiji, ea orjooga gatmooda was beeneetkweanda, ea jeata hiseadayda.

YEREMIYA 2:2

“Una ak girukwiidi giijasi aba heeda fuga Yerusalemu, Gwayi NG'UTAMIIDA, Aniini ghaapkaachi doobiiwnata gheareemaneanduumeadaang'u, ea bariinyeagaagu uurji gea sibeeda, gidiyaataaydi geeshteanyu aba jeeda dareapcheeda, jeeda ng'eanyiida miyeehisa gil.

YEREMIYA 9:2

Gideabali ghwanya ghaanyaschi heeda jea deabiida aba dareapcheeda, ghwanya gaydanung'wa heeda fugeasu ak geasheagiideewi heeda nyaawa! Saawa aba giteena nihiseada, Niiw guuyeeda fuga munyas.

ESEKIELI 16:32

Gatmooda hiseada inyeessa ghwadeapta headiga suh nea ghwanung'waada siyeadaanyi.

HOSEYA 3:1

Ng'ata gwayeeshiinean NG'UTAMIIDA, “Una biikta bwariinya gatmooda bwariiy ng'wasangaaschi nea gwahiseada, gawuurji gidabwariiyda NG'UTAMIIDA fuga Israeli, eara gwayamiisa geat aseecheeka suuk ea bariinyeega mukaatajeega sabiibooda gajeami.”

Mattayo 12:39

Ghwasha nea gwayeesha, “Seaygeeda munyas biissa gamealuuli ak ea mwajeataw gwadeagooda; geaghus gwadeagooda ghayi bea sibaneeda siguura Yona.

Mattayo 16:4

Seaygeeda munyas mealuuleadi ak gagasa gwadeagooda, ak ea mwajeataw geaghus gwadeagooda ghayi bea Yona.” Ng'ata ghwanung'wa heeda ak ghang'eat gawa.

Mattayo 6:24

“Manda siida ammu gagadiiyeesa fiisu hees iyeenya. Aba gideaba gayghwasit agi nea ghabwariiy niirja, ghana ghoang'waay geat sea nih ak gafool niirja. Majoamuusa agadiyeesiina ASEETA ea baruureega.

Lukka 19:27

Ak fugiga was weajoodigeasu magassa gideaba gaydaahaaghwa saawaan, ayeani hiji ak goonuuseadi aba madeedeanyu.’”

Yohaana 15:19

Inyeeda ghwanyawa goobeayi ng'eanyiida, gwachi gayghabwariiy ng'eanyiida fugaaschi; asi aba gideaba moabeahi ng'eanyiida, geaghus gideaba ghaaloacheagwa aba jeeda ng'eanyiida, aba sareani ghwasteagwa ng'eanyiida.

Yohaana 17:14

Aniini naadawji ng'asheandaang'u; amahit ghwasit ng'eanyiida aba gideaba saawa maba ng'eanyiida, gawuurji gidameabeaheatani aniini ng'eanyiida.

Yohaana 7:7

Ng'eanyiida moamu ghwasteagwa, duuku aniini ghwastan aba gideaba geamuuwu gideaba gadiyoojigaaschi ea munyas.

Ruumi 5:10

Aba gideaba damanda duu eawooseewana weajoodiga geetuupchaneasa sea ASEETA aba miyeeda Orjeedaanyi, raanya muuchi, iing'ata giiduupcheeda geelealneasa aba jeeda eaweagaaschi.

Ruumi 8:7

Nea fughareeda siikeal ng'asheega saseeda ea muy aba heeda ASEETA; ghanyea mamwasa deaweedeeda ASEETA, nea aba huumwa ghanyea maygwasissa mureeda;

1 Goriinto 1:20

Gwandeenu siida was weaghoocheanda? Gwandeenu ng'oorshoocheanda? Gwandeenu siida argweaji bea damani? Neada ASEETA ea mii ghwanung' ghoah leendeeda weaghuumeeda ng'eanyiida?

1 Goriinto 1:21

Nea, aba weaghuumeeda ASEETA, ghanyea mwanala ng'eanyiida ASEETA aba naweeda weaghuumeeda, goohoosan ASEETA aba naweeda leendeedida bea ng'asheega sirukwiidiin ak abeeda geelealu fugiga nimwasiin.

Galattiya 1:10

Neada ghoaghanyi gili eagasayi dashiit buuneeda, ghana ASEETA? Ghana eagasayi deahoosan buuneeda? Asi iidu deahoosani buuneeda, ea maydoaw soomjeanda Gristo.

Yakkobo 1:27

Diineeda miy manda ririnnyeanda aba madeeda ASEETA was Ghweandean nih gil: bareasiinda bananga gil ea masiinung'weega aba jeeda sawanaduutka nyaawa, nea gifuri geaw aba ng'asheega munyas bea muunda ng'eanyiida.