Yakkobo 4:11 - Bibliyeeda Ghaydit

¹¹ Fuga eaduupcheewi adoobeerayi geat. Siida beash orjeeda geanyaawa ghana goorgweaksa orjeeda geanyaawa, ghabeash deaweeda nea goorgweaksa deaweeda. Nea iirgweaksi deaweeda abeeda ea muwoosi siida sina deaweeda abeeda ea nihuuwi siida laja girgweaguutka.

NEAJEEDA EESH BEA BUUNEESSEAN

¹¹ Fuga eaduupcheewi adoobeerayi geat. Siida beash oorjeeda geannyaawa ghana goorgweaksa oorjeeda geannyaawa, ghabeash deaweeda nea gorkgweaksa deaweeda. Nea irgweaksi deaweeda abeeda ea muwosi siida sina deaweeda abeeda ea nuhuuwi siida laja girgweaguutka.

Yakkobo 4:11 Mawu Ofanana

NYIIGHEEGA 140:11

Siida beera buuneeda adagamnyeen aba jeeda ng'eanyiida; ak munyinda ea danyasa fuga ng'ooweata ak ghwalas uhuuda!

Lukka 6:37

“Adoorgweakiisi buuneeda, ak ea majeergweakseegwa; adooyeati ghuusi, buuneeda ak ea majeeyeateeweegwa ghuusi; asamiisiina buuneeda, ak gajeesamseegwa;

Ruumi 2:1

Asi moondeawani samsiinda, ea siida, neada guwoosi ng'eaha, iirgweaksi siinuut, aba inyas giirgweaksi siida ada abeeda giirgweaksi geaw ang'iing'i, aba gideaba ang'iing'eeda argweaksa siida, gisini ng'asheanda uurji diita.

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda ASEETA, geaghus fugiga sina deaweeda jea eataw doobiiwnata.

Ruumi 7:7

Asi gajeeyeenaan? Neada deaweeda ea riing'eedea? Eara gwasa! Gwachi iimanda deaweeda, gwachi ea maydanal riing'eeda. Ak ea maydanal geawunda gheang'da iimarukuna deaweeda nea gwayi, “Adishti ghaang'.”

1 Goriinto 4:5

Asi iissa ea adoorgweaksi ng'asheanda nea miighwahita damanda nea miighwahidu Ng'utamiida. Jea ghoabwaay haleanjeeda funyaat mida jeeda misaneeda, ak ghoadahaach ng'asheega mida jeeda guroorooda. Abeeda giliwas sih gay ghwanyas gwarsiinda aba heeda ASEETA.

2 Goriinto 12:20

Aba gideaba ghaawali dahidu ak ea moowuurjeewani gida eagasiidi dahidu nea goowuurjeewi, ak ea moahiimni nea geewuurjeewi gidida moogassiidaniin; ea gideaba gwadeepa gwanda jaliida, geawunda gheang'da, ea nyarasta, shidoodeaba ghaang', giiheakteayda, soomeanda baloolda, reengaweega ea deakghuyandeeda.

Efeeso 4:31

Asi ageandeawana geat ng'asheega sean ng'weani was mukunooda ea nyarasta ea giijuureanda ea napooda ng'uyeega nea goosheagiidi geat gea munyas sean,

1 Dimotteo 3:11

Eara gadeemga nyaawa gammiisa ea fuga miyaas searooji gil, mii fuga napiisa buuneeda ng'uyeega, ak gammiisa ea fuga mideawa gheadeenda gil, nea doobiiweadi aba haleanjeeda sean.

2 Dimoteo 3:3

fuga magasa fuga gheanyaawa, ea gea magasa giiduupcheeda, ea gea naba ng'uyeega, ea gea moamu ghwadeal geat, ea gea ng'weani, ea gea mabwariinya ng'asheega miyaas,

Ditto 2:3

Ak eara gadeemga woosi gammiisa ea fuga siniisa geat mureeda gil, nea adagwanaba ng'uyeega, ghana leeyeanda, gammiisa gideaba gaygooneali ng'asheega miyaas,

Yakkobo 1:16

Adeereenganeegwa, fuga eaduupcheewi aabwariinyi.

Yakkobo 1:19

Hean nea ghoanali ng'asheesu, fuga eaduupcheewi aabwariinyi. Asi daba siisi wassean lamajeesa iing'da ng'asheanda, nea goojiileesa baloolda, ak ea mii asas nyaras,

Yakkobo 1:25

Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoah siida iing'shi ramasoot gagasa ea siida sina gadiyeeda gil, siisi aba sinoadaanyi bea gadiyeeda.

Yakkobo 2:8

Hean iyoosinyi deaweedeedida bea sugoodigean gawuurji ginyaashta ng'ooruutka nea gwayi, “Bwariiyda giischeewoocheandaang'u gidubwariiydi geaw,” abeeda goosinyi ng'asheanda miy.

Yakkobo 5:10

Aba gideaba gichea agalana was sawanadeeda ea milikghteayda, fuga eaduupcheewi, oapkaada sibanga ghayi rugu ng'asheega aba gheawunga Ng'utamiida.

Yakkobo 5:7

Asi fuga eaduupcheewi, amilikghta ea ghwahita damanda jea ghwahina Ng'utamiida. Ang'ula, siida bwar ng'eanyi iissa gafurda haghweega ng'eanyiida bea sheayeeda haw, iissa ghamilikghta ea ghanyi ghwanyas roopta madeeda ea dea huuydean.

Yakkobo 5:9

Fuga eaduupcheewi, adooniikiisi geat, aba gideaba gajiidu geergweakseegwa; ang'ula siida laja girgweaguutka ghamiinaada aba gidaghuudajeega.

1 Betro 2:1

Asi ageandeawana geat munyinda sean ea milmilanda sean ea nyoota doobiiwnata ea shidoodeaba ghaang' ea beeshta sean.