Yakkobo 3:9 - Bibliyeeda Ghaydit

⁹ Aba nih geebadiischeesi Ng'utamiida was Ghweandeanya, nea aba nih iissa geamoashti buuneeda, ghayi sisin ea eegala ASEETA.

NEAJEEDA EESH BEA BUUNEESSEAN

⁹ Aba nii geebadiischeesi Ng'uttamiida was Ghweandeanya, nea aba nii iissa geamoashti buuneeda, ghayi sisin ea eegala Aseetta.

Yakkobo 3:9 Mawu Ofanana

GIING'EETA 5:1

Nih gitaabooda jeacheenga Adamu gil. Damanda sina ASEETA siida, gwasin siida aba ratooda ASEETA.

GIING'EETA 9:6

Siida ahiida foojeanda siida, gayghoahiida siinuut foojeandaanyi; aba gideaba ASEETA ghayi gwasin siida aba ratoadaanyi.

2 SAMWELI 16:5

Iidu damanda hina sugoocheanda was Dawdi Bahurimu, ghwahidu sih bea gheeh Sawli, siguura gheawungaaschi Shimeyi, was orjeeda Gera; hean damanda hina ghamwaashta.

2 SAMWELI 19:21

Hean ghwasha Abishayi was orjeeda Seruya ak gwayeesha, “Neada Shimeyi ea majeenuus aba ng'asheanji, aba gideaba ghamwaashta NG'UTAMIIDA simwaari?”

1 DAMANYOOJIGA 29:10

Ak ghoaghaambiit Dawdi NG'UTAMIIDA, aba madeeda buuneesean bwat geat; ak gwayi Dawdi, “Deakghaambiinyi Ea NG'UTAMIIDA, was ASEETA Israeli was ghweandeanya, damanda manda muudeanooda.

1 DAMANYOOJIGA 29:20

Ng'ata ghwalamda Dawdi ak gwayeesha buuneesean bwat geat, “Asi oakghaambiida NG'UTAMIIDA, was ASEETEANG'WA.” Hean ghoaghaambiit buuneesean NG'UTAMIIDA, ASEETA ghweaniga nyaawa, ak gabuy iheenga nyaawa, ak gwahiing'sa geat NG'UTAMIIDA, ak gwasin eara sugoocheanda.

NYIIGHEEGA 10:7

Ghuutaanyi ghwanyiit mooshteayda, ea munyinda ea ghabasta; hing'eadayda ng'ushaptaanyi nyariida ea munyinda.

NYIIGHEEGA 108:1

Ea ASEETA, gurooroodeanyu ea doabiiwaat, gaydasarman gaydasarman nea geahoosanyi! Ng'eada, gurooroodeanyu!

NYIIGHEEGA 145:1

Ea ASEETEANYU was sugoocheanda, gaydaaghaambiinyi, ak gaydabadiischeesa gheawungaagu damanda manda muudeanooda.

NYIIGHEEGA 145:21

Ghuuteanyu gaygwaruku giigheambiita NG'UTAMIIDA, nea haleanjeeda sean ea daaghaambiida gheawungaaschi ghaydit damanda manda muudeanooda.

NYIIGHEEGA 16:9

Asi gahoosan gurooroodeanyu, ak gang'weela jeedeanyu; ak eara saseedeanyu gaygoobiida heeda bea seayu.

NYIIGHEEGA 30:12

ak abeeda ghoaghaambiinyi gurooroodeanyu ak ea mwaasiindani. Ea NG'UTAMIIDA was ASEETEANYU, gaydabadiischooweey damanda manda muudeanooda.

NYIIGHEEGA 34:1

Gaydaaghaambiit NG'UTAMIIDA damanyoojiga sean, giigheambiitaanyi gwanda ghuutaanyi galeaga sean.

NYIIGHEEGA 35:28

Nea ng'ushapteanyu gaygwargu doobiiwnataang'u ea giigheambiitaang'u askwearda sean.

NYIIGHEEGA 51:14

Ea ASEETA, aghuuhanaan giihiideayda foojeanda buuneeda, ak ang'iing'i guwoosi ASEETA lealeanoodeanyu, ak gaygwasarman ghuuteanyu duumda nea geajuurji aba lealeanoadaang'u.

NYIIGHEEGA 57:8

Ng'eada, gurooroodeanyu! Ng'eada, ea ginaanda ea gidoondooriida, gaydang'eat beashata.

NYIIGHEEGA 59:12

Aba riing'eega ghuusiga nyaawa, ea aba ng'asheega ghuusiga nyaawa, deaghasa aba jeeda ghwarjeeda nyaawa. Aba mooshteayda ea ng'uyeega ruku,

NYIIGHEEGA 62:4

Iissa gabada gichea ghabwaayda niny aba heedeanyu bea mureeda. Hooseaneegeagwa rukunooda ng'uyeega. Aba ghuusiga iissa goobadiischeesi, nea aba guroorooda ghoamwaashti.

NYIIGHEEGA 63:4

Nih gichea dabadiischeesiindaneey gil iidu danda; aba gheawungaagu gaydamiinda geatingeasu ak geaguursi gheawungaagu.

NYIIGHEEGA 71:24

Gaydargu doobiiwnataang'u askwearda sean aba gideaba siipwaaspwaas nea geenyik fuga gasa gwasawanan.

REEKUSIINDA 7:22

Aba gideaba iimiisean ghwanal gurooroadaang'u galeagasean gideaba eara ang'iing'i niing'eawayi fih suuk.

ISAYA 29:13

Hean gwayi NG'UTAMIIDA, “Fiisu gwaneekiisean ak gwasinnean mureeda aba ghuusiga nyaawa gabeachi, nea gurooruunatka nyaawa ea sheageewanean, ak ghoawalan aba diigheanyeeka buuneeda ghayi siinaal.

Mattayo 26:74

Damani ghamwaashta geaw Betaro nea ghwaak habeawooda nea gwayeesha, “Aniini siisi mwaanali.” Deagheata googuul nghaghooda.

Mattayo 5:44

Ak geayeeshiineegwa, abwariinya weajoodigeagwa amoasha ghawooda aba badahuuka fuga sawaneegwa.

Gadiyeeda Giijasoodiga 2:26

aba seareani gang'weela guroroodeanyu, nea gahoosan ng'ushapteanyu; nea ghwaraanya saseedeanyu gaygoobiida jeeda rarooda.

Ruumi 3:14

“Ghuusiga nyaawa ghwanyiit mooshteayda ng'waan.”

1 Goriinto 11:7

Aba gideaba ng'eedeeda mamiisiina gideaba gaygwadukuta uhuudaanyi, aba gideaba niny geegala sea giigheambiita ASEETA; nea gatmooda ea giigheambiita ng'eedeeda gil.

Efeeso 1:3

Ghawooda gaba ASEETA ea Bwaabeeda Ng'utamiideanya was Yesu Gristo, ghayi gooneasa ghawooda aba jeeda Gristo aba giliwas ghawooda guroorooda aba darooraka humng'eedean,

Yakkobo 1:27

Diineeda miy manda ririnnyeanda aba madeeda ASEETA was Ghweandean nih gil: bareasiinda bananga gil ea masiinung'weega aba jeeda sawanaduutka nyaawa, nea gifuri geaw aba ng'asheega munyas bea muunda ng'eanyiida.

Yakkobo 3:10

Aba ghuutida asagiin iissa gwarina ghawooda ea mooshteayda. Fuga eaduupcheewi, ng'asheesu mwahida gideaba gaygwasnu.

1 Betro 1:3

Badiischeesiinda gaba ASEETA was Bwaabeeda Ng'utamiideanya Yesu Gristo! Aba baydeaydaanyi haw sibiikta eejiileasa gicha ak gagoaneasa eaweega eashish sirarji aba naweeda duunooda Yesu Gristo aba jeeda miyeeda,

FUGA LAJA GIRGWEAGUUTKA 9:27

Hean gaweay jeeda madameega, ak ghwalach madameega nyaawa bea sabiibu, ak ghamwanmwan sabiibu, ng'ata gwasin ghweelmeeda, ak gaweay jeeda gheeda aseeta nyaawa, ak gweagiischi nea gwaleeshi ak ghamoashta Abimeleki.