Yakkobo 3:13 - Bibliyeeda Ghaydit

¹³ Nih ng'eaha aba jeedeang'wa mideawa weaghuumeeda ea fughareeda? Aba giibindaanyi miy dahiimna gadiyoojigaaschi aba garbabanda ea weaghuumeeda.

NEAJEEDA EESH BEA BUUNEESSEAN

¹³ Nii ng'eaha aba jeedeang'wa mideawa weaghumeeda ea fughareeda? Aba giibindaannyi miy dahiimna gadiyoojigaaschi aba garbabanda ea weaghumeeda.

Yakkobo 3:13 Mawu Ofanana

AYUBU 28:28

Ng'ata gwayeesha siida, ‘Ng'ula, badita NG'UTAMIIDA, fughareeda gil; nea giiheeleedeaba geat sea munyinda ea fughareeda gil.’”

NYIIGHEEGA 107:43

Siida weaghoot dang'ula ng'asheesu; nea gwasikteawa bariinyeega NG'UTAMIIDA.

NYIIGHEEGA 122:8

Ak aba badahuuka buweadeegeasu ea orjoogiyya gaydayi, “Gagasa abeaha seayu!”

NYIIGHEEGA 149:4

Aba gideaba NG'UTAMIIDA iissa gafuuf aba jeeda fugaaschi; iissa goohoosan fuga ng'eeni aba jooriischooda.

NYIIGHEEGA 25:9

Fuga ng'eeni gajadoabiiwa aba girgweageeda, ak ghoanaal fuga ng'eeni naweadaanyi.

NYIIGHEEGA 45:4

Ng'eata mwadi nea gibeawi gheambalmeeda ak ginyasi jooriischooda ak gimeaji huumeanda nea giihaaghwi doobiiwnata; nea geatindaang'u bea dugwa ea dasina ng'asheega hees!

REEKUSIINDA 8:1

Gawuurji ng'eaha sea siida weaghoot? Ak ea ng'eaha siida nal gwaroobu ng'asheanda? Weaghuumeeda siida iissa gooweeshiit gheamamdaanyi, nea ghwayamwa hang'ooynata gheamamdaanyi.

REEKUSIINDA 8:5

Siida ang'waay diigheanda mayghwanyas gidamuy, nea guroorooda siida weaghoot gayghwanal damanda jea gwasina gida.

ISAYA 29:19

Fuga eadageat ng'eanyi gayghoahaada hooseaneega nyaawa aba badayda NG'UTAMIIDA, nea fuga barbari mida bugusta buuneeda gaygahoosan aba badayda dea Ghaydit asagi bea Israeli.

ISAYA 60:6

Gaygwadukuta ng'eanyiidaang'u hawanda ngamiya, asaha muhooga ngamiya leabu ng'eanyiida Midiyani ea Efa, ea gea leabu Sheba sean gayghapka. Nea gweadu dahaabu ea hideeda ng'andidi, nea gwarukwiida alooheeda NG'UTAMIIDA.

ISAYA 61:1

Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.

YEREMIYA 9:12

Gajea ng'eaha siida jea ea bwaraawu jea ghoamu ghwanal ng'asheesu? NG'UTAMIIDA gajea nibalool ng'eaha, siisi jea gwarukwiida ng'asheesuun? Ghwasaan ng'eanyiida sinung' ghoah eemeega nea geanung' ghoah mur ng'eanyi ea gawuurji dareapcheeda, ea mudu gwanda siichea gwasik jeeda?

YEREMIYA 9:23

Ng'ata gwayi NG'UTAMIIDA: “Adiidu siida weaghoot ghaghwar geaw aba weaghuumeadaanyi, nea siida haw uur adiidu ghaghwar geaw aba uurdaanyi, ak eara meanang'ocheanda adiidu ghaghwar geaw aba meanang'oocheanduumeedanyi;

DANIELI 2:21

Niny gwayama damanyoojiga ea roobuutka gweanyeeka; niny gageaniida sugoodiga nea goombiidi sugoodiga; ak goodawi weaghuumeeda fuga weaghoodi ea fughareeda fuga mideawa fughareeda;

SEFANIYA 2:3

Agasa NG'UTAMIIDA, agoogeeni seaniin ooyeadayi geat ng'eanyi aba badayda ng'eanyiidean, agoogeeni oang'waanyi diigheandeani; agasa doobiiwnata, agasa eatoodeaba geat bea ng'eanyi; gwadeaba eafunyeagwa eaweeda nyarasta NG'UTAMIIDA.

IITOODA 12:3

Nea abeeda siisi was Musahiin ea siida garbabu muuchi gil ea ghang'al buuneesean mida badayda ng'eanyiida.

Mattayo 11:29

Aghasana geat yookeedeanyu, ak ghoanaalanaan ng'asheega; aba gideaba aniini geewooschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hooseaneega aba jeesingeagwa.

Mattayo 21:5

“Ayeeshiina hudeaba Sayuni, Ang'wearda, sugoocheandaang'u ghwaan headaang'u, ea ng'eeni nea gwading'da digeeda, gureenda digeeda, dayeenda digeeda.”

Mattayo 5:5

“Ghang'wana fuga ng'eeni, aba gideaba gaygoombal ng'eanyiida.

Mattayo 7:24

“Asi siida wassean nyooh ghwayiiy ng'asheegeasu ak gwasin, gajeegala weaghoocheanda fughareeda, deeksa gheanyi uhuuda harearacheanda;

1 Goriinto 6:5

Gearugu ng'asheesu nea geagasayi daabwaspwaseagwa. Heapi gwasin gideaba aba jeedeang'wa manda siida eara siyagi was weaghoocheanda ammu ghwalach girgweageeda fuga gheanyaawa,

2 Goriinto 10:1

Aniini Bawlo, geamuscheegwa nea gabwageaw, aba garbabanda ea ng'eeninda Gristo, nea iissa geawooschi ng'eeni aba gheanyangeagwa, nea iyeawooschi sheageewaneegwa geawooschi daruus!–

2 Goriinto 8:24

Asi oahiimda aba madeeda ganiisajeega, bariinyeegeagwa ea gissighwardi geat aba badahuukeagwa aba heedeaba fiisu.

Galattiya 5:23

Garbabanda, giing'ooydeaba geaw, aba badaydeaba ng'asheesu manda deaweeda.

Galattiya 6:1

Orjoogiyya, iyoadaayi siida nea niibita jeeda riing'eeda asi agoogeeni oowooschi fuga gurooroodean ooteelni siisi aba guroorooda garbabu. Fura geaw, ang'iing'i adiidu geesimnyi.

Galattiya 6:4

Ak daba siisi sawsa gadiyeadaanyi nea gabageaw, ak gayghwanyas gichea ghaghwara geaw niny aba gadiyeadaanyi, nea mii hichpa sih nuut gil.

Efeeso 4:2

nea gooyeadayi geat ng'eanyi ak goowooschi garbapi, nea ghoahang'waanyi nea goomilikideaysi geat aba bariinyeega,

Filippi 1:27

Anung' ghoah searoojigeagwa bea eaweega gweateayi sea giijasta miy bea Gristo, ama iyaawunyi dadaheagwa ak ghaadaayeagwa ghana ea meandani, geagasayi dayiiy aba badahuukeagwa gideaba ghoamiinaadi muuchi aba jeemba gurooroanagi, nea goobeayi fughareanagi nea goong'alealeesi masaweega giijasta miy,

Golosaayi 3:12

Asi ookwealsheata fuga niloat ASEETA, ghaydidi sibwariiy, bea jeesinga bayiida buuneeda, ea ng'eeninda, eatoodeaba geat bea ng'eanyi, miyinda ea milikghteayda,

1 Dimotteo 4:12

Adiidu gafool sih gheareemaneanduumeadaang'u, ak guwoosi siida jea eegala aba heeda fuga mideawa masaweega, aba jeeda baloolda ea giibinda sea bariinyeega ea masaweega ea alooheeda.

1 Dimotteo 6:11

Asi ang'iing'i siida ASEETA, ang'aamwana geaw ng'asheesu ak giyaadi geeshta doobiiwnata, ea badita ASEETA ea masaweega ea bariinyeega milikghteayda ea garbabanda.

2 Dimoteo 2:25

Aba damandida reekusiina fuga mamwasa ng'asheagaaschiin, gammiisa ea garbabu aba gideaba iideepa gwasa gwadeepa ghoadaw ASEETA fiisu duukuunooda ak ghwanal huumeanda.

Ditto 3:2

adagoong'eawi siida wassean, amulsiina jaliida, ahuwa eemoojiga miyaas, nea ghoahiimu garbabanda sean aba heeda buuneesean.

Ebraniya 13:5

Ak giheeleewi eaweagaagu bariinyeega lapiya, ak gagasa ghoahiinyi gida indeawi aba gideaba gwayi, “Aniini manda gichea daraay ghana danung'useey heeda.”

Yakkobo 1:21

Asi oosheagiidana geat ririnnyeanda ea gasooda hawunda muy ak ghoang'waanyi aba garbabanda ng'asheandida, ammu gwaleabu gurooruunatkeagwean.

Yakkobo 2:18

Ak gaygwayi siyagi, “Ang'iing'i gindeawi masaweega ak geandeawi aniini gadiyoojiga.” Ahiimnaan masaweagaagu mandeawana gadiyoojiga, ak gaydaahiimneey masaweegeasu aba gadiyoojigeasu.

Yakkobo 3:1

Fuga eaduupcheewi, adoahuuyi giinealshoodiga saang'a aba gideaba ghoanalli beadi aseaseeni anealshiin jea eanyasa girgweaksiinda haw ea ghwanaawda.

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

1 Betro 1:15

asi deaghayi guurneegwa ea ghaydit, eara agooga awoosa ghaydidi aba giibindeang'wa sean;

1 Betro 2:12

Andeawana searoojiga miyaasiin aba jeeda Eemoojiga, aba gideaba iisinapsa badahuukeagwa ng'uyeega gideaba goosinyi ng'asheega munyas, hean iing'ula sinaweegeagwa miyaasiin ghoaghaambiit ASEETA eaweeda jea ghwahina.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

1 Betro 3:4

gammiisa gawoos siida funyaat aba guroorooda bea suulga mayghwadatasa ak gabiissa ea ng'eeni nea siindeawoot gurooru, nea aba madeeda ASEETA ea haw sheayeat.