Yakkobo 2:8 - Bibliyeeda Ghaydit

⁸ Hean iyoosinyi deaweedeedida bea sugoodigean gawuurji ginyaashta ng'ooruutka nea gwayi, “Bwariiyda giischeewoocheandaang'u gidubwariiydi geaw,” abeeda goosinyi ng'asheanda miy.

NEAJEEDA EESH BEA BUUNEESSEAN

⁸ Hean iyoosinnyi deaweedeedida bea sugoodigean gawuurji ginnyaashta ng'oruutka nea gwayi, “Bwariiyda giischewoochcheandaang'u gidubwariiydi geaw,” abeeda goosinnyi ng'asheanda miy.

Yakkobo 2:8 Mawu Ofanana

1 SUGOODIGA 8:18

Ng'ata gwayeesha NG'UTAMIIDA ghweandeanyu was Dawdi, ‘Aba gideaba ghayi gwanda gurooroadaang'u deesta gheeda aba gheawungeasu, giidoabiiwi aba ng'asheanda mida gurooroadaang'u,

2 SUGOODIGA 7:9

Ng'ata goobalool geat nea gwayi, “Ng'asheesu sisinyiin mwadoabiiwa. Eanean eaweeda giijasta miy gil, inyas geasiindi ea ghoah sakteayda abeeda gajeanyasa lasooda. Asi eeweaya eerukusiina fuga gheeh sugoocheanda.”

NG'ASHEEGA LAWI 19:18

Adiwaldi mureandooda ghana sina furjeeda wassean aba badahuuka fugaagu ang'iing'i, gagasa bwariiyda gischeewoocheandaang'u gidubwariiydi geaw. Aniini geawooschi NG'UTAMIIDA.

NG'ASHEEGA LAWI 19:34

Rabascheanda mida jeedeang'wa anung' ghoah siideaba ng'eang'i, nea ghoabwariiydi gidubwariiydi geaw; aba gideaba agooga ghayi goowooschi rabasta aba ng'eanyiida Misri: aniini geawooschi NG'UTAMIIDA was ASEETEANG'WA.

YONA 4:4

Hean gwayeesha NG'UTAMIIDA, “Ghamneawa iinyareasi gisini gida doabiiwi?”

YONA 4:9

Ghwalamda NG'UTAMIIDA ak gwayeesha Yona, “Ghamneawa gisini gida doabiiwi iinyareasi aba ng'asheega geeta?” Hean gwayeesha, “Ghwadoabiiw iyaanyareaschi danyareas ea dami.”

Mattayo 22:39

Deaba iyeenya gawuurji sea nih, bwariiyda siida iischeayeewi gidubwariiydi geaw.

Mattayo 25:21

Gwayeesha siidida hawiin, ‘Ghwadoabiiw soomjeanda miy doabiiwaat; niwoosi doabiwaat aba haleanjeeda ng'ay, gajambala gea saang'a, beeni apteada nea gihoosani sea siida haw.’

Mattayo 25:23

Gwayeesha siidaanyi haw; ‘Ghwahit soomjeandeanyu miy doabiwaat; niwoosi doabiwaat aba haleanjeeda ng'ay, gajambala gaasaang'a beeni apteada nea gihoosani sea siidaang'u haw.’

Mattayo 7:12

Haleanjeeda sean oogasayi gideaba gaygwasineegwa buuneeda, eara agooga asisiina saawa, aba gideaba nih ng'asheanda was deaweeda ea sibanga.

Ruumi 13:10

Bariinyeega moamu gwasissa giischeewoocheanda ng'asheanda muy, asi bariinyeega giimajeekta deaweeda gil.

Galattiya 5:14

Aba gideaba deaweedajeega sean geemajeek aba jeemba ng'asheanjagi, Nea nih gil, bea gideaba, “Bwariiyda giischeewoocheandaang'u gidibwariiydi geaw.”

Galattiya 6:2

Daba siisi sar sareemba nuut, daba siisi ahiit deaweedeeda Gristo.

Filippi 4:14

Ak ea noosinyi ng'asheanda miy aba damanda sindeayeesi jeeda sawanadeedeanyu.

1 Desaloniikke 4:9

Aba iita bariinyeega orjooga giyeanya moogassi gideaba gaygang'oorneegwa sih, aba gideaba agooga ninaleagwa ASEETA bariinyeegeaba geat;

Yakkobo 1:25

Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoah siida iing'shi ramasoot gagasa ea siida sina gadiyeeda gil, siisi aba sinoadaanyi bea gadiyeeda.

Yakkobo 2:12

Asi arukuni ak goosinyi nea goowuurjeewi fuga jea eergweaksiina deaweedeeda jea gweadu giibaldeaba geat.

Yakkobo 2:19

Ang'iing'i gumwasi gideaba ASEETA ea agi; giidoabiiwi. Eara meangeenda ghamwas nea ghaboadan.

Yakkobo 4:11

Fuga eaduupcheewi adoobeerayi geat. Siida beash orjeeda geanyaawa ghana goorgweaksa orjeeda geanyaawa, ghabeash deaweeda nea goorgweaksa deaweeda. Nea iirgweaksi deaweeda abeeda ea muwoosi siida sina deaweeda abeeda ea nihuuwi siida laja girgweaguutka.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.