Yakkobo 2:14 - Bibliyeeda Ghaydit

¹⁴ Fuga eaduupcheewi, gayghwaloat naaha, iyayi siida geandeawi masaweega ak ea mandeawana gadiyeeda? Masaweegiga ikaaschiin gayghoamu gwalealu?

NEAJEEDA EESH BEA BUUNEESSEAN

¹⁴ Fuga eaduupcheewi, gayghwaloat naaha, iyayi siida geandeawi masaweega ak ea mandeawana gadiyeeda? Masaweekka ikkaaschiin gayghoammu gwalealu?

Yakkobo 2:14 Mawu Ofanana

YEREMIYA 7:8

“Ng'ula, agooga goosisi masaweega ng'asheega ng'uyeega marachi gil,

Mattayo 5:20

Aba gideaba geayeeshiineegwa, doobiiwnateang'wa iimaburdeawana dea ng'oorshoodiga ea dea Farisaayajeega, majaghanyi aweayeena jeeda sugoocheanduumeeda humng'eeda.

Lukka 3:11

Ghwasha niny nea gwayeesha, “Siida mideawa hang'weak iyeenya, daadawa hang'agi siida mandeawana, nea siida mideawa hamita ea dasindunu.”

Lukka 6:49

Nea siida iiy ng'asheegeasu ak ea masina gawuurji siida deeksa gheeda badayda ng'eanyiida nea manda sindeeta; hidu guldeayda, deagheata ghabwaay, ak habitkweedeaba gheedida aahaw muuchi.”

Gadiyeeda Giijasoodiga 15:9

ak ea masina shiitmeeda aba aseasa ea saawa, ak goohuun gurooruunatka nyaawa aba masaweega.

Gadiyeeda Giijasoodiga 8:13

Simon eara niny iidu ghamwas, ng'ata giibaatiisandaanyi hean goodeayi Filipo. Ak ghwadaah ng'asheega deamdeameadi ea gwadeagwajeega hees sisin, ak ghahamng'eanyi.

Gadiyeeda Giijasoodiga 8:21

Ak ang'iing'i ea mibwaaheasa nea meebareanyeeni aba ng'asheanji, aba gideaba gurooroadaang'u mwadoabiiwa aba madeeda ASEETA.

Ruumi 2:25

Aba gideaba ghasmeahooda gammiisa Iiwoosi siida sissa mureeda deaweeda ama iinuusi deaweeda abeeda ghasmeahoadaang'u ea niiw gideaba mii una ghasmeahooda.

1 Goriinto 15:2

amadu geelealneegwa, aba iyoang'waanyi muuchi ak geaghus gaba masaweegeagwa mwadaagha.

1 Goriinto 16:22

Siida wassean mwabwariinya Ng'utamiida, gagasa eamwaashta. Ng'utamiideanya ghwaan!

Galattiya 5:13

Aba gideaba geeguurneegwa anyasa giibaldeaba geat, orjoogiyya; ak ea adoanung' ghoah giibaldeang'wa bea geat nyasita gheata ng'asheega gasa saseeda, nea aba bariinyeega ea daba siisi was soomjeamba nuut.

Galattiya 5:6

Aba gideaba siida iimida jeeda Gristo Yesu gawa ghasmeahooda ghana ea mawa ghasmeahooda aba headaanyi mii gili, gidahaw masaweega mideawa bariinyeega gil.

1 Desaloniikke 1:3

nea ghaapkaacheegwa aba madeeda ASEETEANYA was Ghweanda, gadiyeedeang'wa bea masaweega ea bariinyeegeagwa gadiiyi ea milikghteaydeang'wa bea rarooda aba jeeda Ng'utamiideanya was Yesu Gristo.

1 Dimotteo 1:5

Gidasibaysiina diigheanji ea bariinyeega leabu jeedeesh ea ng'asheega rinna ghuuta miy gil ea masaweega manda giimiituunoodeaba geaw.

1 Dimotteo 4:8

Aba gideaba deangheeda nung' ghwanyas saseeda uurda ghwahit gilimwanang', ak badita ASEETA ghwahit aba haleanjeeda sean, aba gideaba gindeawi heeleeda eaweegeaba ghamneawa ea diita iidu jea ghwahiduun.

Ditto 1:16

Iissa gwarugu gideaba geanali ASEETA, nea iissa ghwashaang' aba sinaweega nyaawa, nea gwandeawa sicheeda, ak ea mandeawana mureeda, mamiisiina sinooda gadiyeeda miy.

Ditto 3:8

Ng'asheanji earguun huumwa gil. Ak geagasayi rukuta ng'asheesu nea giimajeegi, aba gideaba fugiga mwas ASEETEAN goobiida jeeda sinooda ng'asheega miyaas; nea suh ea miyaasiin nea ghwadoabiiw aba heeda buuneeda.

Ebraniya 11:17

Abrahamu aba masaweega, eaweeda sisimsima, ghoadayda Isaka, nea ninyeeda ghayi nyas heeleesiinda hean gagasa ghoadayda orjeedaanyi was haghasheeda,

Ebraniya 13:9

Adiidu ghoayaachi geeshta ng'asheega saang'a ea giinealshajeega hidu; aba gideaba ghwahit geemajeek guroorooda aba dagheerjeanduumeeda, nea mii aba hamichoojiga gil, ak ea mwanyagaada aba gidaat geeshta.

Yakkobo 1:16

Adeereenganeegwa, fuga eaduupcheewi aabwariinyi.

Yakkobo 2:16

ak gwayeesha siyagi aba jeedeang'wa saawa, “Aweayeena nea goobeayi weayda ak goojooyi beasta ak goolang'uuchi,” nea moatawi haleanjeeda gasa saseeda, gayghwaloat naaha?

Yakkobo 2:18

Ak gaygwayi siyagi, “Ang'iing'i gindeawi masaweega ak geandeawi aniini gadiyoojiga.” Ahiimnaan masaweagaagu mandeawana gadiyoojiga, ak gaydaahiimneey masaweegeasu aba gadiyoojigeasu.

Yakkobo 2:26

Aba gideaba gawuurji saseeda iimanda guroorooda ea nimi, gwasunu eara masaweega iimandeawana gadiyeeda ea nimi.

2 Betro 1:5

Aba sareani asina badiida ak ghoahaadi masaweegeagwa alooheeda, ak ghoabwadi alooheeda fughareeda,