Yakkobo 2:13 - Bibliyeeda Ghaydit

¹³ Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

NEAJEEDA EESH BEA BUUNEESSEAN

¹³ Aba gideaba girgweaksiinda mayghabwayda siida mandeawana baydeayda; asi baydeayda iissa ghwajoar girgweageeda.

Yakkobo 2:13 Mawu Ofanana

GIING'EETA 42:21

Hean gaba nih eesha niirja, “Aba huumwa siitiinyi aba badayda orjeeda giyeanya, ak ea sidaayi sawanadeeda haw aba gurooroadaanyi, damanda musaneasa weeta ak ea meeleeysiina iit; ak ghoah gisinyasi ghamneawa sawanadeeda.”

2 DAMANYOOJIGA 28:11

Asi ghamneawa ooleeysean iita, ak ghoatealdi giing'oonyanga was fuga ooduupcheewi ghayi oong'oanyi, aba gideaba nyarasta NG'UTAMIIDA gwanda badahuukeagwa.”

NYIIGHEEGA 18:25

Nea aba heeda siida doabiiwaat iissa guwoosi doabiiwaat, nea aba heeda siida miy iissa giihiimu geaw gideaba guwoosi miy;

NYIIGHEEGA 85:10

Gaygwaroonyi bariinyeega ea doobiiwnata; ak gaygaguuyi doobiiwnata ea hoyyoo.

GHWASIILDEANGA 21:13

Siida iissa gwadukuta iidigaaschi ak ea mooleeysiiniit shooka siida bwarbwar, asi eara niny gaygooyeawda ak ea majeeleeysiit.

GHWASIILDEANGA 22:16

Siida iissa ghaghabwas siida bwarbwar, aba huuydeanda gayghwanung' ghwanyagaada, nea dea jea ghoadaw meanang'oocheanda haleanjeeda guskuseega gayghwanyas barbaranda.

ISAYA 27:11

Nigajeamiidi damealga geediga ak gagiishachi; ak gayghapka gadeemga ak ghaghwarda. Aba gideaba suh mii fuga mideawa fughareenga gil, aba gideaba dea sin saawa ea mayghabwayda saawa, nea dea sin saawa maygwasamsa.

YEREMIYA 9:24

Gwayi NG'UTAMIIDA, siida ghwar geaw ea daghwara geaw aba ng'asheanji, gideaba ghwanal gideaba geawooschi NG'UTAMIIDA ahiimu bariinyeega huumwa, ea doobiiwnata, ea alooheeda aba badayda ng'eanyiida, aba gideaba suh gea ahoosaneani gil.”

ESEKIELI 33:11

Eeshiina aba gideabideati, gwarugu NG'UTAMIIDA was ASEETA, meahoosani aba miyeeda siida muy, geagasayi gideaba siida muy ghoabuut naweadingaaschi munyas, ak ghwanyas giibinda. Aduukuunana, aduukuunana, ak ghoanung'waadi naweadingeagwa munyas, ghwasaan anda googasayi ameewa, Ea fuga Israeli.

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

Mattayo 5:7

“Ghang'wana fuga mideawa baydeayda, aba gideaba eara saawa gajeabwayda.

Mattayo 6:15

ama moosamiisiini giidiinyeanyeeka buuneeda, eara Ghweandeang'wa maygwasamseegwa giidiinyeanyeekeagwa.

Lukka 16:25

Gwayeesha Abrahamu, ‘Orjeedeanyu, apkaada gideaba ang'iing'i ninyasi haleanjeeda miyaasiin aba jeeda eaweagaagu, nea Lasaro ghwanyas gea munyas, ak ghamneawa niny geenung' ghahawda, nea ang'iing'i gindi jeeda hang'weanidooda.

Lukka 6:37

“Adoorgweakiisi buuneeda, ak ea majeergweakseegwa; adooyeati ghuusi, buuneeda ak ea majeeyeateeweegwa ghuusi; asamiisiina buuneeda, ak gajeesamseegwa;

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

Yakkobo 5:4

Ang'ula, gidageatinda fuga gadiyeeda lach madameegeagwa, ghayi oaweachi aba milmilanda, ooyeawda; nea shooka fuga lach ea nihita iidiga Ng'utamiida bea lugooda.

FUGA LAJA GIRGWEAGUUTKA 1:7

Hean gwayi Adoni-beseki, “Sugoodi laadam ea damanamughuush ghayi silajaada geatinga nyaawa ea mooringa hees inyeesa gooliim hamichoojiga aba uuta measeedeanyu: gawuurji gideasinyi, ak ghamneawa ea niwaldaawaan ASEETA.” Ng'ata geeyeadu niny Yerusalemu, ak gameewsa hoowa.

FUGA LAJA GIRGWEAGUUTKA 5:27

Ghwahiiy geaw, ak ghoabeada gawiilsa geaw murdeeda geeshangaaschi; ak gwahiing'sa geaw murdeeda geeshangaaschi ak ghoabeada; heeda abeedeaysa, hean gameewsa hoowa.