Yakkobo 1:5 - Bibliyeeda Ghaydit

⁵ Asi siida wassean mida jeedeang'wa iisuunyeewa weaghuumeeda, ea damwaash ASEETA, adawi buuneesean haleanjeeda aba inyeanda jeeda, nea maygwareekusa ak gajeataw.

NEAJEEDA EESH BEA BUUNEESSEAN

⁵ Asi siida wassean mida jeedeang'wa isuunyeewa weaghumeeda, ea damwaash Aseetta, adawi buuneessean haleanjeeda aba innyeanda jeeda, nea maygwareekusa ak gajeattaw.

Yakkobo 1:5 Mawu Ofanana

1 DAMANYOOJIGA 22:12

Gagasa gagoonyi NG'UTAMIIDA weaghuumeeda ea fughareeda, ak giimbali Israeli ak giing'waanyi diigheanda NG'UTAMIIDA was ASEATAANG'U.

2 DAMANYOOJIGA 1:10

Goonean weaghuumeeda ea fughareeda jea daamu dabeawa madeedeaba fiisu, aba gideaba gayghoamu ng'eaha ghoahaaghwa fiisu ikaaguuni, was fuga saang'aan?”

NYIIGHEEGA 51:6

Ng'ula, ang'iing'i gibwariinyi huumeanda mida jeeda guroorooda; ak ang'iing'i gayrukunean fughareeda aba makcheameeda mida gurooroodeanyu.

RITEAYDA 31:3

ak ea naanyiichi niny Guroorooda ASEETA, ak ghwanyas weaghuumeeda, ea giimuusta ea fughareeda ea gearinda haleanjeeda sean,

RITEAYDA 31:6

Ak ging'ulayi, naaloachi niny sea Oholiyabu, orjeeda Ahisamaki, bea eemeeda Dani, ak ghaadawji weaghuumeeda gurooruunatka fuga sean mideawa weaghuumeeda, ak ghoamu gwasin sean gea earukuneey:

GHWASIILDEANGA 8:17

Ghaabwariinyi giika bwariinyaniin, nea eara giika sin badiida gagaseaniin gayghwadaahan.

Mattayo 11:20

Iimuchu goojuursa mujiinajeegiga ghayi sissa niny ng'asheega deamdeameadi ak ea maduukuunana riing'eega nyaawaan.

Marko 16:14

Iidu aba huuydeanda goohiimsa geaw Yesu giinealan damwanagi hita Yesu nea gweagiischi. Goowoowsa Yesu saawa muuchi aba hang'ooynacheeka iheenga nyaawa, ea gideaba mamwasa ng'asheegiga bea fuga eadu iita duunoadaanyiin.

Yohaana 14:13

Nea gida wassean oomuschi aba gheawungeasu gaydasin, ak abeeda geakghambiit Bwaabwa aba badayda Orjeeda;

Yohaana 15:7

Iyoopiidi jeedeanyu, nea goobiida ng'asheegeasu jeesingeagwa, abeeda amusa gida wassean oogasayi ak gajeesineegwa.

Yohaana 4:10

Ghwasha Yesu nea gwayeesha niny, “Inyeeda ghwanyawa ginali haleanjeeda goona ASEETA ak ea ng'eaha gil siida eeshiineey, ‘Goonean beega jea dali,’ ghwanyawa gaymusa niny ak gaygagoonyi beega mideawa eaweega.”

2 Goriinto 2:16

aba hichpa sih shearooda ng'andit gil ng'eada miyeeda ea ghwahita miyeeda, aba hichpa sih nuut ea shearooda ng'andit ng'eada eaweega ea ghwahita eaweega. Siida nilang'uuda ng'asheesu ng'eaha?

Yakkobo 1:17

Gilinyoo eahaakta miy ea gilinyoo eatayda hidaat gwaleabu heetiyeada, ak ghwararang'aana heeda Bwaabwa weeshinda nea headaanyi ea manda yamoodeaba geaw ghana jirooneeda yamiteaba geaw.

Yakkobo 3:17

Duuku weaghuumeeda leabu heetiyeada gidamadeeda aamiy, nuut gaba weayda, ak ea garbabu, nea iissa gooleeysiit ng'asheega buuneeda, nea gwandeawa haghweega miyaas, ak ea mayamiisachi ghana gwareengani buuneeda.

Yakkobo 5:16

Daba siisi duukuuna riing'eemba nuut, nea gaba siisi mwaash ASEETA aba badayba nuut, ak abeeda geahaabeagwa. Siida doabiiwaat iimwaash ASEETA gwandeawa uurda haw sin gadiyeeda.

1 Yohaana 3:22

ak iissa geenyaschi gidasimuschi, aba gideaba geang'waanyi diigheanyeekaaschi nea geesinyi gidabwariiy niny.