Yakkobo 1:4 - Bibliyeeda Ghaydit

⁴ Nea alooheeda gagasa gweadu gadiyeeda majeek nea goowooschi, hidaat nea mwashoadeeweegwa gil.

NEAJEEDA EESH BEA BUUNEESSEAN

⁴ Nea alooheeda gagasa gweadu gadiyeeda majeek nea gowoschi, hidaat nea mwashoadeeweegwa gil.

Yakkobo 1:4 Mawu Ofanana

AYUBU 17:9

Nea siida doabiiwaat gayghoang'waay naweadaanyi, nea dea mideawa geatinga miyaasiin gayghwanyas uurda muuchi.

NYIIGHEEGA 37:7

Siinda aba madeeda NG'UTAMIIDA, ak giimuughu niny nea giihang'waanyi; adinyareeksi siida iinyagaada aba naweadaanyi, ghana siida sina ng'asheega munyas!

NYIIGHEEGA 40:1

Ghaamuughu NG'UTAMIIDA nea ghaamilikghti; ak gwahiing'sean geaw ak ghwayiiy shookeasu.

GHWASIILDEANGA 4:8

Aghaambiida niny, ak gayghwanung' nyasa hawunda, gaygagu mureeda inyas giing'waanyi niny.

HABAKUKI 2:3

Aba gideaba gisiihiimu gudughoamuughu damandaanyi; nea ghwalamwajaada ghwahita muudeanooda–ak ea maygwanda ng'uyeega. Nea iyajiilean, giimuughu; nea aba huumwa gayghwahidu, nea mayghwashing'da.

Mattayo 10:22

Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

Mattayo 19:20

Gwayeesha gheareemaneedida, “Ng'asheesu seaniin nigeawiit daang'waay; abeeda gudu ghwashoadeawaan naaha gicha?”

Mattayo 5:48

Awoosa hidaat awuurjeewana gidahidaata Ghweandeang'wa mida humng'eeda.

Marko 10:21

Hean goong'weersa Yesu siidida nea nibwariiy ak gwayeesha, “Ghwashoadeaweey gilagi, una ak gishaaydi haleanjeadaang'u indeawi sean amahit gigeanu lapiyeedida ak giidawaadi fuga barbari. Abeeda gaynyasa baruureega aba humng'eeda. Hit ginyuunyi eani geeshteanyu.”

Lukka 18:22

Iiy Yesu ng'asheesu gwayeesha niny, “Ghwashoadeeweey ng'asheanjagi. Shaayda haleanjeadaang'u indeawi sean ak gilakiisi fuga barbari, ak gaynyasa gheaseeda aba humng'eeda, ak guwuni eani geeshteanyu.”

Lukka 21:19

Ak agooga aba milikghteaydeang'wa gajookghuuha eaweegeagwa.

Lukka 8:15

Nea giika abitpisa jeeda sigeeda miyaasiin, giika ama iiy ng'asheanda, gabay ghoang'waay muuchi aba guroorooda miyiin, ak gwaji haghweega aba milikghteayda.

Yohaana 17:23

aniini gaydeabiida jeenyaawa nea giibiidi ang'iing'i jeedeanyu; gideabali geemajeek ak ghoah gilagi ak abeeda ghwanal ng'eanyiida gideaba ghayi giijeaknean ea gideaba gibwariinyi saawa gawuurji gida ibwariiydanaan aniini.

1 Goriinto 2:6

Nea jeeda fuga nihitiisa heeda aba masaweega giinaali weaghuumeeda, earapeadi mii weaghuumeedeaba damani ghana dea fuga ambaliischi aba damani, was gea jea gamuudean gil.

Galattiya 6:9

Ak ea adeeburji aba sinooda ng'asheega miyaasiin aba gideaba gajeelaja iihita damanda ii miyeepra.

Golosaayi 4:12

Epafraheeda was siida jeedeang'wa was soomjeanda Gristo Yesu, ghoaghadeagwa nea goopkeateegwa galeagasean nea gwasin badiida aba moashtaanyi bea ASEETA, ak ghoamiinaadi nea simwaseagwa aba haleanjeedida gasa ASEETEAN.

1 Desaloniikke 5:23

Gagasa ghoamiidu ASEETA mideawa hoyyoo sasanuukeagwa sean, nea gaba geaw; ak gagasa gamiyeasiidi gurooruunatkeagwa ea jeesingeagwa ak geemajeek nea meerukunana badayda ng'asheega munyas aba damanda hinnooda Ng'utamiideanya was Yesu Gristo.

2 Dimoteo 3:17

Abeeda ea hidaat siida gadiyeeda ASEETA nea sinung' ghwahit ak gwasin giliwas gadiyeeda miy.

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.

Yakkobo 1:5

Asi siida wassean mida jeedeang'wa iisuunyeewa weaghuumeeda, ea damwaash ASEETA, adawi buuneesean haleanjeeda aba inyeanda jeeda, nea maygwareekusa ak gajeataw.

Yakkobo 3:2

Aba gideaba aseasa eesa sean iissa gearamwaschi gea saang'a, ama deepa ea mwaramwasta siida wassean aba ng'asheega rugu abeeda siisi ea doabiiwaat, ak ghoamu ghwarat eara saseadaanyi sean.

1 Betro 5:10

Iidu nea ghang'ata sawanadeedida gilimwanang', hean ASEETA mideawa dagheerjeanduumeeda sean, ghayi guurneegwa apkaani jeeda giigheambiitaanyi manda muudeanooda aba jeeda Gristo, gaygoodeelu niny, ak goomajeegiideegwa.

2 Betro 1:9

Aba gideaba siida mandeawana ng'asheesu ea ng'oaw, aba gideaba mayghwadaah haleanjeeda mida hoosheagiin, ak ea niroosa gidaghayi simiteayda riing'eagaaschi bea garayi.