Yakkobo 1:25 - Bibliyeeda Ghaydit

²⁵ Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoah siida iing'shi ramasoot gagasa ea siida sina gadiyeeda gil, siisi aba sinoadaanyi bea gadiyeeda.

NEAJEEDA EESH BEA BUUNEESSEAN

²⁵ Nea siida ng'ula deaweedeeda hidaat, jea gweadu giibaldeaba geaw, ak ghwashng'u, adaghoaw siida iing'shi ramasoot gagasa ea siida sina gadiyeeda gil, siisi aba sinoadaannyi bea gadiyeeda.

Yakkobo 1:25 Mawu Ofanana

Lukka 11:28

Hean gwayeesha, “Ghang'wana fugiga iiy ng'asheega ASEETA nea ghoang'waayiin!”

Yohaana 13:17

Asi iyoanali ng'asheesu abeeda ghang'wana iyoosinyi.

1 Betro 2:16

Oopiideata fuga abal geat, ak ea moogadiyeatani giibaldeaba geat aba funyooda ng'asheega munyas, asi oopiideata soomjooga ASEETA.

Yakkobo 2:12

Asi arukuni ak goosinyi nea goowuurjeewi fuga jea eergweaksiina deaweedeeda jea gweadu giibaldeaba geat.

Galattiya 5:1

Aba giibaldeaba geat ninung' Gristo eepala geat; asi amiinaada nea goomilmiliidayi, ak ea adagudoomwaschi gicha gideaba gajeerassa gheatkweakeagwa yookeeda soomjeandumeeda.

1 Goriinto 15:58

Asi fuga eaduupcheewi aabwariinyi, andeawana alooheeda, ak ea adoabealbeali, ak goosinyi galeagasean gadiyeeda Ng'utamiida, ak ghoanali gideaba gadiyeedeang'wa mii mwadaagha gil aba heeda Ng'utamiida.

1 Dimotteo 4:16

Ghamwada saseadaang'u ea giinealshoadaang'u. Abiidana jeedeaba ng'asheesu aba gideaba iisini ng'asheanji gajaghuuha geaw ea fugiga aleeyseey iidiin.

2 Goriinto 13:5

Asi asawsiina geat agooga, adaaha ea ghoang'waanyi masaweegeagwa. Asima geat, agooga. Ghana moanali agooga gideaba Yesu Gristo gwanda jeesingeagwa? Geaghus aba huumwa araanya gideaba gajeesimeegwa!

Ruumi 11:22

Asi nala ng'eeninda ea ng'weaninda ASEETA: ng'weaninda aba heeda fuga abeada, amaduuku ng'eeninda ASEETA aba headaang'u, gagasa gideaba gajawoosa ng'eeni; masa gidida eara ang'iing'i gajeelakseey ng'eanyi.

GHWASIILDEANGA 14:15

Siida dasha ghamwas gilinyoo ea ng'ashaan gil, nea siida weaghoot gwasikteawa muuchi gichea ghabeada.

Ruumi 8:15

Aba gideaba ghayi meegooneegwa guroorooda giing'oonyaneanduumeeda jea gweadu muuwda, ghayi geegooneegwa guroorooda jea ahuweewana orjooga. Nea geeyeawdi, “Bwaabwa! Bwaabwa!”

Galattiya 2:4

Iidu aba badayda orjoogiyya bea ng'uyyeega siyeana makcheameeda, ahuudaan ak ghamwaal giibaldeanya bea geat aba jeeda Gristo Yesu, ak gagasa ghwaadeasa jeeda soomjeandumeeda–

Yohaana 8:36

Orjeeda iigooneegwa giibaldeaba geat gajoopala geat huumwa.

NYIIGHEEGA 106:3

Ghang'wana ng'ula girgweageeda, nea gwasina ng'asheega doobiiweadi galeaga sean!

Giidaheechta 14:13

Hean ghaayiinyi ghuuta nyaasha humng'eeda nea gwayi, “Ng'oara ng'asheesu: Ghang'wana siida meah ghamneawa meewsa heeda Ng'utamiida.” “Ghang'wana huumwa,” gwayi Guroorooda, “ak gafuuf iing'ata gadiyeeda nyaawa, aba gideaba sinaweega nyaawa ghwaat geeshta!”

1 Dimotteo 2:15

Ak gay ghwalaalaan aba jeataanyi iimajeegiit aba badayda masaweega ea bariinyeega ea giimiinnooda ea jeeda mida gheadeenda.

Ruumi 7:12

Asi deaweeda ea ghaydit, ak diigheanda earada ea ghaydit nea gabiissa ea doabiiwaat, ak ea miy.

Gadiyeeda Giijasoodiga 26:22

Iidu ghaweadan ASEETA ak ghoah gidaghamneawa eamiinaadawi nea geawooschi majeek nea geamuuwiisi ng'asheega fuga manang'i ea gea hees, nea ng'asheega eabalooli ea gea ghayi rugu sibanga ea Musa gil gideaba gayghwahidu:

Gadiyeeda Giijasoodiga 13:43

Iidu nea ghwadardaawa buuneeda girgweageeda gheeda siinealshacheewa, hean ghwaat geeshta geaba Bawlo ea Barnaba fuga saang'a bea Yahudi ea fuga eemoojiga suuk ghayi weay diineeda Yahudi, hean goobaloola saawa gideaba aweayeena mwadi aba jeeda dagheerjeanduumeeda ASEETA.

Ebraniya 12:15

Ang'ula adaghanyi siisi mwanyasa dagheerjeanduumeeda ASEETA; ak ea manda “hawunyeanda ng'weaninda” ama ridu gweadu jaliida, nea aba nih ghang'ut fuga saang'a ririnnyeanda;

Gadiyeeda Giijasoodiga 2:42

Ak goodeaga geat giinealshooda giijasoodiga nea gabareanyi, aba banachta mukaate ea mooshta ASEETA.

ISAYA 8:20

Aba giinealshooda ea muuwuunooda! Nea aba huumwa ng'asheanji ruguun ea manda muudeanooda.

NYIIGHEEGA 119:45

ak aniini gaydawa heeda eabali geaw, aba gideaba naanaali geaw deaweedajeagaagu.

NYIIGHEEGA 119:32

Gaydafwach dahalsa geaw naweeda diigheanyeakaagu aba gideaba gigoonean fughareeda!

1 SAMWELI 12:14

Iyoosissi mureeda NG'UTAMIIDA nea googadiyeesi nea ghoayiinyi ghuutaanyi ak ea meanung'waadani diigheanda NG'UTAMIIDA, nea ang'iing'i sea sugoocheanda ahaaghwaneegwa iyoayaachi geeshta NG'UTAMIIDA was ASEETEANG'WA, gayghwadoabiiw;

Giidaheechta 22:14

Ghang'wana fuga ahuun hang'weaka nyaawa, ak gwandeawa doobiiwnata jea gaweesiina geeta eaweega ak gaweay jeeda mujiini aba gidaghuudajeagaaschi.

1 Yohaana 2:24

Anung'waada ng'asheega ghayi oayiinyi aba mwadi goobiida jeesingeagwa. Asi iyabiida jeesingeagwa ng'asheega ghayi oayiinyi aba mwadi, abeeda gajoopiidana jeeda Orjeeda ea jeeda Ghweanda.

Golosaayi 1:23

Asi iyoopiidi jeeda masaweega, ak ghoamiinaadi nea noahang'waanyiichi, nea meayameegwa aba heeda giijasta miy oayiinyi, ghayi sirukwiisa haleanjeeda sean mida hiing'eadayda humng'eeda, nea aniini Bawlo geawooschi siidaanyi bea gadiyeeda.

Ruumi 2:13

Ak ea mii fuga iiy deaweeda gil gea jea ghwanyas doobiiweadi aba madeeda ASEETA, geaghus fugiga sina deaweeda jea eataw doobiiwnata.

Ruumi 8:2

Aba gideaba deaweedeeda Guroorooda eaweega mida jeeda Gristo Yesu nigoonan giibaldeaba geaw, aba heeda deaweedeeda riing'eeda ea miyeeda.

Galattiya 6:2

Daba siisi sar sareemba nuut, daba siisi ahiit deaweedeeda Gristo.