Yakkobo 1:21 - Bibliyeeda Ghaydit

²¹ Asi oosheagiidana geat ririnnyeanda ea gasooda hawunda muy ak ghoang'waanyi aba garbabanda ng'asheandida, ammu gwaleabu gurooruunatkeagwean.

NEAJEEDA EESH BEA BUUNEESSEAN

²¹ Asi oshsheagiidana geat ririnnyeanda ea gassooda hawunda muy ak ghoang'ng'waanyi aba garbabanda ng'asheandida, ammu gwaleabu guroruunatkeagwean.

Yakkobo 1:21 Mawu Ofanana

NYIIGHEEGA 25:9

Fuga ng'eeni gajadoabiiwa aba girgweageeda, ak ghoanaal fuga ng'eeni naweadaanyi.

ISAYA 2:20

Eaweedida abeeda buuneeda gaygaba nih jakta sanaamooda sisna lapiya ea gidaanyi bada bea dahaabu siguura dahaabu, ghayi sissa geat jea ghabwat was gutkunooneeda ea udaghasgho,

ISAYA 29:19

Fuga eadageat ng'eanyi gayghoahaada hooseaneega nyaawa aba badayda NG'UTAMIIDA, nea fuga barbari mida bugusta buuneeda gaygahoosan aba badayda dea Ghaydit asagi bea Israeli.

ISAYA 30:22

Ak agooga gajang'udana ririnnyeanda aseecheekeagwa sisna gharinga sisina lapiya, ea aseecheekeagwa siyiin dahaabu siguura dahaabu gajajakta oosheagiida gawuurji haleanjeeda mideawa ririnnyeanda nea gooyeenyi, “Asi asiipteawana madeedeanyu.”

ISAYA 61:1

Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.

ESEKIELI 18:31

Ahisana hoowa sheagiin giidiinyeanyeekeagwa sean ghayi oosinyi ak ghoanyaschi jeeda miy ea guroorooda miy, ghwasaan anda googasayi ameawa Ea fuga Israeli?

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

SEFANIYA 2:3

Agasa NG'UTAMIIDA, agoogeeni seaniin ooyeadayi geat ng'eanyi aba badayda ng'eanyiidean, agoogeeni oang'waanyi diigheandeani; agasa doobiiwnata, agasa eatoodeaba geat bea ng'eanyi; gwadeaba eafunyeagwa eaweeda nyarasta NG'UTAMIIDA.

Mattayo 5:5

“Ghang'wana fuga ng'eeni, aba gideaba gaygoombal ng'eanyiida.

Yohaana 6:63

Guroorooda dea eatu eaweega gil, aba gideaba saseeda manda gidammu; ng'asheesu earukuneegwean guroorooda gil ea eaweega.

Yohaana 6:68

Ghwasha Simon Betaro ak gwayeesha, “Ng'utamiida, ak gajeeweaya heedeabeang'a? Ang'iing'i gindeawi ng'asheega eaweega manda muudeanooda;

Gadiyeeda Giijasoodiga 10:33

Ak geajeagu buuneeda aba geeshangiga ak eara ang'iing'i giidoabiiwi muuchi aba gideaba giwuni. Asi ghamneawa aseasa geendi hiji bea madeeda ASEETEAN, eeleeysiiniit ng'asheega sean indeawi goonyi Ng'utamiida.”

Gadiyeeda Giijasoodiga 13:26

“Fuga eaduupcheewi, orjooga dooshta Abrahamu, ea buuneesean mida jeedeang'wa awali gheang'da ASEETEAN, giijasi bea lealnoodean siyeaneasa.

Ruumi 1:16

Aba gideaba maydabwaspwas aba Giijasta Miy, bea gideaba uurda ASEETA gil dea eadu lealeanooda aba heeda siida wassean mideawa masaweega, heeda siida Yahudi aba madeeda ak gabassa siida Yunani.

Ruumi 11:17

Nea damealga mwaatkwa iisihirjeaweada, ama ang'iing'eeda was saytuunajeanda dareabeeta, sing'eapsa bugusta nyaawa, ak goobareanyi baruureega geeta sabiibu asi damealga adoaghwarji geat.

Ruumi 6:17

Ak gagasa eebadiischeesa ASEETA, aba gideaba ghayi goowooschi giing'oonyanga riing'eeda amadu goosinyi mureeda aba guroorooda gawuurji fughareedida ghayi siinaaleagwean,

1 Goriinto 15:2

amadu geelealneegwa, aba iyoang'waanyi muuchi ak geaghus gaba masaweegeagwa mwadaagha.

2 Goriinto 7:1

Iinukwa geandeawi heeleesiini fugeasu aabwariinyi, abeeda ghang'wana geehuunyi geat aba ririnyoojiga sean bea saseeda ea guroorooda nea geemajeekchi ghaydidanda aba gheawalmeeda ASEETA.

Efeeso 1:13

Ak agooga aba jeedeaba niny noayiinyi ng'asheanda huumwa, nea giijasta miy bea lealeanoodeang'wa, ak ea noamwaschi niny, nea goorooreegwa heeleeda Guroorooda Ghaydit,

Efeeso 4:22

Oapuuda searoojigeagwa bea garayi bea giibinda biissa eamuy aba haleanjeeda sigaseadayi reengani fih,

Efeeso 4:25

Asi anung'waada ng'uyeega, daba siisi abaloola giischeewoocheandaanyi huumeanda, aba gideaba aseasa geewooschi fuga weechi.

Efeeso 5:4

Ak ea adiidu geeyiing'sa heedeang'wa ng'asheega baspaseega ea gea leendeeda ghana nyoota mureeda.

1 Desaloniikke 1:5

bea gideaba giijasteanya miy mwahina heedeang'wa nea geaghus ng'asheanda ak ghwahit, ghabwada gwandeawa uurda, ea Guroorooda Ghaydit nea geesikteawi muuchi. Ak ghoanali siisi siruguun giduurji jea goobiida heedeang'wa, aba badahuukeagwa.

1 Desaloniikke 2:13

Nea iissa geebadiischeesi ASEETA galeagasean aba badaydeaba ng'asheanji, gideaba dea noang'waanyi ng'asheanda ASEETA ghayi ooyiing'si heedeanya, ea moang'waaydani ng'asheanda buuneeda ghoanung' gawuurji ng'asheanda ASEETA, biissa gagadiiy aba jeedeang'wa agoogeeda mideawa masaweega.

Ditto 2:11

Aba gideaba dagheerjeanduumeeda ASEETA lealu buuneesean siitaajiit,

Ebraniya 12:1

Asi, dea nineaweesiinaneasa shamooghooda haw bea muushoodiga, gagasa easaja giliwas sareenda, ea riing'eeda neekiiseasa muuchi ak ghwanung' eesalda nea geemiriikchi ng'weega siyiin madeedeanya,

Ebraniya 2:3

aseasa gajeamuusa eemuldaan iimeeduupi lealeanooda haw deenu? Aba gideaba ghayi nibay gwayi Ng'utamiida aba mwadi, ak gagoaneasa fuga ghayi iiy niny,

Ebraniya 4:2

Aba gideaba giijasta miy ghwahitaayda heedeanya gidahitaayda heanyaawa; nea iita nyas ghanyea maloosiina gil, aba gideaba mwanyasa masaweega aba jeeda fuga iiy.

Yakkobo 4:8

Aneekiisiina ASEETA ak gaygwaneekiiseegwa agooga. Oamiini geatingeagwa, ea fuga riing'eega, oamiini gurooruunatkeagwa, ea fuga mabwagi.

Yakkobo 5:20

abeeda ea danala gideaba siida adeelu siida riing'eeda ea gwarina jeeda ramaseanda naweadaanyi gaygwalealna gurooroadaanyi miyeeda ak gaygwadukuta seang'ayda riing'eega.

1 Betro 1:22

Nea ghoamiidu jeesingeagwa aba mureedeang'wa aba heeda huumeanda aba bariinyeega huumwa aba heeda orjoogiyya, abwariinya geat huumwa aba jeeda guroorooda.

1 Betro 1:9

Gawuurji huuydeanda masaweegeagwa abeeda gajanyasa lealeanooda gurooruunatkeagwa.

1 Betro 2:1

Asi ageandeawana geat munyinda sean ea milmilanda sean ea nyoota doobiiwnata ea shidoodeaba ghaang' ea beeshta sean.

1 Betro 2:11

Fuga aabwariinyi, geamuscheegwa nea goowuurjeewi rabasta ea fuga mang'aw mulsa haleanjeeda gasa saseeda ng'uchi sea gurooruunatkeagwa.