SARMEEDA SULEMANI 8:1 - Bibliyeeda Ghaydit

¹ Gidabal gwachi guwuurjeewi orjeediyya aba heedeanyu, reer gidinga iya! Nyas geeroonyeesi jarooda abeeda gaydasam gheataang'u, aba gideaba adagafoolan sih.

SARMEEDA SULEMANI 8:1 Mawu Ofanana

NYIIGHEEGA 2:12

Oang'waanya ng'asheega miyaas, adiidu ghwanyareas ak goorootiisi naweeda, aba gideaba nyarastaanyi gaygabay ghwayeat; ghang'wana fuga mang'awsa headaanyi.

NYIIGHEEGA 51:17

Lukghumajeega gasa ASEETA guroorooda doabiiwaadi; ea ASEETA, ang'iing'i mayfoola guroorooda doabiiwaat bea mureeda.

SARMEEDA SULEMANI 1:2

Samwa gheateanyu aba ghuutaang'u! Aba gideaba bariinyeagaagu ghang'alda ea ghwanaawa difaayi.

SARMEEDA SULEMANI 7:13

Gahawu shearooda sakghwiilo aba ghuusiga gealgaasa, nea gaba haghweega miyaasiin sean gea woosi ea gea eeshish, gaguuy mbeeyoosean, ak geadiiwji aba badaydaang'u ea ng'wasaneedeanyu aabwariinyi.

SARMEEDA SULEMANI 8:2

Gwachi gaydaadoabiiwnyi ak geayeaneey jeeda gheeda iya, jeeda ghooriida ghayi sijiilsean. Ak ghaanung' leaha difaayeeda heasaat, was difaayeeda heasaat bea geeteanyu siguura goomamaanga.

ISAYA 60:14

Ak gayghapka orjooga fuga ghayi ghabwasnyi headaang'u ak ghwahiiy geat aba madeadaang'u; ea gea ghayi foolnyi sean gaygwatkuy aba madeeda geeshangaagu, ak gajeeguureewaneey Mujiineeda NG'UTAMIIDA, Sayuneeda dea Ghaydit Asagi bea Israeli.

ISAYA 7:14

Asi NG'UTAMIIDA ninyeesean gaygagooneegwa giirooraneeda. Ng'ula, huda miyeasat gaygagweayiit ak gwaji baleanda was baleanda, ak gaygaguura gheawungaaschi Imanueli.

ISAYA 9:6

Aba gideaba siji baleanda aba badahuukaasa, sigooneasa baleanda was baleanda; ak niny ghoamu sugoocheanduumeeda, ak gajeeguura gheawungaaschi “Siida argweakiisa buuneeda daamdaamwaat, ASEETA hoauur, ghweanda manda muudeanooda, Sugoocheanda mideawa hoyyoo.”

HAGAYI 2:7

ak gaydeaduumduum eemoojiga sean, ak abeeda haleanjeeda adiiw eemoojiga sean gayghapka hiji, ak gaydaanyiit gheawi gharbeeda, gwarugu NG'UTAMIIDA bea lugweega.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

MALAKI 3:1

“Ng'ula, Aniini gaydeajeagu giijasoocheandeanyu jea gwasinnean naweeda aba madeedeanyu, ak abeeda Ng'utamiida oogasayi gaygabay ghwahidu jeeda gheeda sibata ASEETA; nea giijasoocheanda neajeeda was dea oogasayi, ng'ula, ghwaan, gwarugu NG'UTAMIIDA bea lugweega.

Lukka 10:16

“Siida aleeyseegwa iit, gooleeysean iit aniini, nea dea heawaneegwa, ghaheawanaan aniini, nea dea heawanaan ghaheawa dea ghayi ajeakneani.”

Lukka 12:8

“Ak geayeeshiineegwa gilinyoo ea siida gil nyooh ghamwasan aba madeeda buuneeda, eara niny gayghamwas Orjeeda Siida aba madeeda malaykajeega ASEETA;

Lukka 18:9

Iidu gwarukusa galeega fuga hinda geat gilidoobiiweadi nea gafool suurja.

Lukka 2:38

Gwardu aba damandida ak gabadiischeesa ASEETA, ak goobaloola niny ng'asheega sean bea fuga amuuku lealnooda Yerusalemu.

Lukka 9:26

Siida isinnean gheanyanga ea ng'asheegeasu, eara niny gaygwasissa gheanyanga Orjeeda Siida, damanda jea ghwahina aba giighaambiitaanyi ea dea Bwaabwa ea dea malaykajeega ghaydidi.

Yohaana 1:14

Ak iidu ghoah Ng'asheandida saseeda ak goobiida jeedeanya, niny ghwanyiit dagheerjeanduumeeda ea huumeanda ak ea sidaayi, giigheambiitaanyi, giigheambiita uurji dea Orjeeda was haghasheeda leabu heeda Bwaabwa.

Yohaana 13:3

abeeda Yesu ghwanal gideaba niyiin Bwaabwa geatingaaschi haleanjeeda sean, ea gideaba niny gwaleabu heeda ASEETA ak gaygabiikta heeda ASEETA,

Yohaana 16:28

Aniini gealeabu heeda Bwaabwa, ak ghaawunyi jeeda ng'eanyiida; gicha, ak ghamneawa ghaabeawi ng'eanyiida ak geawi heeda Bwaabwa.”

Yohaana 3:13

Manda siida ghayi nidiyeada ea gawa humng'eeda geaghus Orjeeda Siida ghayi rarang'aana humng'eeda

Yohaana 8:42

Gwayeesha Yesu saawa, “Inyeeda ghwanyawa ASEETA ea Ghweandeang'wa gil, gajabwariinyaan, aba gideaba aniini gealeabu heeda ASEETA; aniini mwaawuni aba uhuudeanyu gweanean siida ajeaknean.

1 Goriinto 1:28

ASEETA ghwaloat haleanjeeda ng'arng'ari sifool aba jeeda ng'eanyiida, ea haleanjeeda mandana, ak ghwanung' ghoah haleanjeeda mwadaagha gea mida,

Galattiya 4:26

Ak mujiineeda Yerusalemooda mida humng'eeda goobal geaw, ak niny ea iyya gil.

Galattiya 6:14

Ak aniini ea adaaghwarji geaw aba gida wasean geaghus giigheambiita beehiida Ng'utamiideanya was Yesu Gristo, aba gideaba aba naweani bea beehiidean singoorsa ng'eanyiida badaydeanyu, ak aniini ea singoorsean badayda ng'eanyiida.

Filippi 3:3

Aba gideaba aseasa geewooschi ghasmeahooda huumwa, gadoowan ASEETA aba guroorooda, ea gheambalmeeda aba jeeda Gristo Yesu, fuga mwarara ng'asheega saseeda.

1 Dimotteo 3:16

Ak ea huumwa gil gideaba makcheameeda badita ASEETA aahaw. ASEETA geetaajiit aba saseeda Ak doobiiwnataanyi ghoahiimu Guroorooda Ak ghwadaah giijasoocheanda humng'eeda Ak geerukwiida iitaanyi aba jeeda eemoojiga, Ak geamwas aba jeeda ng'eanyiida, Ak geeyaat humng'eeda heeda ghaambiidaat.