SARMEEDA SULEMANI 7:4 - Bibliyeeda Ghaydit

⁴ Gheataang'u gawuurji madalooda sideasa gujaka, gheanyangaagu gawuurji dabaschoojiga Heshboni, mida ghuuta Bet-rabi. Sareadaang'u gawuurji madalooda Lebanoni deaschi Dameski.

SARMEEDA SULEMANI 7:4 Mawu Ofanana

GIING'EETA 15:2

Ng'ata gwayeesha Abramu, “Ea NG'UTAMIIDA was ASEETA, gaygoonean naaha aniini, nea aniini ea nukwa geanyi diy, nea siida jea gwahearan gheenyu ea Eliyeseriheeda mujiineeda Dameski?”

2 SAMWELI 8:6

Ak ghwayiin Dawdi heeda jea eeratiisa buuneeda Shamooda Dameski; ak ghoah fuga Shaamu fuga gadiyeeda Dawdi nea gweadu haleanjeeda guskuseega. Ak ghoadaw NG'UTAMIIDA Dawdi jooriischooda aba hiji weah sean.

1 SUGOODIGA 10:18

Gwasin gicha sugoocheanda hoorgeeda haw bea gujaka beeshaka, ak ghwayeasha dahaabooda miyaas.

1 SUGOODIGA 10:22

Nea sugoocheanda gwandeawa maleambajeega ng'ucheeda aba ng'eanyiida Darshishi aba jeeda basooda ea maleambajeega ng'ucheeda bea Hiramu. Nibwagi aba jeemba gweanyeew samwagu maleambajeega ng'ucheeda bea Darshishi inyeesa ghapka gweadu dahaabu, ea lapiya, ea gujaka beeshaka, ea ghandajeega, ea ghariibajeanda haw.

1 SUGOODIGA 22:39

Suh gadiyoojiga siipuut bea Ahabu, ea gilinyoo gwasin, ea gheeda gujaka ghayi deas, ea mujiinajeega sean deas meeng'oorsiina jeeda gitaabooda Damanyoojiga bea sugoodiga Israeli?

1 SUGOODIGA 7:2

Ghwadeas gheeda jeeda dareabeeta ng'eanyiida Lebanoni, geawundaanyi geegala geatin bughala, ea wiilooda geegala geatin was haradam ea damanamughuush, ea geawunda gal humng'eeda geegala geatin was diktam ea damanamughuush, nea geedeeksa uhuuda ghealooni samwagu bea daranajeega gubooyeeka ea darearjeeka gubooyeeka uhuuda daranajeega.

1 SUGOODIGA 9:19

ea mujiinajeega sean siitiiwiisa haleanjeeda mideawa Sulemani bea faraasajeega, ea gilinyoo gagasa Sulemani ghwadeas aba Yerusalemu, ea Lebanoni, ea jeeda ng'eanyiida sean ambali.

2 DAMANYOOJIGA 8:6

aba Baalati, ea mujiinajeega abiita jeeda gheaseeda mideawa Sulemani, ea mujiinajeega mutukwajeagaaschi, ea mujiinajeega fuga manmani faraasajeega, ea gilinyo gagasa ghwadeas Sulemani aba Yerusalemu, ea Lebanoni, ea jeeda ng'eanyiida sean bea gheambalmeadaanyi.

NYIIGHEEGA 144:12

Gagasa gwahitiisa heeda orjoagaagu ea gawuurji geediga hees, nea gawuurji haweagaagu daranajeega gireayda silagu jea eadeasa gheeda sugoocheanda;

NYIIGHEEGA 45:8

hang'weakaagu sean goowiinyi geediga ng'andidi ea hideeda ng'andit ea deanguurga. Nea aba gealga sugoodiga sisna gujaka goohoosanyi gidoondoorajeega nung' hoosana;

SARMEEDA SULEMANI 1:10

Madeang'akaagu aamiyaas aba surumga gheataang'u aamiy aba surumga sisna lagheanga haw sheaya.

SARMEEDA SULEMANI 4:1

Ng'ula guwoosi miy ng'wasaneedeanyu aabwariinyi, ng'ula guwoosi miy! Gheanyangaagu gawuurji gea ghariibajeega aba jeeda hang'da miy bea gheamamda. Buudeagaagu gawuurji gea hawanda nooga, mida ruweanga aba daghata heayeeda Gileyadi.

SARMEEDA SULEMANI 4:4

Gheataang'u gawuurji madalooda Dawdi, sideas ghoah heechea eetiiwa dabita ng'ucheeda, nea sighastaawa uhuudaanyi igeambooni sagalam, ak igeambajeesu seaniin gaba fuga meanyi.

SARMEEDA SULEMANI 4:5

Gidingaagu asiyeenya gawuurji dayi iyeenya was saleahooga bea mayeanda; ahaaghwa aba bugusta deakghweeda.

SARMEEDA SULEMANI 6:5

Afuursiina gheanyangaagu hoowa ading'ulean, aba gideaba ninung' dabeal muuchi– Buudeagaagu gawuurji hawanda nooga, rarang'aana daghata heayeeda Gileyadi.

ISAYA 54:4

“Adibeali aba gideaba maybwaspwasa; nea adihirbiban aba gideaba majeapwaaspwaasnyi, aba gideaba gaygwarooseey baspaseega gheareemaneanduumeadaang'u, ea ng'asheega munyas siruku aba badayda masinung'weanduumeadaang'u.

Ebraniya 5:14

Hamita hang'waay gaba fuga nihitiisa heeda, nea giika mideawa fughareengean ea siinaal sinooda gichea gooheeleata ng'asheega miyaasiin ea gea munyas.