SARMEEDA SULEMANI 7:12 - Bibliyeeda Ghaydit

¹² Eebean eeweaya nea gudea sakteayda gil jeeda madameega sabiibu, ak geadaayi sabiibu ea niftu ghana ea niiruudu deakghweeda, ghana goomamaanga ea gaba deakghweeda; abeeda aba hoowa gaydaahiimneey bariinyeegeasu.

SARMEEDA SULEMANI 7:12 Mawu Ofanana

NYIIGHEEGA 122:5

Aba gideaba hoowa geayiin hoorgajeega girgweageeda, hoorgajeega gheeh Dawdi.

NYIIGHEEGA 43:4

Ak abeeda gaydawa heeda wagiida bea ASEETA, heeda ASEETA was hooseaneegeasu; ea ghweelmeedeanyu ak gaydaaghaambiinyi aba gidoondooriida, Ea ASEETA was ASEETEANYU.

NYIIGHEEGA 73:25

Neada ea ng'eaha dea eandeawi aba humng'eeda meaghusnyi ang'iing'i? Ak ea manda gideagasayi nuut aba badayda ng'eanyiida jea dabwadaneey.

RITEAYDA 25:22

Gajeeroonyeena aba hoowa sea ang'iing'i ak gaydeabaloolnyi nea geandi uhuuda hoorgeeda baydeayda, aba bugusta Geeruubajeesu asiyeenya mida badayda sandakwajeanda muuwuunoodean gaydeabaloolnyi aba ng'asheega sean jea dagoonyi was digheanyeeka fuga Israeli.

GHWASIILDEANGA 8:17

Ghaabwariinyi giika bwariinyaniin, nea eara giika sin badiida gagaseaniin gayghwadaahan.

REEKUSIINDA 9:10

Nea gida wasean sin geatindaang'u, gisini aba uurdaang'u aba gideaba manda gadiyeeda, ghana girgweageeda, ghana fughareeda, ghana weaghuumeeda, aba gheeda maloonghajeega iigali ang'iing'iin.

SARMEEDA SULEMANI 2:13

Shaboogheecheanda gwaji dayeagaaschi, ak sabiibu ghafiirfiir, nea gaba shearooda ng'andit. Ng'eada ng'wasaneedeanyu aabwariinyi bea leanga miyaasiin beeni heedeanyu.

SARMEEDA SULEMANI 2:15

Oong'ooyneasa fureayoonga, fureayoongiga manang'iini, ghwadatas sabiibu aba gideaba sabiiboodeanya gutgooruudu deakghweeda.”

SARMEEDA SULEMANI 4:13

Gifirfirdi boostaaneeda goomamaanga, mida jeeda haghweega miyaasiin garbabooda ea nardo,

SARMEEDA SULEMANI 4:16

Ng'eada ea jeameeda wiilooda ng'eanyiida ghayeawa, ak gihidu ea jeameeda wiilooda ng'eanyiida biyeara, ghuuni aba badayda boostaaneedeanyu, ak gwardu shearooda ng'andit bea boostaaneeda. Ak gawa ng'wasaneedeanyu aabwariinyi jeeda boostaaneadaanyi, ak ghwaak haghweagaaschi miyaas.

SARMEEDA SULEMANI 6:11

Ak geawi dararang'eesa boostaaneeda gooseamng'eanda, dawa dadaa geediga fudu aba jeeda moangoachi, ak geawi dadaa sabiibu ea niftu, ea goomamaanga ea niiruudu deakghweeda.

SARMEEDA SULEMANI 7:11

Beeni ng'wasaneedeanyu aabwariinyi, eeweaya jeeda madameega ak geepiidi jeeda gharang'weaka.

SARMEEDA SULEMANI 7:6

Ng'ula gidamiyinda, ea gidinyaanda bariinyeega aba bugusta miyeenooda

ISAYA 18:5

Aba gideaba nea miighwahita damanda lajita booga, nea ning'ata damanda apta deakghweeda, nea ghwaheas sabiibu, abeeda gayghwalach damealga aba bardida silacha geedigean, ak ghwalach damealgiga dabwaardaan.

Gadiyeeda Giijasoodiga 15:36

Iing'ata eawoojisu ng'ay gwayeesha Bawlo Barnaba, “Beeni eebiikta mujiinajeega ghayi sirukwiideaysi ng'asheega Ng'utamiida, eadaaha fuga siduupcheewi gissin.

Ruumi 5:11

Ea meakghusa nih, geehoosanyi aba heeda ASEETA aba naweeda Ng'utamiideanya was Yesu Gristo, nea aba badaydeaba niny ghamneawa ea sinyaschi giiduupcheeda.

2 Goriinto 13:5

Asi asawsiina geat agooga, adaaha ea ghoang'waanyi masaweegeagwa. Asima geat, agooga. Ghana moanali agooga gideaba Yesu Gristo gwanda jeesingeagwa? Geaghus aba huumwa araanya gideaba gajeesimeegwa!

Efeeso 6:24

Gagasa gagooneegwa ASEETA dagheerjeanduumeeda sea fuga sean bwariiy Ng'utamiida was Yesu Gristo, aba bariinyeega manda muudeanooda.

Ebraniya 12:15

Ang'ula adaghanyi siisi mwanyasa dagheerjeanduumeeda ASEETA; ak ea manda “hawunyeanda ng'weaninda” ama ridu gweadu jaliida, nea aba nih ghang'ut fuga saang'a ririnnyeanda;

Ebraniya 2:13

Nea gicha, “Gaydayiin masaweegeasu heeda ASEETA.” Nea gicha, “Aniini geandi hiji, ak ea nigoonan ASEETA diibiga.”

Ebraniya 2:15

abeeda gwalealu fugiga sean mida jeeda gheawalmeeda miyeedean goobiida jeeda eaweega geawi bea soomjeandumeeda.

Ebraniya 4:16

Asi gagasa eeneekiida aba gidasirarji eapkaana heeda hoorgeeda ghaambiidaat bea dagheerjeanduumeeda, ak abeeda geanyaschi baydeayda ak geanyaschi dagheerjeanduumeeda jea ghaweat fih damanda sigasseewa.