SARMEEDA SULEMANI 6:2 - Bibliyeeda Ghaydit

² Ng'wasaneedeanyu aabwariinyi nirarang'aada gawa jeeda boostaaneadaanyi, hoowa mida deakghweeda geeta siguura rihaani, ak ghoahaaghwa noagaaschi aba jeeda boostaanajeega, nea ghabwada geat deakghweeda.

SARMEEDA SULEMANI 6:2 Mawu Ofanana

SARMEEDA SULEMANI 2:16

Ng'wasaneedeanyu aabwariinyi deanyu gil, ak aniini ghaawaschi daanyi, niny ghoahaaghwa gisilgaaschi aba bugusta deakghweeda.

SARMEEDA SULEMANI 4:12

Boostaani sirat ng'wasaneedeanyu, ea huda eanyearayi, boostaani sirat gawuurji gheang'deenda siiroor.

SARMEEDA SULEMANI 4:16

Ng'eada ea jeameeda wiilooda ng'eanyiida ghayeawa, ak gihidu ea jeameeda wiilooda ng'eanyiida biyeara, ghuuni aba badayda boostaaneedeanyu, ak gwardu shearooda ng'andit bea boostaaneeda. Ak gawa ng'wasaneedeanyu aabwariinyi jeeda boostaaneadaanyi, ak ghwaak haghweagaaschi miyaas.

SARMEEDA SULEMANI 4:5

Gidingaagu asiyeenya gawuurji dayi iyeenya was saleahooga bea mayeanda; ahaaghwa aba bugusta deakghweeda.

SARMEEDA SULEMANI 5:1

Geawi jeeda boostaaneedeanyu, ng'wasaneedeanyu, ea huda eanyearayi, geaptu geedigeasu ng'andidi, ghaayaaji bearga maleedeanyu ea maleedeanyu, ghaaleayi difaayeedeanyu ea eanoogeasu. Ayeagiischeena, ea fugeasu eaduupcheewi, ak gooleeshi aleaha muuchi fugeasu aabwariinyi.

SARMEEDA SULEMANI 5:13

Madeang'akaaschi gawuurji deakghweeda geeta siguura rihaani, uurji boostaaneeda nyiit shearooda ng'andit. Nyawuutkaaschi gawuurji deakghweeda, abitpina ghuuta dayeega geediga ng'andidi.

SARMEEDA SULEMANI 6:11

Ak geawi dararang'eesa boostaaneeda gooseamng'eanda, dawa dadaa geediga fudu aba jeeda moangoachi, ak geawi dadaa sabiibu ea niftu, ea goomamaanga ea niiruudu deakghweeda.

ISAYA 40:11

Ak gayghoahaaghwa hawandaanyi gawuurji haghweadoocheanda, ak gayghabwat geat dayeega gisilga aba geatingaaschi, ak ghwasar aba daghataanyi, nea gea mideawa dayeega reer gayghoawaas nea goojiileesa.

ISAYA 57:1

Siida doabiiwaat iimea, ea manda siida duupa gil, ama inyeesa ghami siida miy seara, ea manda siida ateemshi nea gwayi. Siisi miyiin sigeanda ea mayghwanyas habitkweeda.

ISAYA 58:11

Ak gayghoadoabiiwnyi NG'UTAMIIDA galeagasean, ak gaygoolang'u saseadaang'u aba heeda manda beega, nea goomajeek geakaagu; ak gajuurjeewana boostaaneeda siyiin beega, ak gawuurji gheang'deenda mayghoashoay beega.

ISAYA 61:11

Aba gidarukuteayda ng'eanyiida seengaaschi, ea gidarukuteayda madamnyeanda haleanjeeda sihisa jeeda, ea gichea gooruuteayda NG'UTAMIIDA was ASEETA, doobiiwnata ea giigheambiita aba madeeda eemoojiga sean.

ESEKIELI 34:23

Ak saawa gaydanyaksa jeagiischoocheanjagi Dawdi was siideanyu bea gadiyeeda dea jea ghoahaaghwa saawa gil. Gayghoahaaghwa saawa ak gayghoah jeagiischoocheanda nyaawa.

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

Mattayo 18:20

Aba gideaba heeda wassean roonyeesa fih iyeenya ghana samwagu aba gheawungeasu, abeeda eara aniini gaydanda jeenyaawa.”

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Yohaana 14:3

Nea iyeawi ak geasinneegwa hoorgeedeang'wa, gaydabiigu gicha ak ghaayaacheegwa heedeandi, abeeda heedeandi aniini eara agooga gajandana.

Yohaana 17:24

Bwaabwa, suh ghayi igoonyeaniin geagasayi dandeawa galeagasean aba hiji eandi sean, ak abeeda ghwadaah giigheambiiteanyu ghayi igoonyean, aba bariinyeagaagu nea miyeebwat sindeeta ng'eanyiida.

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”