SARMEEDA SULEMANI 2:3 - Bibliyeeda Ghaydit

³ Gawuurji geeta rabeakgha aba bugusta dareabeeta, Gwasunu ng'wasaneedeanyu aabwariinyi aba bugusta gheareemanga. Ghaabwariinyi deapteada aba jirooneadaanyi, nea haghweagaaschi ea innya iyeasamu.

SARMEEDA SULEMANI 2:3 Mawu Ofanana

NYIIGHEEGA 45:2

Ang'iing'i guwoosi miy ea ng'ala buuneesean; orjooga buuneeda; miyeenooda siitalealsa ghuutaang'u; asi nibadiischooweey ASEETA damanda manda muudeanooda

NYIIGHEEGA 45:3

Iina ng'utaang'u gheataang'u, ang'iing'eeda uwoosi hoauur, giigheambiita daang'u gil ea uurda!

NYIIGHEEGA 57:1

Ea ASEETA, bwaydanaan, bwaydanaan aniini, aba gideaba gurooroodeanyu nifachseey ang'iing'i; gaydafachsa jirooneeda meang'eagaagu, bwak ea ghang'ata habitkwajeesu.

NYIIGHEEGA 89:6

Ak gajea ng'eaha aba humng'eeda jea eegala geat sea NG'UTAMIIDA? Ak ea aneeda gil dea uurjeeweey aba haleanjeeda mida humng'eeda mideawa eaweega uurji ea NG'UTAMIIDA.

NYIIGHEEGA 91:1

Dea abiita heeda funyaat bea dea Haw bea humng'eeda, abiita jirooneeda ASEETA hoauur,

SARMEEDA SULEMANI 1:16

Ng'ula, guwoosi miy, ng'wasaneedeanyu aabwariinyi; aba huumwa ghabwariinyeey, bulaliideanya badayda nyeega nyawiiri.

SARMEEDA SULEMANI 2:5

Nung' dalang'u aba sabiibu, nea ginung' dahoosan aba geeta siguura mapeera, aba gideaba naahiili aba bariinyeega.

SARMEEDA SULEMANI 4:13

Gifirfirdi boostaaneeda goomamaanga, mida jeeda haghweega miyaasiin garbabooda ea nardo,

SARMEEDA SULEMANI 4:16

Ng'eada ea jeameeda wiilooda ng'eanyiida ghayeawa, ak gihidu ea jeameeda wiilooda ng'eanyiida biyeara, ghuuni aba badayda boostaaneedeanyu, ak gwardu shearooda ng'andit bea boostaaneeda. Ak gawa ng'wasaneedeanyu aabwariinyi jeeda boostaaneadaanyi, ak ghwaak haghweagaaschi miyaas.

SARMEEDA SULEMANI 5:16

Ghuutaanyi ghwanyiit ng'asheega miyaas, aba huumwa aamiy muuchi. Nih ng'wasaneedeanyu aabwariinyi, ak nih ea ng'wasaneedeanyu eaduupcheewi, Ea haweega Israeli.

SARMEEDA SULEMANI 7:13

Gahawu shearooda sakghwiilo aba ghuusiga gealgaasa, nea gaba haghweega miyaasiin sean gea woosi ea gea eeshish, gaguuy mbeeyoosean, ak geadiiwji aba badaydaang'u ea ng'wasaneedeanyu aabwariinyi.

SARMEEDA SULEMANI 8:11

Sulemani abeeda gwandeawa madamnyeanda sabiibu aba Baal-hamoni, ak ghoadaw madamnyeanda furiischoodiga jea gooragan, ak gaygaba nih adayda lapiyaji sagalam aba badayda haghweega.

SARMEEDA SULEMANI 8:12

Madamnyeandeanyu bea sabiibu, was deanyu gwanda madeedeanyu; asi ang'iing'i ea Sulemani beaha sagalamnyoojigaagu, ak furiischoodiga fur haghweegean, gajeataw bughalaji iyeenya.

SARMEEDA SULEMANI 8:5

Siisi siyeeng'na dareapcheedean ng'eaha gil, ghaghus siidaanyi bwariiyi? Ghaaheacheeyi aba guumda geeta siguura mapeera, aba hooweani nyasa geamaduun lajooda jeata, ak gwajiilnyi.

ISAYA 25:4

Aba gideaba ang'iing'i guwoosi heeda mang'awiisa fuga barbari, heeda mang'awiisa fuga mandeawana gil damanda sawanadeadaanyi, heechea eemng'awsa iihidu shaarara, jirooneeda damanda mideewa daknooda; damanda ayuuk jeameeda fuga munyas searooji nea gawuurji shaarareeda las ghamarda,

ISAYA 32:2

Gaygaba siisi uurji heechea eefuysa geat aba jeameeda, ak gawuurji heechea eefunya geat aba roopta jeameeda, ak gawuurji eeniga mida beega mida ng'eanyiida ghajaam, ak gawuurji jirooneeda lagheaneeda haw mida jeeda dareapcheeda.

ISAYA 4:2

Abeeda eaweedida gayghwanung' NG'UTAMIIDA ghaftu geediga miyaasiin nea ghaambiidaat. Ak haghweega geediga ng'eanyiida gajea miyaasiin muuchi, nea gaba leanga aba fugiga bea Israeli ghuhiin.

ISAYA 4:6

Nea giigheambiitaanyi aba heedeanyu gaygawuurji jirooneeda sidukuta aba maheemajeanda askweari, ak ghoah heeda jea eediinya damanda mideewa shaarara ea roopta.

ESEKIELI 47:12

Ak iheenga mareecheeka meadajeega sean bea eenda, gwarina heeluutka sean bea geediga siyeaga. Nea seengaaschi ea mayghwajaam, nea eara haghweagaaschi ea maygoosha earahay giliwas sheeda gaygwajiila haghweega. Aba gideaba beagaaschi gwarina heeda ghaydit ak haghweagaaschi gajeayaak, nea seengaaschi gayghoah meajooda.”

YOELI 1:12

Sabiibu nisis, nea shaboogheecheanda ea nighawasa. Gulageecheanda ea miileanda ea rabeakgha, ea geediga sean mida madameega nisis; aba gideaba niisha bariinyeega aba jeeda buuneeda.

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

FUGA LAJA GIRGWEAGUUTKA 9:15

Gwayeesha geeta halaghweenga geediga sean, ‘Agooga ghoamwaaranaan nagheeda doaw sugoocheandeang'wa bea huumwa, asi apkaani oopiidana jirooneedeanyu; ama masnu gagasa gwarina beasta jeeda geeta halaghweenga ak ghwaak diigheetka Lebanoni.’