SARMEEDA SULEMANI 1:7 - Bibliyeeda Ghaydit

⁷ Goonean iita, ang'iing'eeda aabwariinyi aba gurooroodeanyu, noagaagu gajahaaghwana yeenu askweari gaygwalla yeenu. Ghwasaan anda geawuurjeewi siida neay mwadaagha aba murdeeda nooga fugaagu iduupcheewi.

SARMEEDA SULEMANI 1:7 Mawu Ofanana

ISAYA 13:20

Nea manda siida jea goobiida jeedida ea gagul jeacheenga sean; nea Arabajeanda ea mayghamiinda maheemajeandaanyi aba hoowa, nea eara jeagiischoodiga maygooluula hoowa nooga nyaawa.

NYIIGHEEGA 28:1

Ea NG'UTAMIIDA, geaguurneey ang'iing'i, guwoosi gwaleedeanyu majeek, aba heedeanyu adiwuurjeewi siida miy, ghana iisiindeaysean ang'iing'i, gaydawuurji fuga weay jeeda shoomanda;

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”

1 Yohaana 2:19

Nea saawa ghabeawa heedeanya, ak ea maba meatkweedeanya; aba gideaba inyeeda gaba meatkweedeanya, gwachi gaygoobiida heedeanya; hean ghang'eatng'eat gwarita jarooda, ak ghwadaajiit gideaba maba sean meatkweedeanya.

1 Betro 2:7

Asi agoogeeda mideawa masaweega, gaba sheayeeda haw, nea aba heeda fuga mamwasaan, “Lagheaneeda fool fuga deekshi ea niiw lagheaneeda haw washiini,”

1 Betro 1:8

Earapeadi mii adaaha ninyiin ghoabwariinyi; ak earapeadi ghamneawa mii adaaha ninyiin noamwaschi niny ak goohoosanyi aba ng'weelooda ea giigheambiita mwoamu eergu.

Yohaana 21:17

Gabiikta ghoanyaash deaba samwagu, “Simon, orjeeda Yohana, Gibwariinyaani?” Gagiisan Betaro aba gideaba geanyaash deaba samwagu gideaba Gibwariinyaani?” Gwayeesha niny, “Ea, Ng'utamiida; ang'iing'i ginali haleanjeeda sean, ang'iing'i ginali gideaba aniini ghaabwariinyeey.” Gwayeesha Yesu, “Ahaaghwana gisilgeasu.”

Yohaana 10:11

Aniini geawooschi haghweadoocheanda miy. Haghweadoocheanda miy iissa ghoaghaashta eaweagaaschi aba badayda gisilga.

Mattayo 10:37

Siida bwariiy ghwaan ea ghaamwat ea ghwalaabwanaan hoowa siisi mamiisean; siida bwariiy orjeeda ghana huda ea ghwalaabwanaan hoowa, siisi mamiisean;

MIKA 5:4

Ak gayghamiinaada ghoahaaghwa hawandaanyi aba uurda NG'UTAMIIDA, aba jeeda sugoocheanduumeeda gheawunga NG'UTAMIIDA was ASEATAANYI. Ak saawa gaygoobiitpiit aba gideaba ghamneawa gayghwanyas hawunda, ea ghoah muudeanooda ng'eanyiida.

YEREMIYA 33:12

“Gwayi NG'UTAMIIDA bea lugweega, aba hiji was raghoonyeandean, manda siida ghana diyeaydean ea mujiinajeagaaschi sean, gaygwanda heeda jea goobiida jeagiischoodiga nea gooluul gisilga nyaawa.

ISAYA 40:11

Ak gayghoahaaghwa hawandaanyi gawuurji haghweadoocheanda, ak gayghabwat geat dayeega gisilga aba geatingaaschi, ak ghwasar aba daghataanyi, nea gea mideawa dayeega reer gayghoawaas nea goojiileesa.

ISAYA 26:9

Gagaseey gurooroodeanyu eawa, ak geagaseey aba gurooroodeanyu. Inyeessa giirgweaksi ng'eanyiida, abeeda gayghwanal fuga sean bea ng'eanyiida doobiiwnata.

ISAYA 5:1

Nung'waada deadu sarmeeda siideanyu aabwariinyi sarmeeda siideanyu aabwariinyi bea madamnyeandaanyi bea sabiibu: siideanyu aabwariinyi gwandeawa madamnyeanda sabiibu mida uhuuda heayeeda mida sigeeda miyaas.

SARMEEDA SULEMANI 8:13

Ea ang'iing'eeda iibiiti jeeda boostaaniin, buweadeegeasu niyiiy ghuutaang'u ea aniini naayiinyi.

SARMEEDA SULEMANI 6:3

Ng'wasaneedeanyu aabwariinyi deanyu gil, ghoahaaghwa noagaaschi aba bugusta deakghweeda.

SARMEEDA SULEMANI 5:16

Ghuutaanyi ghwanyiit ng'asheega miyaas, aba huumwa aamiy muuchi. Nih ng'wasaneedeanyu aabwariinyi, ak nih ea ng'wasaneedeanyu eaduupcheewi, Ea haweega Israeli.

SARMEEDA SULEMANI 5:10

Ng'wasaneedeanyu aabwariinyi ea eesh ak gwandeawa uurda, nea geawal gheang'da aba jeeda fih sagalamnyooji damanamughuush.

SARMEEDA SULEMANI 5:8

Geamuscheegwa ea haweega Yerusalemu, iyoadaayi ng'wasaneedeanyu aabwariinyi, goorukusi niny gideaba ghaahiili aba bariinyeega.

SARMEEDA SULEMANI 2:16

Ng'wasaneedeanyu aabwariinyi deanyu gil, ak aniini ghaawaschi daanyi, niny ghoahaaghwa gisilgaaschi aba bugusta deakghweeda.

SARMEEDA SULEMANI 2:3

Gawuurji geeta rabeakgha aba bugusta dareabeeta, Gwasunu ng'wasaneedeanyu aabwariinyi aba bugusta gheareemanga. Ghaabwariinyi deapteada aba jirooneadaanyi, nea haghweagaaschi ea innya iyeasamu.

NYIIGHEEGA 116:1

Ghaabwariinyi NG'UTAMIIDA, aba gideaba niyiiy ghuuteanyu ea mooshteanyu bea ghawooda.

NYIIGHEEGA 80:1

Aleaydiit, ea Jeagiischoocheanda Israeli, ang'iing'eeda adoabiiwda Yosefu gisilga! Ang'iing'i giibiiti uhuuda geeruubajeanda

NYIIGHEEGA 18:1

Ea NG'UTAMIIDA, aniini ghaabwariinyeey ang'iing'i guwoosi uurdeanyu.

GIING'EETA 37:16

Ghwalamda ak gwayeesha, “Geagaseadayyi orjoogiyya, geamuscheey rukunean heeda ahaak nooga.”

SARMEEDA SULEMANI 6:2

Ng'wasaneedeanyu aabwariinyi nirarang'aada gawa jeeda boostaaneadaanyi, hoowa mida deakghweeda geeta siguura rihaani, ak ghoahaaghwa noagaaschi aba jeeda boostaanajeega, nea ghabwada geat deakghweeda.

RUTI 2:21

Hean gwayeesha Rutiheeda was gatmooda eemeeda Moabu, “Ng'ula gwayeeshiinean, ‘Gaymideawana soomjoogeasu, bwak ea ghoahiit lajita boogeasu.’”