SAKARIYA 9:8 - Bibliyeeda Ghaydit

⁸ Nea aniini gaydamiinda maheemajeegeasu aba meadajeega sean bea gheenyu, aba gideaba gaydang'uchi weajoodiga, ak ea mwang'ata eara siyagi, ghana gabiikta ghana siida ghabwas niirja maygwasik bugusta nyaawa aba gideaba naadaayi aniini aba gheanyangeasu.

SAKARIYA 9:8 Mawu Ofanana

2 SAMWELI 16:12

Abeeda gwadeepa ghwadaah NG'UTAMIIDA sawanadeedeanyu, ak abeeda gawalu NG'UTAMIIDA gea miyaasiin aba mooshteawi iteanyuun askweareani.”

2 SUGOODIGA 19:34

Aba gideaba gaydafur mujiineani ak ghaaghuuji aba badaydeanyu aniini. Ea aba badayda Dawdi was siideanyu bea gadiyeeda.’”

2 SUGOODIGA 23:29

Damanda waseewa Yosiya sugoocheanda, hean ghwascheang'da Farao-neko, was sugoocheanda Misri gang'uchi sea sugoocheanda Ashuru. Hean hita eenda Furati, gawa Yosiya gwaroonyi sea niny, hean ghabwar Farao-neko niny aba Megido damanda daaha niny.

2 SUGOODIGA 24:1

Damanda waseewa Yehoyakimu sugoocheanda, hean ghwascheang'da Nebukadinesa was sugoocheanda Babeli gawa Yuda. Ak ghoah Yehoyakimu siidaanyi bea gadiyeeda gweanyeew samwagu iidu ghwayam geaw ak ghwanung'wa heeda.

NYIIGHEEGA 34:7

Malaykajeanda NG'UTAMIIDA iissa goobiida heedeaba fugiga awali gheang'daanyiin ak gwalealu saawa.

NYIIGHEEGA 72:4

Sugoocheanda gagasa ghaweat fuga ng'arng'ari mida jeeda buuneeda, ak ghaweat diibiga fuga barbari ak ghwalas uhuuda fuga munyas.

RITEAYDA 3:7

Ghwalamda NG'UTAMIIDA ak gwayeesha, “Naadaayi sawanadeeda fugeasu mida Misri, ak ea naayiinyi shooka nyaawa, sissa fuga nyaawa hees, ak ghaanali sawanadeeda nyaawa,

RITEAYDA 3:9

Asi ghamneawa ng'ula, shooka fuga Israeli nihidu heedeanyu, ak ea naadaayi sawanadeeda nyaawa sawan fuga Misri.

GHWASIILDEANGA 3:25

Adibeali iisishamnyi, ghana iihidu ng'asheega munyas bea fuga munyas.

ISAYA 26:1

Eaweedida sarmeani gajeesarman aba ng'eanyiida Yuda; “Aseasa geendeawi mujiineeda majeek; ASEETA gaygooneaweeseasa lealeanooda gawuurji ghamarda.

ISAYA 31:5

Gawuurji gidang'eetiideayda dariidaka, NG'UTAMIIDA bea lugweega gaygafur Yerusalemu, gaygafur ak ghoaghu gayghwalas uhuuda ak ghoaghu.

ISAYA 4:5

Nea aba heeda was giibinda sean bea giijeeda Sayuni, ea badayda fugaaschi bwatgeat, gaygwasin NG'UTAMIIDA shamooghooda ea aroosta damandeaba askweari, ea ng'ushapkeaka beasta damandeaba eawa; aba gideaba badayda giigheambiitaanyi sean gajeedukuta ak ghoahaaghwa.

ISAYA 52:1

Ng'eada, ng'eada, nyasa uurda, Ea Sayuni, akweala hang'weakaagu miyaas, Ea Yerusalemu, mujiineeda ghaydit; aba gideaba ghang'eada ghamneawa maygawa jeeni siida meeyiila ghana siida mideawa ririnnyeanda.

ISAYA 52:12

Aba gideaba majarita nea ghoalamwajaadi, nea majaweayeena nea goosaldi, aba gideaba gaygoosheedeawaneegwa NG'UTAMIIDA, nea gwaduubu geeshteang'wa ASEETA Israeli gafureegwa.

ISAYA 54:14

Ak gaymajeegiida aba doobiiwnata; nea gajeasheagi ghabasta aba headaang'u, aba gideaba maybeala, giyoonda gajea sheagi ak ea maygwaneekiiseey.

ISAYA 60:18

Ak jaliida ea mwaygudiinya aba jeeda ng'eanyiidaang'u, ghana ng'asheega dataseadi aba moonghoadaang'u; ak gaygureewana ghamardaang'u lealeanooda, nea dooshingaagu giguuri giigheambiita.

YEREMIYA 31:12

Ak gayghapka ak gwasarman aba ghuuta haw aba uhuuda giijeeda Sayuni, nea geesalsa alooheeda NG'UTAMIIDA, ak booga, ea difaayi, ea nagheeda, ea dayeega manang'i bea gisilga, ea muhooga, ea gurooruunatka nyaawa gaygawuurji boostaaneeda siyiin beega ak ea maygut ghang'ut gurmeahiida.

YEREMIYA 46:13

Nih ng'asheanda rukusa NG'UTAMIIDA Yeremiya gil was sibaneeda was iita gichea ghwaanda Nebukadreesa was sugoocheanda Babeli ak ghabwar ng'eanyiida Misri:

YEREMIYA 46:2

Aba iita ng'eanyiida Misri. Iita lugooda Farao siguura Neko, was sugoocheanda Misri, neekeewa ghuuta eenda Furati mida Garkemishi ghayi joar Nebukadreesa was sugoocheanda Babeli aba gweaydeaba ang'wan bea Yehoyakimu was orjeeda Yosiya, was sugoocheanda Yuda:

ESEKIELI 39:29

Nea maygut afunya geaw saawa, aba gideaba naadawji gurooroodeanyu fuga Israeli, gwarugu NG'UTAMIIDA was ASEETA.”

AMOSI 9:15

Ak gaydadiyeesa ng'eanyiida nyaawa, ak ea maygudu eang'aamwa ng'eanyiida aadawji saawa,” gwarugu NG'UTAMIIDA was ASEETEANG'WA.

SAKARIYA 12:4

Eaweedida, gwayi NG'UTAMIIDA, gaydang'uda muuwda gilinyoo ea faraasi gil, nea ghaanung' gang'ul geeska siida mwanmwan. Nea aba badayda gheeh Yuda gaydajaat gheanyangeasu, ak gaydanung' gang'oowiidi gilinyoo ea faraasi gil bea buuneeda.

SAKARIYA 12:8

Ak eaweedida gayghwayiin NG'UTAMIIDA igeambooda iheenga fuga mida Yerusalemu. Nea dea ng'arng'ari aba bugusta nyaawa, gaygawuurji Dawdi eaweecheanji, nea gheeh Dawdi eaweecheanji gaygawuurji ASEETA. Nea gawuurji malaykajeanda NG'UTAMIIDA aba madeanyaawa. Abeeda eaweecheanji gaydanung' goosha eemoojiga sean, jea ghapka gang'uchi sea fuga Yerusalemu.

SAKARIYA 14:11

Ak gaygoobiida buuneeda jeeda, nea maygudugwanda habeawooda, ak Yerusalemu gaygoobiida nea gaba hoyyoo.

SAKARIYA 9:7

Ak gaydageandeawa ghuutaanyi foojeanda, ea hamichoojiga siheawaan gaydageandeawa dageascheeda geeshatkaaschi; niny gayghoah boostaaneeda aba heeda ASEETEANYA; ak niny gaygawuurji dooshta aba jeeda fuga Yuda, nea Ekroni gawuurji fuga Yebusi.

Gadiyeeda Giijasoodiga 7:34

Aba huumwa naadaayi ng'asheega munyas sisima fugeasu aba ng'eanyiida Misri ak ea naayiinyi shooka nyaawa, ak ghaawunyi dalealu. Asi ghamneawa beeni gaydeajeaktaneey Misri.’

Giidaheechta 20:9

Hean ghwascheang'da gaweay badayda ng'eanyiida ak geeneaweesa gealga fuga ghaydidi ea mujiineedida sibwariiyiin; hean ghwararang'aan beasta leabu humng'eeda ak ghwaak saawa,