SAKARIYA 9:4 - Bibliyeeda Ghaydit

⁴ Asi ng'ula Ng'utamiida gaygageanda meanang'oocheanduumeadaanyi, ea gwajaksa uurda nyaawa mideawa jeeda basooda, nea niny gayghwaak beasta.

SAKARIYA 9:4 Mawu Ofanana

GHWASIILDEANGA 10:2

Baruureega sinyasa naweeda muy mwahida, nea doobiiwnata gaygwalealna siida jeeda miyeeda.

GHWASIILDEANGA 11:4

Meanang'oocheanduumeeda mayghwaloat gil eaweeda nyarasta, nea doobiiwnata gayghoaghuuha siida miyeeda.

ISAYA 23:11

Ng'utamiida ghamiinda geatindaanyi googeal badayda basooda, ak ghabwaay darooraka; ak ea niidayda NG'UTAMIIDA bea diigheanda gideaba eegul uhuuda hoorgeeda Ganaani.

ESEKIELI 26:17

Ak gajeenyahuusheeweey, nea geeyeeshiineey, ‘Iijea gwayi bwak ea munyinda ang'iing'eeda indeawi fuga jeeda beega, mujiineeda mideawa gharbeeda, mideawa uurda aba jeeda basooda, mujiineani ea fuga mida jeeda ghayi nung' ghang'ut muuwda fuga sean mida jeeda.

ESEKIELI 28:16

Aba seang'ayda giigeakshoadaang'u, buuneeda ghwanyiit jeadaang'u ng'asheega munyas, ak ea nisini riing'eeda aba badaydeaba ng'asheanji gaydajaktaneey aba uhuuda giijeeda ASEETA aba uurda, gawuurji gida mideawa ririnnyeanda, ak ea naalaschi uhuudaang'u, ea geeruubajeanda dea sidukuta, riteawana jeedeaba lagheang'su bea beastean?

ESEKIELI 28:18

Aba seang'ayda ng'asheagaagu munyas, aba jeeda ng'asheega munyas bea giigeakshoadaang'u, ning'udi ririnnyeanda headaang'u ghaydit. Asi naanung' gwarina beasta jeadaang'u ak gwaduulneey ak ea naanung' huwa deareeda aba badayda ng'eanyiida, aba madeeda fuga sean ng'uleey.

ESEKIELI 28:2

Ea orjeeda siida, eeshiina siida haw bea Diro, gwayi NG'UTAMIIDA was ASEETA, “Aba gideaba gurooroadaang'u ning'ut ghwarjeeda, ak ea niyeeni, ‘Aniini geawooschi aseeta, ak ea neapteadawi hoorgeeda aseecheeka aba jeeda basooda,’ ak guwoosi siida nea mii ASEETA, earapeadi nihindi gurooroadaang'u guroorooda ASEETA.

ESEKIELI 28:8

Ak gajeapuutaneey jeeda shoomanda, ak gaymeawa miyeeda uurji gea ghayi sibarsa jeeda basooda.

YOELI 3:8

Ak aniini gaydashaayda orjoogeagwa ea haweegeagwa, ak ghaayiinyi geatinga fuga Yuda, ak gayghwashaayda aba heeda fuga Sheba, was eemeeda sheagi muuchi; aba gideaba nih ng'asheanda rugu Ng'utamiida.”

AMOSI 1:10

Hean gaydeajeakta beasta gawa badayda ghamarda Diro, ak ghwaak gealgaaschi.”

SAKARIYA 9:5

Fuga mujiineeda Ashkeloni gayghabwaspwas nea ghang'ut muuwda; eara fuga mujiineeda Gaasa gaygwahirbaban muuchi, eara fuga Ekroni, aba gideaba gidida rarsean niroat, ak sugoocheanda gajealas uhuuda ghang'eada Gaasa, ak Ashkeloni gajea mutgwandeawa buuneeda.