SAKARIYA 8:16 - Bibliyeeda Ghaydit

¹⁶ Suh gichea asina gil, daba siisi abaloola nuut ng'asheega huumwa, asina girgweageeda huumwa, was girgweageeda mideawa hoyyoo aba ghuusiga dooshingeagwa.

SAKARIYA 8:16 Mawu Ofanana

NYIIGHEEGA 15:2

Ada siida badiina naweeda doabiiwaadi, ak gwasin gitoabiiwi, ruku ng'asheega huumwa aba gurooroadaanyi;

NYIIGHEEGA 34:15

Gheanyanga NG'UTAMIIDA gagal fuga doobiiweadi, nea iidigaaschi gagal shooka nyaawa.

GHWASIILDEANGA 12:17

Siida ruku huumeanda gaygamuuwu huumeanda, nea dea muuwu ng'uyeega, gaygwargu ng'uyeega.

GHWASIILDEANGA 12:19

Huumeanda gaygoobiida damanda manda muudeanooda, nea ng'uyeega gaba gheadi nuwaas.

ISAYA 9:7

Uurda sugoocheanduumeadaanyi gaygawa mwadi nea gwaheedu nea sugoocheanduumeadaanyi gaygaba hoyyoo galeagasean. Aba hoorgeeda Dawdi, nea sugoocheanduumeadaanyi gaygoomajeek nea gawa mwadi aba girgweaksiinda ea doobiiwnata ghang'eada ghamneawa ea ghoah damanda manda muudeanooda. Suh seaniin gaygwashiisa ghaang' NG'UTAMIIDA lugweega.

YEREMIYA 22:3

Gwayi NG'UTAMIIDA: Asina huumeanda ea doobiiwnata ak goolealu aba geatinda siida ghabwas fih. Adiidu goosisi gea munyas nea ghoaluuji rabascheanda, ghana bananeeda ghana masinung'weanda, nea adiidu ghoahiidi foojeanda manda giidiinyeanda aba hiji.

ESEKIELI 18:8

Nea mii ghwanung' ghoalaach siida lapiya aba gideaba ghwanyagaada. Ak ea mii ghoang'waay haleanjeeda sean naawda, nea ghwasaja geatindaanyi gidamuy nea gwasin girgweageeda doabiiwaat aba heeda buuneeda.

ESEKIELI 45:9

“Gwayi NG'UTAMIIDA was ASEETA. Agooga biissa nideay, ea fuga hees bea Israeli anung'waada ghabasta buuneeda ea giireeta haleanjeeda. Asina girgweageeda doabiiwaat anung'waada hoanda fugeasu aba jeeda ng'eanyiida, gwarugu NG'UTAMIIDA was ASEETA.

NG'ASHEEGA LAWI 19:11

“Adiidu goojagwadiischi, ghana reengana siida, ghana anapiisiina geat ng'uyeega.

AMOSI 5:15

Asta gea munyas, ak ghoabwariinyi gea miyaas, ak goosikteawi doobiiwnata aba dooshta; eara NG'UTAMIIDA, was ASEETA bea lugooda, gayghabwaydaneegwa aba gheaptanga Yosefu.

AMOSI 5:24

Ak ginung'waadi doobiiwnata ghwararang'aanda beega, nea gawuurji alooheeda gheang'deenda mwaghajamiida.

MIKA 6:12

Aba gideaba meanang'oodigaagu gooreedi fih haleanjeeda; nea fugaagu bea ng'eanyiida gabaloola ng'uyyeega, nea ng'ushapta nyaawa gaba reengaweega aba ghuusiga nyaawa.

MIKA 6:8

Ea orjeeda siida, niny ghoahiimneey gea miyaas; ak NG'UTAMIIDA gagasa naaha aba headaang'u gagasa gideaba gaysina gitoabiiw, ak gibwariinyi baydeayda, ak guwi nea giyaadi geaw ng'eanyi aba heeda ASEATAANG'U?

SEFANIYA 3:13

nih giika sinung'usa Israeliin; ea maygwasin ng'asheega munyas nea maygwanaba ng'uyeega, ak ea majeanyasa ghuusiga nyaawa ng'ushapta ng'uyeega. Aba gideaba gajeeyeagiischi ak geeweay eelil, ak ea manda siida jea ghang'uda saawa muuwda.”

SAKARIYA 7:9

“Gwayi NG'UTAMIIDA bea lugweega, Asina girgweageeda huumwa, ak ea daba siisi samsa nea ghabwayda orjeeda ghaamwat;

SAKARIYA 8:19

“Gwayi NG'UTAMIIDA bea lugweega: Giiluuldeaydeaba geat bea sheedeaba ang'wan ea sheedeaba muut, ea sheedeaba ispwa, ea sheedeaba damanamughuush, gayghoah hooseaneega ea ng'weelooda, nea ghoah ghweelmeeda haw aba fuga gheeh Yuda, asi abwariinya doobiiwnata ea hoyyoo.

SAKARIYA 8:3

Gwayi NG'UTAMIIDA gaydabiikta Sayuni, ak gaydeabiida bugusta Yerusalemu, nea Yerusalemu gajeeguura mujiineeda huumeanda, nea giijeeda NG'UTAMIIDA bea lugweega geeguura giijeeda ghaydit.

Mattayo 5:9

“Ghang'wana fuga aduuptooschi suurja, aba gideaba fiisu gajeeguura diibiga ASEETA.

Efeeso 4:17

Asi gearukuneegwa ng'asheanji, aba badayda Ng'utamiida, gideaba adoapiideati gidabiideata fuga Eemoojiga, saawa gooteemsheesa ng'asheega mwadaagha mwahida;

Efeeso 4:25

Asi anung'waada ng'uyeega, daba siisi abaloola giischeewoocheandaanyi huumeanda, aba gideaba aseasa geewooschi fuga weechi.

1 Desaloniikke 4:6

ak ea manda siida adiiy, ghana goodiiysa orjeeda ghaamwat aba ng'asheanji, aba gideaba Ng'utamiida dea jea ghawalda mureandoodeaba haleanjeeni seaniini, gawuurji gissibean eamiinda gheang'deang'wa aba mureeda.

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”