SAKARIYA 7:9 - Bibliyeeda Ghaydit

⁹ “Gwayi NG'UTAMIIDA bea lugweega, Asina girgweageeda huumwa, ak ea daba siisi samsa nea ghabwayda orjeeda ghaamwat;

SAKARIYA 7:9 Mawu Ofanana

2 SAMWELI 9:7

Hean gwayeesha Dawdi niny, “Adibeali, aba gideaba gaydaahiimneey inyeanda jeeda aba badayda gweanu was Yonatan, ak gaydeadeelneey ng'eanyiisean ghayi bea Sawliheeda was gweanu; ak gajagiisacheena aba measeedeanyu galeaga sean.”

AYUBU 31:20

Gaydaadaw niny hang'weaka sisina buudeega gisilga leabu jeeda hawanda gisilgeasu, abeeda gayghoaghaambiidan aba gurooroadaanyi sean;

AYUBU 6:14

“Mii gideaba meandeawani weeta gil aba jeedeanyu, aba gideaba nyageadayda sigeandeawanean.

GHWASIILDEANGA 21:3

Sinooda ng'asheega miyaasiin doobiiweadi gayghwanung' gahoosan NG'UTAMIIDA ea ghang'al lukghumajeega.

YEREMIYA 21:12

Gwayi NG'UTAMIIDA, Ea gheeh Dawdi “‘Asina ng'asheega doobiiweadi gidang'eada sakteayda, Ak goolealni geatinga siida ghabwas fuga goola eang'waay, Adiidu ghwayeata nyarasteanyu beasta, Ak ghwayeat nea maygudu gwanda siichea gwanuus. Aba sinaweegeagwa munyas.’”

YEREMIYA 22:3

Gwayi NG'UTAMIIDA: Asina huumeanda ea doobiiwnata ak goolealu aba geatinda siida ghabwas fih. Adiidu goosisi gea munyas nea ghoaluuji rabascheanda, ghana bananeeda ghana masinung'weanda, nea adiidu ghoahiidi foojeanda manda giidiinyeanda aba hiji.

YEREMIYA 7:23

Nea diigheanda aadawji saawa ea nih, ‘Ooleeysiina iita ng'asheegeasu, ak abeeda gaydoaw ASEETEANG'WA, ak gajahuuwa agooga fugeasu; ak goobadiini jeeda naweadinga sean ghayi agoonyeegwa, ak abeeda gajanyasa giibinda.’

YEREMIYA 7:5

“Aba huumwa inyas gajayamwa naweadingeagwa ea sinaweegeagwa, nea goosiniisi geat doobiiwnata,

ESEKIELI 18:8

Nea mii ghwanung' ghoalaach siida lapiya aba gideaba ghwanyagaada. Ak ea mii ghoang'waay haleanjeeda sean naawda, nea ghwasaja geatindaanyi gidamuy nea gwasin girgweageeda doabiiwaat aba heeda buuneeda.

ESEKIELI 45:9

“Gwayi NG'UTAMIIDA was ASEETA. Agooga biissa nideay, ea fuga hees bea Israeli anung'waada ghabasta buuneeda ea giireeta haleanjeeda. Asina girgweageeda doabiiwaat anung'waada hoanda fugeasu aba jeeda ng'eanyiida, gwarugu NG'UTAMIIDA was ASEETA.

HOSEYA 12:7

Niny siida ageakshachi gil, mida geatingaaschi gidasiiteeniida bea ng'uyeega, nea inyeesa ghabwariiy gwasawan buuneeda.

NG'ASHEEGA LAWI 19:15

“Adiidu ghoalaji girgweageeda nea meatoabiiwi; ak ea adishiidi siida bwarbwar ghana awala gheang'da siida haw, gagasa laja girgweageeda gischeewoocheandaang'u nea giidoabiiwi.

AMOSI 5:24

Ak ginung'waadi doobiiwnata ghwararang'aanda beega, nea gawuurji alooheeda gheang'deenda mwaghajamiida.

MIKA 6:8

Ea orjeeda siida, niny ghoahiimneey gea miyaas; ak NG'UTAMIIDA gagasa naaha aba headaang'u gagasa gideaba gaysina gitoabiiw, ak gibwariinyi baydeayda, ak guwi nea giyaadi geaw ng'eanyi aba heeda ASEATAANG'U?

SAKARIYA 7:7

Heapi! Suh mii ng'asheega rugu NG'UTAMIIDA aba ghuuta sibangeaba garayi damanda ghayi abiideewa Yerusalemu buuneeda nea ghwanyagaada nea abeeda geeneaweesa mujiinajeagaaschi, nea abeeda ng'eanyiida Negebu ea Shefela goobiida buuneeda?”

SAKARIYA 7:8

Hean ghwahidu ng'asheanda NG'UTAMIIDA heeda Sakariya ak gwayi,

Mattayo 23:23

“Ashageada geat ng'oorshoodiga ea Farisaayajeega, amiitu geat! Iissa ghoanung' ghoadayda buuneeda gilagi aba jeeda damanamughuush aba mwayoah ea ruuruukta ea hamuumayga ea seenga ng'andit, nea ghoapuuchi ng'asheega durumani bea deaweeda was huumeanda ea inyeanda jeeda ea baydeayda ea masaweega. Suh ng'asheega ghwanyawa haguuw gideaba gajasina gil, nea moanung'waadani ng'asheega suurja.

Lukka 11:42

“Asi Farisaayajeega ashageada! Agooga aba gideaba ghoataydi aba jeeda gilatamanamughuush bea haleanjeedeang'wa iissa ghoataydi akaleala, aba seenga hamuumayga ea sooktayda ea seenga suuk bea nyeanyiida, nea ghoanung'waadi ng'asheega doobiiweadi ea bariinyeega ASEETA; ng'asheesu gamiiseegwa sinooda, nea maroosseegwa ng'asheega suurja.

Yohaana 7:24

Adoorgweakiisi buuneeda aba gidoadaakti, iissa goorgweaksi aba girgweageeda doabiiw.”

Yohaana 7:51

“Neada deaweedeedeanya iissa goorgweaksa siida nea mii ghanyi ghwayiiy ak ghwanal gissini?”

GIIPKEATA DIIGHEANDA 22:1

“Adidaahaadi ghwaroat heeyda orjeeda geamadu ghana gisilleandaanyi, ak ea muweadi saawa; aghuumda gabiikta heeda orjeeda geamadu.