SAKARIYA 7:2 - Bibliyeeda Ghaydit

² Abeeda fuga ng'eanyiida Beteli abeeda niijeakta Sharesa ea Regem-meleki ea fuga nyaawa, gideaba gamus alooheeda NG'UTAMIIDA.

SAKARIYA 7:2 Mawu Ofanana

1 SUGOODIGA 13:6

Gwayeesha sugoocheanda siida ASEETA, “Mwaasha NG'UTAMIIDA was ASEATAANG'U, ak gimusiischooweani, gabiikseani geatindeanyu.” Hean ghamwaash siida ASEETA NG'UTAMIIDA; ak gabiiksa heedida geatinda sugoocheanda, ak gawuurji gida ghayi bea mwadi.

ESRA 2:28

Fuga Beteli ea Ayi, ea bughalaji iyeenya ea diktam ea samwagu.

ESRA 6:10

ak gajeataw ASEETA humng'eeda haleanjeeda was lukghumeeda ng'andit, nea geamwaash ASEETA aba badayda eaweega sugoocheanda ea orjoagaaschi.

RITEAYDA 32:11

Hean gamearmearani Musa NG'UTAMIIDA was ASEATAANYI nea gwayeesha, “Ea NG'UTAMIIDA, ghwasaan anda nyarastaang'u ghwayeat aba badayda fugaagu, ghayi iiruuni ng'eanyiida Misri aba giimuustaang'u haw ea geatinda mideawa uurda?

ISAYA 60:7

Gayghabwat geat hawanda sean bea Gederi aba headaang'u, ak gaygadiyeata lagweendiga Nebayoti, ak gajadayda lukghumeeda simwas aba heeda wagiida Ng'utamiida, ak gayghoaghaambiit gheanyi ghaambiidaat.

YEREMIYA 26:19

Heapi iyoong'ulayi Hesekiya was sugoocheanda Yuda sea fuga sean bea Yuda gwanuus niny? Iyoong'ulayi niny ea moawala gheang'da NG'UTAMIIDA, nea gamus baydeayda NG'UTAMIIDA, ak hean ea maduukuuna NG'UTAMIIDA aba ng'asheega munyas ghayi rugu jea gwasima saawa? Ghamneawa geegasayi eapuuna habitkweeda bugusteanya.”

SAKARIYA 6:10

“Ang'waanya haleanjeeda fuga leabu giibaleakta was geaba Heldai ea Yedaya, ak guwi eaweecheanji gheeh Yosiya was orjeeda Sefaniya was gheeda ghayi weay damanda biikna Babeli.

SAKARIYA 8:21

ak gaygwayeesha fiispa mujiinajeanjagi gea mujiinajeega suurja, ‘Asi eeweaya heechea eeweaya nea gealamwaji eabwada NG'UTAMIIDA Hoauur nea geegasayi NG'UTAMIIDA bea lugweega ak eara aniini gaydawa.’

1 SAMWELI 13:12

geayi, ‘Asi ghamneawa gayghwahidu fuga Filisti gwararang'eesean aba Gilgali, nea mii dagasa dea duukusa geaw NG'UTAMIIDA’; ak ghaadaayi gideaba ghwahit giidaydeayda haleanjeeda ghadooweeda sighwarda.”