SAKARIYA 7:11 - Bibliyeeda Ghaydit

¹¹ Nea fiisu ghaheawa gooleeysiit ak goofuursa badahuuka nyaawa nea gwadukuta iidiga nyaawa ea mayiing'shi.

SAKARIYA 7:11 Mawu Ofanana

2 DAMANYOOJIGA 33:10

Ng'ata goobalool NG'UTAMIIDA Manase sea fugaaschi, hean ea mooleeysiina iita saawa.

NEHEMIYA 9:17

ak ghaheawa gwasissa mureeda, nea moapkaada ng'asheega deamdeameadi ghayi iisini aba bugusta nyaawa; ak ea mararsiina gil ghoahang'waay iheenga nyaawa nea ghwaloat ashoohooda uurji gili jea ghoaghuumda soomjeandumeeda Misri. Ak ang'iing'i guwoosi ASEETA hidaat aba samsiinda, ea dagheerjeanduumeeda ea samsiinda, nea mii wusis nyaras nea mayghwayamwa bariinyeagaaschi, ak ea miigwanung'usa heeda saawa.

NEHEMIYA 9:26

“Ak ea miigwasineey mureeda nea ghaheawaneey ak gwajaksa deaweedeadaang'u mureeda badahuuka nyaawa, nea ghabwar sibangaagu, ghayi rukwiisa saawa ng'asheega gabiigu saawa headaang'u, ak geesin ng'asheega hees munyas.

NEHEMIYA 9:29

Ak gireekusi saawa aba gideaba gabiiksa saawa deaweedeadaang'u. Hean ghwanaawa nea mooleeysiiniit diigheanyeakaagu, ak goodiiy aba badayda deaweedeadaang'u, nea siida jea ghoang'waay gaygoobiida, ak goodiing'da haluuleeka nyaawa nea ghoahang'waay iheenga nyaawa nea masisiina mureeda.

RITEAYDA 10:3

Hean gawa Musa ea Haruni gheeh Farao, ak gwayeesha, “Gwayi NG'UTAMIIDA was ASEETA fuga Ebraniya, ‘Gayheewacheena ea ghoah eeju, ak ea miyaadi geaw ng'eanyi aba madeedeanyu? Siksiina fugeasu gaweay gagadiyeesean.

ISAYA 28:12

Abeeda gwayeesha, “Nih heechea afuufana gil; anung' gafuuf dea nibur; nih heechea eefuufa gil”; ak ea manda dea aleeysiit.

ISAYA 46:12

“Ooleeysean iit agoogeeda hang'oonyi iheeni, agoogeeda oowooschi sheageewa lealeanooda:

ISAYA 6:10

Nung' gwadasheahiidi fughareengeaba fiisu, nea gidukuti iidiga nyaawa, ak gidukuti gheanyanga nyaawa, adaghwadaah aba gheanyanga nyaawa, ak ghwayiiy aba iidiga nyaawa, ak ghwanal aba jeesinga nyaawa, ak gwaduukuuna ak geahaap.”

ISAYA 65:12

Aniini gaydasajeagwa eabwareagwa aba ng'uta, gajeabwareagwa oogasean, aba gideaba iyeaguurneegwa ea moonyearri, iyeabalooli ea moayiinyi, aba gideaba goosinyi gea munyas aba madeedeanyu, ak ghoaloachi ng'asheega meagassi.”

YEREMIYA 11:10

Niyam geat gabiiksa ramaseanyeeka ghweaniga nyaawa, ghayi heawa gooleeysiit ng'asheegeasu; ak ghwaat geeshta aseecheeka suuk ak ghabwat; gheeh Israeli ea gheeh Yuda nidatas neajeedeanyu ghayi easinyi ea ghweaniga nyaawa.

YEREMIYA 13:10

Fiisu munyas, heawa gooleeysiit ng'asheegeasuun, ak ea niyam geat ak ghabeawa fughareenga nyaawa nea niyaat geeshta aseecheeka suuk ak gagadiiyeesa nea ghabwadiin, gajeanung' gawuurji hang'i bea mananda marachi giliin.

YEREMIYA 17:23

Ak hean ghweanigeagwa ea mooleeysiinean iit nea maduupa eara gil, hean ghoahaang'waay iheenga nyaawa ak ea mwayiinya girgweaguutkeasu.

YEREMIYA 17:27

Ama inyas ea mooleeysiinean iit, ak ea moakghaydiidi eaweeda sabaato, ama inyas ea moanung'waadani sareenda haleanjeeda ak goosikchi gidaghuudajeega Yerusalemu eaweeda sabaato, abeeda gaydang'uda beasta gidaghuudajeagaaschi ak gayghwaak gealga sean bea Yerusalemu nea maygamis.’”

YEREMIYA 19:15

“Gwayi NG'UTAMIIDA bea lugweega, was ASEETA fuga Israeli, “Ng'ula gaydaahaak mujiinajeesu ea gharang'weakaaschi munyinda ghayi eargu, aba gideaba niihang'waay iheenga nyaawa, ak ghaheawa gooleeysiit ng'asheegeasu.”

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

YEREMIYA 36:31

Ak gaydalas niny ea jeataanyi ea fugaaschi bea gadiyeeda, aba badayda giidiinyeanyeeka nyaawa, ak gaydeadu ng'asheega munyas sean badayda nyaawa, ea badayda fuga Yerusalemu, ea fuga Yuda aba gideaba mamwasa gwayiing'shi.’”

YEREMIYA 42:21

Ak aniini ghaahiimneegwa ng'asheesu askweareani, ak agooga ea mooleeysiini iit ghuuta NG'UTAMIIDA was ASEETEANG'WA aba ng'asheanda wassean ajeakneani heedeang'wa.

YEREMIYA 44:16

“Ng'asheandida ghayi irugu aba gheawunga NG'UTAMIIDEAN, majeeleeyseey iit.

YEREMIYA 5:21

“Oaleaydiit ea fuga dasheahi nea manda fughareenga, fuga mideawa gheanyanga, nea mwadaaha gil, mideawa iidiga, nea mayiing'shi.

YEREMIYA 5:3

Ea NG'UTAMIIDA, neada gheanyangaagu ea mang'ula huumeanda? Ang'iing'i nihuuydi saawa ak ea masamsiina; ang'iing'i nihuteawayi, ak ghaheawa gwaduukuuna. Niihang'oonyi gurooruunatka nyaawa ea ghwanaawa lagheanga; nea ea niheawa gwaduukuuna.

YEREMIYA 7:24

Ak saawa ea masinneani mureeda nea mooleeysiinean iidiga nyaawa, ng'ata ghwaat naweadinga nyaawa ea girgweaguutka nyaawa, ea hang'oonyaka gurooruunatka nyaawa gwaneadi, ak hean gabiikta bwadaw.

YEREMIYA 7:26

ak eara gwasa, saawa ea mooleeysiinean iidiga nyaawa nea maduupa gil, hean goohang'oonyi gheatkweaka nyaawa. Ak gwasin dea muy ea ghwanaawa ghweaniga nyaawa.

YEREMIYA 8:5

Ghwasaan anda fiisu nisaja geat naweeda ak gagutguta sinooda ng'asheega munyas? Nea ghabwat aseecheeka nyaawa bea ng'uyeega, Nea ghaheawa ghwayam geat.

ESEKIELI 14:5

Gaydasat gurooruunatka fuga Israeli aba gideaba gabiigu ghapka heedeanyu, aba gideaba nisheagiideawanean ak gabada sanaamajeega nyaawa.

ESEKIELI 3:7

Nea fuga Israeli ea maygooleeyseey iit, aba gideaba magasa gooleeysean iit, aba gideaba fuga Israeli sean ea hang'oonyi iheeni ak ea hang'oonyi gurooruunat.

ESEKIELI 5:6

Ak ea niheawa deaweedajeegeasu, nea gwasin ng'asheega munyas ea ghwanaawa eemoojisu, ak saawa ghaheawa huumeanyeeka ea ghwanaawa darooraksu neaweesean. Aba gideaba niheawa deaweedajeegeasu, nea mwaada geeshta huumeanyeekeasu.

DANIELI 9:5

aseasa sisinyi riing'eeda ak ea siitiinyi ak ea sifooli ng'asheega irukuneasa, ak ea sinung'usi heeda diigheanyeakaagu ea deaweedajeagaagu;

HOSEYA 4:16

Gawuurji haghweanda daruus, Israeli lees, ak NG'UTAMIIDA gayghoamu ghoang'aata saawa gawuurji dayeenda gisilleanda aba jeeda mooheeda bwarak?

SEFANIYA 3:2

Mooleeysiiniit ghuuta, mamwasa giiwoowsiinda, ak ea mamwasa NG'UTAMIIDA, nea maneekiisiina ASEATAANYI.

SAKARIYA 1:4

Adoowuurjeewi ghweanigeagwa ghayi rukusa sibanga giijasteanyu nea gwayeesha, ‘Gwayi NG'UTAMIIDA bea lugweega, Anung'waada naweadingeagwa munyas, ea gadiyoojigeagwa munyas.’ Ak ea mayiing'shi nea mooleeysean iit gwarugu NG'UTAMIIDA.

Mattayo 13:15

Aba gideaba gurooruunatkeaba fiisu nidurmaniidi, nea iidiga nyaawa ea mayiing'shi muuchi, ak ea niiluulan gheanyanga nyaawa, adaghwadaah aba gheanyanga nyaawa, ak ghwayiiy aba iidiga nyaawa, ak gwajeeng'u aba gurooruunatka nyaawa, ak gwayamsean geat ak ghaahaapchi.’

Gadiyeeda Giijasoodiga 7:51

“Ea fuga hang'oonyi iheeni, miyeayaat ghasmeahooda gurooruunatka nyaawa ea iidiga, iissa galeagasean ghoateali Guroorooda Ghaydit. Gawuurji gidaghayi sinda ghweanigeagwa, eara agooga goosindunu.

Gadiyeeda Giijasoodiga 7:57

Goojuur muuchi ea gwadukuta iidiga nyaawa ak geedeambiirsa sean ak geang'waay.

Ebraniya 12:25

Asi ang'ula adiidu ghoaheawi ninyeeda balool. Aba gideaba inyeeda saawa ea mamng'awa damanda heaweawa ninyeeda reekusa saawa aba jeeda ng'eanyiida, abeeda gajeemng'awdaan iisiheawi ninyeeda reekuseasa aba humng'eeda.