SAKARIYA 5:4 - Bibliyeeda Ghaydit

⁴ Gwayi NG'UTAMIIDA bea lugweega gaydeajeakta mooshteawi gawa jeeda gheeda siida jagwadiisachi ea jeeda gheeda siida aga habeawooda ng'uyeega aba gheawungeasu, ak gaygoobiida bugusteaba gheanyi, ea ghwanung' goosha sea darearjeakaaschi ea lagheangaaschi.”

SAKARIYA 5:4 Mawu Ofanana

AYUBU 18:15

Jeedeaba gheanyi gaygoobiida fuga maba gheanyi, ak heeda abiita gajeesaksa rarayga.

AYUBU 20:26

Ak gajeadatas haleanjeadaanyi adiiw, nea ghwaak beasta ea goosha, nea gida abit aba gheanyiin gajeanung' goosha.

AYUBU 8:15

Ghabwat gealga nyaawa, ak ea mayghamiinaada, ghoang'waay ak ea mayghwashng'u.

AYUBU 8:22

Giika sinyiin gayghwanyas baspaseega, nea giibinda fuga munyas ea maygut gwanda.”

GHWASIILDEANGA 3:33

Mooshteayda NG'UTAMIIDA gwanda gealga fuga munyas seara, ak ghoadaw ghawooda gealga fuga doobiiweadi.

ISAYA 24:6

Hean ghoah gida aksa riing'eeda ng'eanyiida, nea fuga mida jeeda ng'eanyiida gwandeawa giidiinyeanda, nea goosha fuga badayda ng'eanyiida, ea ghoabit fiisu ng'ay ak ghwahit.

YEREMIYA 2:26

“Gawuurji baspaseega mareanghweanda iisiing'waayi, eara gheeh Israeli gajeapwaaspwaas: sugoodiga nyaawa ea fuga nyaawa hees, ea ashoohoodiga nyaawa ea sibanga nyaawa,

HOSEYA 4:2

manda ng'ashaan geaghus habeawooda, ea ng'uyeega, ea nuusta, ea gwadishta ea hiseadayeanduumeeda; iissa gwanuuseada moonghajeega sean ak foojeanda gamaseaw foojeanda.

HOSEYA 4:3

Ak aba ng'asheanji ng'eanyiida gaygagiisan, sea fuga sean abiida jeeda ng'eanyiida gaygoosha uurjeenga, eara diyeanga madameega, ea dariidaka humng'eeda; eara ghweayeega jeeda basooda gajeegeanda.

AMOSI 3:10

“Ak ea mwanala sinooda ng'asheega doobiiweadi,” gwarugu NG'UTAMIIDA: “fugiga adiiwi ng'asheega munyasiin ea giireeta haleanjeeda buuneeda aba jeeda gealga nyaawa.”

SAKARIYA 5:3

Hean gwayeeshiinean, “Nih mooshteayda rita gawa ng'eanyiisean gil, aba gideaba gilinyoo gwajagwadiischi gajeegeanda eang'aamwa badayda ng'eanyiida, meatkweeda niirja, nea dea ak habeawooda earada gajeegeanda eekeal meatkweeda niirja.

SAKARIYA 8:17

Asi siida adagooteemsheesa ng'asheega munyas aba jeeda gurooroadaanyi aba badayda siinuut, ak ea adoabwariinyi agita habeawooda ng'uyeega, aba gideaba suh seaniin gea aasichi gil, gwarugu NG'UTAMIIDA bea lugweega.”

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

GIIPKEATA DIIGHEANDA 28:16

Gajeamwaashta mujiinajeagaagu, ak eara madameagaagu gajeamwaashta.

GIIPKEATA DIIGHEANDA 7:26

Adiidu giyiin jeedeaba gheang'u haleanjeeda munyas, abeeda gaynyasa mooshteayda uurji daanyaawa, sida muuchi nea giheawi aba gideaba nih gidasimwaashta.

YOSHUWA 9:20

Nih gajeesisiina saawa, ak geanung'waadi saawa goobiida, aba gideaba adiidu ghwahidu nyarasta ASEETA badaydeanya aba habeawooda siyeaksi saawa.”