SAKARIYA 5:3 - Bibliyeeda Ghaydit

³ Hean gwayeeshiinean, “Nih mooshteayda rita gawa ng'eanyiisean gil, aba gideaba gilinyoo gwajagwadiischi gajeegeanda eang'aamwa badayda ng'eanyiida, meatkweeda niirja, nea dea ak habeawooda earada gajeegeanda eekeal meatkweeda niirja.

SAKARIYA 5:3 Mawu Ofanana

RITEAYDA 20:15

“Adijagwadiischi.

GHWASIILDEANGA 29:24

Siida bareanyi sea mareanghweanda gaygwasawan geaw nea gabwageaw, ak gayghwayiiy mooshteayda siida sighabwas ak ea maygwargu ng'ashaan.

GHWASIILDEANGA 3:33

Mooshteayda NG'UTAMIIDA gwanda gealga fuga munyas seara, ak ghoadaw ghawooda gealga fuga doobiiweadi.

GHWASIILDEANGA 30:9

Adiidu gealang'uuchi ak ghaanung'waneey heeda, nea geayeenyi, “Ng'utamiida ng'eaha?” Ak ea adeawooschi bwarbwar muuchi ak geajagwadiischi, nea gearugu mwadaagha gheawunga ASEETEANYU.

ISAYA 24:6

Hean ghoah gida aksa riing'eeda ng'eanyiida, nea fuga mida jeeda ng'eanyiida gwandeawa giidiinyeanda, nea goosha fuga badayda ng'eanyiida, ea ghoabit fiisu ng'ay ak ghwahit.

ISAYA 43:28

Asi ghaang'udi ririnnyeanda fuga ambaliischi bea heeda ghaydit, ak ghaanung'waadi fuga Yakobo eegul uhuuda, nea ghaanung'waadi fuga Israeli eeng'eawi.

ISAYA 48:1

Oaleaydiit fuga gheeh Yakobo, ghayi siguushteawa gheawunga Israeli, nea goobea dooshta Yuda, ghayi ghoayaaji habeawooda aba gheawunga NG'UTAMIIDA ak goohindi geat gili oakghadawanyi ASEETA Israeli, ak ea mii huumwa gil nea mwadoabiiwa.

YEREMIYA 23:10

Aba gideaba ng'eanyiida ninyiit fuga mealuuli, nea ng'eanyiida ea niiguul aba ng'asheega riing'eeda, nea eara nyeega dareapcheeda ea nigajeamiidi. Naweadinga nyaawa ea munyas nea uurjeenga nyaawa ea marachi gil.

YEREMIYA 26:6

Ak abeeda gaydanung' gawuurji gheawi gidaghayi eanyarjeawdi Shilo, ak gaydanung' ghoah mujiineani gida simoashta aba jeeda eemoojiga sean bea ng'eanyiida.’”

YEREMIYA 5:2

Eara gwayeena, “Aba gidabiideata NG'UTAMIIDA,” gudu gweaga habeawajeega ng'uyeega.

YEREMIYA 7:9

Ghamneawa gajajagwadiischeena, gajareang'ni, gajahiseada, gajayaaga habeawooda ng'uyeega, gajagwardeaysiina Baali geediga ng'andidi, ak ghoabwachi aseecheeka miyoanala,

ESEKIELI 2:9

Hean nea ghaang'weardi ghaadaayi geatinda siikealnean mideawa gitaabooda sing'waar.

DANIELI 9:11

Buuneesean bea Israeli ninuus deaweedeadaang'u ak gwanung'usa heeda, ak ghaheawa gwasissa mureeda ghuutaang'u. Nea mooshteayda ea habeawooda sing'oorsa jeeda deaweedeeda Musa was siida gadiyeeda bea ASEETA ak ea siyiin badahuukaasa, aba gideaba sisissi niny riing'eeda.

HOSEYA 4:2

manda ng'ashaan geaghus habeawooda, ea ng'uyeega, ea nuusta, ea gwadishta ea hiseadayeanduumeeda; iissa gwanuuseada moonghajeega sean ak foojeanda gamaseaw foojeanda.

NG'ASHEEGA LAWI 19:11

“Adiidu goojagwadiischi, ghana reengana siida, ghana anapiisiina geat ng'uyeega.

NG'ASHEEGA LAWI 19:12

Ak ea adiidu giyaagi habeawooda aba gheawungeasu nea ginabayi ng'uyeega, ak gibwari ririnnyeanda gheawunga ASEATAANG'U: Aniini geawooschi NG'UTAMIIDA.

AMOSI 3:10

“Ak ea mwanala sinooda ng'asheega doobiiweadi,” gwarugu NG'UTAMIIDA: “fugiga adiiwi ng'asheega munyasiin ea giireeta haleanjeeda buuneeda aba jeeda gealga nyaawa.”

SAKARIYA 5:4

Gwayi NG'UTAMIIDA bea lugweega gaydeajeakta mooshteawi gawa jeeda gheeda siida jagwadiisachi ea jeeda gheeda siida aga habeawooda ng'uyeega aba gheawungeasu, ak gaygoobiida bugusteaba gheanyi, ea ghwanung' goosha sea darearjeakaaschi ea lagheangaaschi.”

SAKARIYA 8:17

Asi siida adagooteemsheesa ng'asheega munyas aba jeeda gurooroadaanyi aba badayda siinuut, ak ea adoabwariinyi agita habeawooda ng'uyeega, aba gideaba suh seaniin gea aasichi gil, gwarugu NG'UTAMIIDA bea lugweega.”

MALAKI 3:5

“Abeeda gaydaneekiiseegwa ak geargweakseegwa; ak gaydawoos muushoocheanda asas aba badahuuka beeneediga, ea aba badahuuka fuga mealuuli, ea fuga aga habeawooda ng'uyeega, ea badahuuka fuga sawan fuga gadiyeeda aba gidageatinda nyaawa, ea masiinung'weanda ea bananeeda, ea badahuuka fuga huteawi rabascheanda, nea meawala gheang'deanyu, gwarugu NG'UTAMIIDA bea lugweega.

MALAKI 4:6

Ak gayghwayam gurooruunatka ghweaniga gagal diibiga nyaawa ak ghwayam gurooruunatka diibiga gagal ghweaniga nyaawa, gajiidu ghaahidu ak ghaalaschi ng'eanyiida aba mooshteayda.”

Mattayo 25:41

Iidu gaygwayeesha fugiga mida meatkweadaanyi bea geatinda ghaadaamiin, ‘Oang'amwana madeedeanyu, fuga ghayi simwaashta, aweayeena jeeda beasta manda muudeanooda ghayi sibay eerarsa meang'nyeandeenda ea malaykajeagaaschi;

Lukka 21:35

aba gideaba nih gichea gwahissiinda fuga sean abiita badayda ng'eanyiisean.

Efeeso 4:28

Mareanghweanda danung'waada gwadishta, dang'eada ghuuta gadiyeeda miy aba geatingaaschi, ak ghwanyas gichea ghoadaw fugiga gassean.

1 Dimotteo 1:9

gagasa eanala ng'asheanji gideaba deaweeda mamiisiina siida doabiiwaat, gammiisa fuga munyas, ea gea mwaada geeshta deaweeda, ea fuga mamwasa ASEETA, ea fuga riing'eega, ea gea sina ng'asheega munyas, ea fuga mabata ASEETA, ea fuga bara ghweaniga nyaawa, ea inyeessa bara gheamadiga nyaawa, ea fuga nuusa buuneeda,

Yakkobo 5:12

Fuga eaduupcheewi, aba haleanjeeda sean, adiidu giyaagi habeawooda, aba humng'eeda ghana aba ng'eanyiida, ghana aba habeawooda wassean, iyooyeenyi ea gagasa ghoah ea, nea iyooyeenyi manda gagasa ghoah manda, ak abeeda ea moopeedeaysiini jeeda girgweaksiinda.

Yakkobo 5:4

Ang'ula, gidageatinda fuga gadiyeeda lach madameegeagwa, ghayi oaweachi aba milmilanda, ooyeawda; nea shooka fuga lach ea nihita iidiga Ng'utamiida bea lugooda.

YOSHUWA 9:20

Nih gajeesisiina saawa, ak geanung'waadi saawa goobiida, aba gideaba adiidu ghwahidu nyarasta ASEETA badaydeanya aba habeawooda siyeaksi saawa.”

Giidaheechta 21:8

Ak gea giyoonyi, ea gea mandeawana masaweega, ea gea ririnnyeanda, ea gea nuusa buuneeda, ea gea hiseada, ea beeneediga, ea gea gadoowani sanaamu, ea gea naba ng'uyeega sean, heanyaawa jeeda basooda yeada beasta gil ea giikayda, nea nih ea miyeedeaba iyeenya.”

Giidaheechta 22:15

Hoowa bea jaroodean gwanda gudajeega ea beeneediga ea fuga hiseada ea fuga nuusa buuneeda ea fuga ghadoawani sanaamu, ea gilinyoo ghabwariiy ng'uyyeega nea gwasin.