SAKARIYA 4:7 - Bibliyeeda Ghaydit

⁷ Giijeeni hawiin gilba naaha gil aba heeda, Serubabeli? Gayhuuwa ng'eanyiida awiida, ak gaygweadu lagheaneeda jea eayiin uhuuda ak goojuur buuneeda nea gwayi, ‘Aamiy, aamiy muuchi.’”

SAKARIYA 4:7 Mawu Ofanana

ESRA 3:10

Iidu nea ghwadeas gearnoodiga sindeeta gheeda sibata ASEETA bea NG'UTAMIIDA, hean ghapka ashoohoodiga nea niishuup hang'weaka nyaawa nea ghaghuut durumbeatajeega nea fuga Lawi, ea orjooga Asafu, abeeda gwandeawa haleanjeeda sibara, iisiduumsheesa NG'UTAMIIDA, ghabeada gida ghayi rukusiinda Dawdi was sugoocheanda Israeli;

NYIIGHEEGA 114:4

Nea giijeega gwadeambiiriida lagweendiga, ak heayeeniga gaygwadeambiiriida dayeega gisilga.

NYIIGHEEGA 114:6

Agooga giijeega, inyas goodeambiiriidi lagweendiga? Ea heayeeniga, inyas goodeambiiriidi dayeega gisilga?

NYIIGHEEGA 118:22

Lagheaneeda heawa deekshoodiga niiw lagheaneeda haw washiin.

NYIIGHEEGA 84:11

Aba gideaba NG'UTAMIIDA was ASEETA niny aseeteanya gil ea igeamboodeanya; niny gaygagu alooheeda ea mureeda. Manda gidamiy jea ghaweada NG'UTAMIIDA fuga beawa doobiiwnata.

ISAYA 28:16

asi gwayi NG'UTAMIIDA was ASEETA, “Ng'ula, gaydayiin lagheaneeda Sayuni jea ghoah sindeeta, lagheaneeda jea eegala, lagheaneeda washiin bea sheayeeda haw, lagheaneeda majeek bea sindeeta: ‘Nea siida mwas mayghang'ut muuwda’.

ISAYA 41:15

Ng'ula gaydanung' huwa dabicheandeesh ng'waan ghuut, jea ealaja booga nea gwandeawa geeshatka; ak gajarareang'ni giijeega ak ging'aali, ak gaynung' ghoah heayeeniga looyda;

YEREMIYA 33:11

Ghuuta hooseaneega ea ghuuta ghweelmeeda ea ghuuta siida geeshi ea ghuuta sibeeda ea fuga eena: ‘Abadiischeesiina NG'UTAMIIDA bea lugweega Aba gideaba NG'UTAMIIDA aamiy, Baydeaydaanyi manda muudeanooda!’ Ak gaydeadeelsa ng'eanyiini miyeenooda ghayi bea mwadi, gwarugu NG'UTAMIIDA.

YEREMIYA 51:25

“Ng'ula, aniini geesheang'nyi sea ang'iing'i ea giijeeda muy, gwarugu NG'UTAMIIDA giijeeda datas ng'eanyiisean; gaydaadoabiiw geatindeanyu damiinaneey, ak geang'adeaseey ng'eanyi aba jeesinga lagheanga, ak geasinyeey giijeeda sighwarda.

MIKA 1:4

Ak giijeega gaygwanyara aba hing'eadaydaanyi nea moangoachihajeega gajeabwaashaada, gawuurji mughoondooda mida madeeda beasta, gawuurji beega weay nea gagal burgadeeda.

MIKA 4:1

Ak eaweeda huuydeanda giijeeda gheeda NG'UTAMIIDA gajeemajeek aba uhuuda giijeega, ak gajeetiing'da uhuuda heayeeniga; ak gayghwaat geeshtaanyi buuneeda,

HABAKUKI 3:6

Ak ghamiinaada ak goodeen ng'eanyiida; ghoang'wearda ak gooduumduum eemoojiga; nea giijeega manda muudeanooda geataarda, heayeeniga manda muudeanooda ghwararasa ea gawa ng'eanyi. Naweadingaaschi gawuurji gea ghayi bea garayi.

SAKARIYA 4:8

Ghwahidu gicha ng'asheanda NG'UTAMIIDA heedeanyu ak gwayi,

SAKARIYA 4:9

“Sindeeteaba gheawi ghwayiin Serubabeli, ak siichea ghoahiit ea niny gil. Hean abeeda gaynala gideaba goojeaknean heedeang'wa NG'UTAMIIDA bea lugweega.

Mattayo 21:21

Ghwasha Yesu nea gwayeesha saawa, “Aba huumwa geayeeshiineegwa, iyoondeawi masaweega nea manda jeesingeagwa machmajeega, ghoamuuschi nea majeaghus nih bea shaboogheecheandean ak ghwahit, gajoamuusa eara gideaba gajayeeshiina giijeeni, ‘Loadaada ak geejakseey jeeda basooda,’ ak gaygwasa.

Mattayo 21:42

Gwayeesha Yesu, “Heapi miyoasoamwana iiteaba ng'asheanji aba jeeda Ng'ooruutka? ‘Lagheaneeda ghayi anaawa ghaang' deekshoodiga niiw lagheaneeda haw bea sindeeta; ng'asheanji gwaleabu heeda Ng'utamiida, ak ea daamdaamwaat aba gheanyangaasa’?

Marko 12:10

Asi agooga miyoasoamwana gising'waar bea gideaba, ‘Lagheaneani aneawa ghaang' deekshoodiga, ghamneawa ea niiw lagheaneeda haw akar gheeda.

Lukka 20:17

Hean ghoaduup ghaang' saawa, ak gwayeesha, “Abeeda ng'asheesu sing'waardunu naaha bea gideaba: ‘Lagheaneeni aneawa ghaang' fuga deekshi nea meanung' ghoah giliin niiw lagheaneeda haw washiin’?

Lukka 3:5

Nea geeng'alsa ghalalayeeka sean, ak geahiing'u giijeega ea heayeeniga, nea heeda ghwan gajeatoabiiw nea naweadinga gudung'unyoojiga gajeesin gamiyeasiidi;

Gadiyeeda Giijasoodiga 4:11

Nih lagheaneeda ghayi heawa fuga deekshi, ak ghoah lagheaneeda washiin akar gheeda.

Ruumi 11:6

Abeeda ii dagheerjeanduumeeda, abeeda ea maba gadiyeeda sisin; abeeda dagheerjeanduumeeda ea mudu ea dagheerjeanduuma gil.

Efeeso 2:20

sideeksa badayda sindeeta ghayi bea giijasoodiga ea sibanga, ak Gristo niny ea lagheaneeda haw washiini,

1 Betro 2:7

Asi agoogeeda mideawa masaweega, gaba sheayeeda haw, nea aba heeda fuga mamwasaan, “Lagheaneeda fool fuga deekshi ea niiw lagheaneeda haw washiini,”

Giidaheechta 16:20

Gilinyoo ea ng'eanyiida neaweesa beega gaygamng'aw, ak ea manda giijeega jea gudeadaah;