SAKARIYA 3:4 - Bibliyeeda Ghaydit

⁴ Ghwalamda malaykajeanda ak gwayeesha fugiga miinaada aba madeadaanyiin, “Ageanda hang'weakiga munyas bea ririnyeandean,” ak gwayeesha niny “ng'ula neageandeawaneey ng'asheagaagu munyas, ak gaydanung' akweala hang'weaka sheayeeda haw.”

SAKARIYA 3:4 Mawu Ofanana

2 SAMWELI 12:13

Ghwalamda Dawdi ak gwayeesha Natani, “Aniini neasinyi riing'eeda aba madeeda NG'UTAMIIDA.” Hean gwayeesha Natani Dawdi, “Eara NG'UTAMIIDA nigeanda riing'eadaang'u; maygudu meawa.

1 SUGOODIGA 22:19

Ak gwayeesha Mikaya, “Ghamneawa aleaydiit ng'asheanda NG'UTAMIIDA: Ghaadaayi NG'UTAMIIDA nea goopteada aba hoorgeadaanyi, ea giijasoodigaaschi bea humng'eeda nea ghamiinaada aba meadajeagaaschi sean;

NYIIGHEEGA 51:9

Funya gheanyangaagu ading'ulayi riing'eegeasu, ak giibuusi munyindeanyu sean.

ISAYA 43:25

“Asi aniini geawooschi ASEETA samiisa riing'eagaagu, ak geasinyi nih aba gideaba geabaysi nea geabwaageaw, ak ea maygudu daapkaat riing'eagaagu.

ISAYA 44:22

Neabuuschi giidiinyeanyeekaagu ea gawuurji shamooghooda, eara riing'eagaagu ea gawuurji dung'usta; biikni heedeanyu, aba gideaba nealealneey.

ISAYA 52:1

Ng'eada, ng'eada, nyasa uurda, Ea Sayuni, akweala hang'weakaagu miyaas, Ea Yerusalemu, mujiineeda ghaydit; aba gideaba ghang'eada ghamneawa maygawa jeeni siida meeyiila ghana siida mideawa ririnnyeanda.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

ISAYA 61:3

Ak ghaadawji fugiga ayeawdean aba Sayuniin– shiipka deakghweeda gawa hoorgeeda deareeda, ea nagheeda ghweelmeeda aba hoorgeeda giinyahuushooda, eaghwada gwarsiinda gawa hoorgeeda guroorooda durumwana ak saawa gajeeguura sawacheeka doobiiweadi ghayi ng'aapta NG'UTAMIIDA aba gideaba eakghaambiit.

YEREMIYA 52:33

Ng'ata ghafwakta Yehoyakini hang'weaka ghealooniga. Ak giliwas askwearja aba jeeda eaweagaaschi iissa gweagiischi galeaga sean aba measeeda sugoocheanda.

ESEKIELI 36:25

Ak gaydeadalealseegwa beega miyaas, ak abeeda gajamiyeasiita, gaydaamiyaasiideagwa aba ririnyeandeang'wa sean ea aba sanaamajeegeagwa sean.

ESEKIELI 42:14

Ashoohoodiga inyeessa gaweay gah ea maygwariteawa heeda ghaydit gaweay eara doodooda jarooda, ak gayghwayiin hang'weaka nyaawa heeda gadiyeeda nyaawa. Aba gideaba ea ghaydidi, saawa gaygookwa hang'weaka suuk, ak gwaneekiisa heeda mida buuneeda.”

MIKA 7:18

ASEETA uurjeewaneey aneeda, dea inyas samiisa giidiinyeanyeeka nea nung'weadayi ramaseanyeeka aba gheaptanga jea gwahearan? Mayghwanyareas ea ghwahita damanda manda muudeanooda aba gideaba niny gahoosan aba bariinyeega huumwa.

MIKA 7:19

Gaygabiikta gicha ak ghabwaydaneasa, gayghoalaapta ng'eanyi giidiinyeanyeekaasa ak gaygwajaksa riing'eega nyaawa sean jeeda beega sheagi jih bea basooda.

SAKARIYA 3:1

Hean geahiimnaan Yoshuwa was ashoohoocheanda haw, nea ghamiinaada aba madeeda malaykajeanda NG'UTAMIIDA, ak ghamiinaada shataani aba meatkweeda geatindaanyi bea dugwa ghoahaakta niny.

SAKARIYA 3:7

“Hean gwayi NG'UTAMIIDA bea lugweega, inyas giyaadi naweadingeasu nea giing'waanyi ng'asheegeasu, abeeda gajambala gheenyu nea giimbali muhealuutkeasu, ak gaydagoonyi gheata jea asiipsiinana fuga miinaada aba hiji.

SAKARIYA 3:9

Aba gideaba ng'ula lagheaneani aayiinyi madeeda Yoshuwahiin, jeemba lagheaneanagi gwanda gheanyan ispwa, ng'ula gaydang'waar ng'ooruutkaaschi, gwarugu NG'UTAMIIDA bea lugweega, ak gaydageanda ng'asheega munyas bea ng'eanyiini eaweecheanjagi.

Mattayo 22:11

“Iidu gawa sugoocheanda gah ghwadaah rabastaanyi, ghwadaah siyagi miigookwa hang'weaka nyeangiida;

Lukka 1:19

Ghwasha Malaykajeanda nea gwayeesha, “Aniini geawooschi Gabrieleeda miinaada aba madeeda ASEETA, ak geecheaknean headaang'u deaneey Giijasi miyiin.

Lukka 15:22

Ghwalamda ghwaan ak gwayeesha soomjoagaaschi, ‘Alamwaja ayeani hang'dida miyiin ak gookwealsi, nea gooshuupchi mooneeda ghuniida nea gooleapsi eara geeka;

Yohaana 1:29

Muchu ghwadaah Yesu nea ghwaan headaanyi ak gwayeesha, “Ng'ula Dayeenda Gisilleanda bea ASEETA jea gageanda riing'eeda jeeda ng'eanyiida!

Ruumi 3:22

ak ea doobiiwnata ASEETA gil, aba naweeda masaweega mida jeeda Yesu Gristo aba heeda buuneesean mideawa masaweega. Aba gideaba maheeli;

Ruumi 6:23

Aba gideaba mushaahareeda riing'eeda miyeeda gil, nea gichea gagu ASEETA mwadaagha ea eaweega manda muudeanooda gil aba jeeda Gristo Yesu Ng'utamiideanya.

1 Goriinto 6:11

Nea aba jeedeang'wa ghayi goowooschi fuga sina ng'asheesu. Iidu ea siihuuneegwa, ak ea siimiineegwa, ak geegooneegwa doobiiwnata aba gheawunga Ng'utamiida was Yesu Gristo, ea aba Guroorooda ASEETEANYA.

2 Goriinto 5:21

Aba badahuukaasa geanung' ghoah niny riing'eeda nea niny ea mwanala riing'eeda, ak abeeda aba niny geahuuyi doobiiwnata ASEETA.

Golosaayi 3:10

ak gookweali searoojiga eashish, sinung' gaweeriidi ak ghoanali nea geegala ninyeeda ghayi bwaat.

Ebraniya 8:12

Aba gideaba gaydawoos ng'eeni aba giidiinyeanyeeka nyaawa, ak ea maydaapkaat riing'eega nyaawa earahay.”

Giidaheechta 5:11

Deagheata ghaang'weardi, ak ghayiinyi aba murdeeda hoorgeeda gheambalmeeda ea dea diyeangiga majeekcheewiin ea dea gweargwa ghuusiga malaykajeega saang'a mwoamu eeyiida,

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.