SAKARIYA 3:3 - Bibliyeeda Ghaydit

³ Yoshuwa abeeda ghamiinaada aba madeeda Malaykajeanda nea gaba hang'weaka munyas bea ririnnyeanda,

SAKARIYA 3:3 Mawu Ofanana

ESRA 5:2

Hean ghang'eat Serubabeli was orjeeda Shealtieli ea Yoshuwa orjeeda Yosadaki ak ghoang'eat ghuuta deesta gheeda ASEETA mida Yerusalemu; nea saawa ghaweat sibanga ASEETA.

ESRA 9:15

Ea NG'UTAMIIDA was ASEETA Israeli, ang'iing'i guwoosi dea doabiiwaat aba gideaba aseasa geewooschi fuga siipuut laalaan gawuurji gideaba ghamneawa. Ng'ula geendi madeadaang'u geendeawi giidiinyeanda aba madeadaang'u, ak ea manda siida jea ghamiinaada aba madeadaang'u aba ng'asheanji.”

ISAYA 4:4

Damanda jea goohuuna NG'UTAMIIDA ririnnyeanda haweega Sayuni, nea goohuun foojeanda Yerusalemu mida bugustaanyi aba guroorooda girgweaksiinda ea guroorooda ghaghwarda.

ISAYA 64:5

Ang'iing'i iissa gideapti siida hoosassa ng'asheega doabiiw ak gwasin, fuga apkeadi ak ghwaat naweadingaagu; Ng'ula, ginyareasi ak geesinyi riing'eeda; ak ea siipiidi jeedeaba ng'asheesu ea gageawiit, ak aseasa heapi gajeelealneasa?

ISAYA 64:6

Aba gideaba aseasa siwuurjeewi siida mideawa ririnnyeanda. Nea eara sinaweagaasa doobiiweadi niwuurji hang'da sing'uda ririnnyeanda; aseasa gajeesissa sean eewuurjeewana seendooda, ak ng'asheagaasa munyas gayghaghuutaneasa gawuurji gidaghuutiideayda jeameeda.

DANIELI 9:18

Ea ASEETEANYU, aleeyni iitaang'u ak giyiinyi; jaada gheanyangaagu ak ging'ulayi sawanaduutkaasa, ea mujiineeda siguuriideawa gheawungaagu; aba gideaba mudeetayiida haleanjeeda ghadooweeda ikaasa aba madeadaang'u aba badayda ng'eanyiideanya doobiiwseasa, geaghus aba baydeaydaang'u haw.

Yakkobo 2:2

Aba gideaba iiwuh siida mideawa ghuniida dahaabu ea hang'weaka miyaasiin jeedeang'wa nea noabwachi geat, eara siida bwarbwar biissa gaba hang'weaka beareadi,

Yuuda 1:23

alealni mwaatkwa, nea ghoasealdaawi jeeda beasta, nea mwaatkwa goobayiidi aba muuwda, nea ghoasichi eara hang'da sing'uda ririnnyeanda saseeda.

Giidaheechta 19:8

ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.