SAKARIYA 3:1 - Bibliyeeda Ghaydit

¹ Hean geahiimnaan Yoshuwa was ashoohoocheanda haw, nea ghamiinaada aba madeeda malaykajeanda NG'UTAMIIDA, ak ghamiinaada shataani aba meatkweeda geatindaanyi bea dugwa ghoahaakta niny.

SAKARIYA 3:1 Mawu Ofanana

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

GIING'EETA 48:16

Malaykajeanda ghayi lealnanean jeeda ng'asheega sean munyas, daadawa baloojiga ghawooda; nea aba saawa gagasa goobiida ng'eanyiida gheawungeasu, ea gheawunga ghweanigeasu was Abrahamu ea Isaka; Gagasa ghwanyasa eemeeda saang'a aba badayda ng'eanyiida.”

1 DAMANYOOJIGA 21:1

Ng'ata ghamiinaada shataani aba badayda fuga Israeli, ak ghwanung' gwayiida Dawdi fuga Israeli.

2 DAMANYOOJIGA 29:11

Ea orjoogeasu adiidu goomiikti aseeta, aba gideaba niloadeagwa NG'UTAMIIDA ahuwa fuga jea gamiineadayi aba madeadaanyi, ak googadiyeesi niny, ak ghoahuuyi fugaaschi bea gadiyeeda nea googwariideayeesi niny geediga ng'andidi.”

ESRA 10:18

Orjooga ashoohoodiga geena gadeemga rabasta, Maaseya gil, ea Elieseri, Yaribu, ea Gedaliya, was orjooga Yoshuwa orjeeda Yosadaki ea fugaaschi duupchi.

ESRA 2:2

Ghapka nea goodeana Serubabeli, ea Yoshuwa, Nehemiya, Seraya, Reelaya, Mordekai Bilshani, Mispari, Bigwayi, Rehumu, ea Baana. Suh mooneeda headiga fuga Israeli gil:

ESRA 5:2

Hean ghang'eat Serubabeli was orjeeda Shealtieli ea Yoshuwa orjeeda Yosadaki ak ghoang'eat ghuuta deesta gheeda ASEETA mida Yerusalemu; nea saawa ghaweat sibanga ASEETA.

NYIIGHEEGA 106:23

Ak gwayi gaydalas uhuuda nyaawa– inyeeda gwachi ea mawiilna Musaheeda ghayi loat, ak ghoadeal nyarastaanyi ea mwalasa uhuuda nyaawa.

NYIIGHEEGA 109:6

Iina siida muy uhuudaanyi; gagasa gweadu siida ahaakta niny madeeda girgweageeda.

YEREMIYA 15:19

Ng'ata gwayi NG'UTAMIIDA: “Inyas gaybiikni, gaydeadeelneey giibinda uurji dea ghayi bea mwadi, Ak abeeda gaygagadiyeesean. Inyas gayrukuni ng'asheega huumeanda, nea mii gea budeayda gil, Abeeda gayhuuwa siida ghuuteanyu. Gayghapka saawa headaang'u Nea ang'iing'i ea majuna heeda nyaawa.

ESEKIELI 44:11

Nea inyeessa gaygagadiiy aba heedeanyu ghaydit, nea gafur dooshta gheeda sibata ASEETA. Nea geegadiiyi aba jeeda gheeda sibata ASEETA, ak gaygwanuukiisa buuneeda haleanjeeda sisabwa geadi bea ghadooweeda sighwarda, ea lukghumajeega buuneeda, ak gayghamiinaada aba madeeda buuneeda eegadiyeesa.

ESEKIELI 44:15

“Ak ashoohoodiga dooshta Lawi was orjooga Sadoki ghayi fur heedeanyu ghaydit, aba damanda ghayi roota fuga Israeli ak ghwanung'wanaan heeda, asi suh gea jea gwaneekiisean gil ak gagadiyeesean. Ak saawa gayghamiinaada aba madeedeanyu ak ghaghadoawan aniini aba nagheeda ea foojeanda, gwarugu NG'UTAMIIDA was ASEETA.

HAGAYI 1:1

Aba gweaydeaba iyeenya bea sugoocheanduumeeda Dariyo, ak aba sheedeaba lah, eaweeda madeeda bea sheeda, ghwahidu ng'asheanda NG'UTAMIIDA heeda Hagayi was sibaneeda eassa Serubabeli was orjeeda Shealtieli, was sugoocheanda haw bea ng'eanyiida Yuda, ea heeda Yoshuwaheeda was orjeeda Yehosadaki, was ashoohoocheanda haw,

HAGAYI 1:12

Iimuchu Serubabeli was orjeeda Shealtieli, ea Yoshuwa was orjeeda Yehosadaki was ashoohoocheanda haw sea fuga sean abit, gwasissa mureeda ng'asheanda NG'UTAMIIDA was ASEETA nyaawa, sea ng'asheega Hagayeeda was ashoohoocheanda, was dea ghayi ajeagu NG'UTAMIIDA was ASEETA nyaawa; ak ghabeal buuneeda aba madeeda NG'UTAMIIDA.

HAGAYI 2:4

Asi ghamneawa adaghami gurooroadaang'u, Ea Serubabeli, gwarugu NG'UTAMIIDA; adaghami gurooroadaang'u Ea Yoshuwa, orjeeda Yehosadaki, was ashoohoocheanda haw; adagameewa gurooruunatkeagwa ea buuneesean bea ng'eanyiida, gwarugu NG'UTAMIIDA; agadiyeena, aba gideaba aniini geendeayi sea agooga, gwarugu NG'UTAMIIDA bea lugweega,

SAKARIYA 1:13

Hean ghwasha NG'UTAMIIDA aba ng'asheega miyaasiin majeekcheewi rukusa malaykajeanda abalool niny.

SAKARIYA 1:19

Ak ghaanyaashchi malaykajeandida abaloolaniin, “Suh naaha gil?” Ak ghwasha ghuuteanyu nea gwayi, “Suh gujaka ahiimu gideaba gayghwadarda fuga Yuda gil, ea fuga Israeli ea Yerusalemu.”

SAKARIYA 1:9

Hean geayeenyi, ‘Suh naaha gil Ea Ng'utamiideanyu?’ Ng'ata gwayeeshiinean malaykajeandida abaloolaniin ‘gaydaahiimneey gidawas.’

SAKARIYA 2:3

Ak ghamiinaada malaykajeanda abaloolaniin aba madeedeanyu, ak ghwahidu malaykajeanda nuut madeedeanyu gwaroonyi niny,

SAKARIYA 3:8

Aleaydiit ghamneawa Ea Yoshuwa ashoohoocheanda haw, ang'iing'i ea fugaagu irooroocheewi mida madeadaang'u aba gideaba suh fuga was gwadeagooda miyas gil aba gideaba ng'ula gaydeadu siideanyu bea gadiyeeda siguura Damealeanda.

SAKARIYA 4:14

Hean gwayi, “Suh fih iyeenya gil loat ASEETA ak ghoamwaar gagadiiyeesa ninyeeda was NG'UTAMIIDA ng'eanyiisean.”

SAKARIYA 6:11

Nung' gagoonyi saawa lapiya ea dahaabu ak gisini shiipka ak giyiini uhuuda Yoshuwa, was orjeeda Yehosadaki was ashoohoocheanda haw;

MALAKI 3:1

“Ng'ula, Aniini gaydeajeagu giijasoocheandeanyu jea gwasinnean naweeda aba madeedeanyu, ak abeeda Ng'utamiida oogasayi gaygabay ghwahidu jeeda gheeda sibata ASEETA; nea giijasoocheanda neajeeda was dea oogasayi, ng'ula, ghwaan, gwarugu NG'UTAMIIDA bea lugweega.

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Lukka 22:31

“Simon, Simon, ng'ula, Shataani gagaseegwa ghoalealdaneegwa ngaano,

GIIPKEATA DIIGHEANDA 10:8

Aba damandida NG'UTAMIIDA ghwasach eemeeda Lawi ghwasar sandakooda Neajeeda bea NG'UTAMIIDA, ghamiinaada aba madeeda NG'UTAMIIDA gagadiiyeesa nea gaygoodayiida ghawooda aba gheawungaaschi, nea ghoah ghamneawa.

GIIPKEATA DIIGHEANDA 18:15

“NG'UTAMIIDA was ASEATAANG'U gaygwanyagu aba jeedeang'wa sibaneeda uurjeewean, gaygwarina jeeda eemeeda gweanu, ak gajooleeysiina iit niny

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

1 SAMWELI 6:20

Hean gwayi fuga Bet-shemeshi, “Ghoamu ng'eaha ghamiinaada aba madeeda NG'UTAMIIDA was ASEETA ghaydidiin? Ak niny gaygawa heedeabeang'a nea ghabeawa heedeanya?”