SAKARIYA 2:4 - Bibliyeeda Ghaydit

⁴ Ak gwayeesha dea gwachi bea madeeda “Fwaja, ak giyeeshi orjeedida, ‘Yerusalemu gaygoobiida buuneeda gawuurji gharang'weaka manda ghamarda, aba seang'ayda buuneeda ea dugwa mida jeedida.

SAKARIYA 2:4 Mawu Ofanana

ESTA 9:19

Asi fuga Yahudi bea jeeda gharang'weaka, abiita jeeda mujiinajeega manda museasooda, ghoang'waay eaweedeaba damanang'wan bea sheeda was Adara ghoah sheeda hooseaneega ea ghweelmeeda nea geesin ghoah eaweeda fuufta, nea geetawi geat haleanjeeda was hamita guskuseega.

ISAYA 33:20

Ang'weersiina Sayuni mujiineeda ghweelmoojigeagwa, ak gaydaaha Yerusalemu niiw giibinda miyeenooda bea maheemajeanda majeek, ghamardaanyi majeamu ealoat. Nea eara ghealoonigaaschi ea majeamu ealach.

ISAYA 44:26

dea amajeek ng'asheanda siidaanyi bea gadiyeeda, nea ghwanung' ghoah huumwa ng'asheega giijasoodigaaschi; ak geayeeniisi Yerusalemu, ‘Gaygoobiida buuneeda,’ ak mujiineeda Yuda, ‘Gajeadeas, nea gaydanung' ghamiinaada gicha eemeegeagwa ghayi sinyarja’;

ISAYA 49:20

Ak diibigaagu ghayi sijiilsa ng'eanyiida ghayi siipaleakseey, gaygooniikseey nea gwayi, ‘Ng'eanyiini aamwanang' muuchi gakuuneasa heeda bwara jea eepiidana.’

ISAYA 54:16

Ng'ula, geasinyi siida adeang'shachi aseawiisa beasta duwayda, ak gwasin dabita ng'ucheeda aba gadiyeadaanyi. Ak geasinyi diita lasa uhuudean, ghwalas uhuuda;

YEREMIYA 1:6

Ng'ata geayeenyi, “Ea NG'UTAMIIDA was ASEETA, Ng'ula aniini mwammuusi baloolda, aba gideaba gutawoos mwanang'.”

YEREMIYA 31:24

Ak fuga Yuda ea mujiinajeagaaschi sean, gaygoobiida hijagi sea fuga barooda ea fuga aheagwiischi ea gisilga nyaawa.

YEREMIYA 31:27

“Ng'ula gayghwahidu eawoojiga gwarugu NG'UTAMIIDA, jea danyiida ng'eanyiida Israeli ea ng'eanyiida Yuda buuneeda ea diyeanga, gawuurji gidahissideayda siida histeanga.

YEREMIYA 33:22

Aba giduurjeata lugooda humng'eeda, mwoamu eeyiida, ghana iseaskweanda basooda mwoamu eeteen, asi ea gichea daahaata jeata Dawdi gil was siideanyu bea gadiyeeda ea fuga Lawi gadiyeesean.”

ESEKIELI 38:11

Ak gajeena, ‘gaydadiyeada dawa ng'eanyiida mida gharang'weaka manda hilooga, gaydaweesa fuga abargiishi nea gaba seayu, ak geepiida nea manda hilooga, ak ea manda dooshinga ghana gharinga sirata gidaghuudajeega’;

DANIELI 1:17

Ak eara aba heeda orjooga asang'wan, ghoadaw ASEETA nalita ea fughareeda ng'ooruutka sean ea weaghuumeeda; ak ghwanal Danieli haleanjeeda sean siihiimsa ea giirgweatka.

DANIELI 1:4

was gheareemanga manda sirjeeda, miyaasiin ea gea geariirji mideawa fughareenga sean, biissa ea bareahi iheeni, aneali geat ng'asheega, hit aba gadiyeeda gheeda sugoocheanda, ak ghoanaal saawa ng'oorshooda ea iita fuga Galdayo.

MIKA 7:11

Eaweeda jea eadeasa ghamardaang'u! eaweecheanji gajeenung' goosiipta moonghooda.

SAKARIYA 1:16

Ak aba seareeni gwayi NG'UTAMIIDA, Gaydabiiksa Yerusalemu aba baydeayda haw, ak gajeedeeksa gheenyu jeadaanyi gwarugu NG'UTAMIIDA bea lugweega ak ghealooniga jea eeteena gajeesiik badayda Yerusalemu.

SAKARIYA 1:17

Asi oochuura gicha, aba gidarugu NG'UTAMIIDA bea lugweega: Mujiinajeegeasu gaygabiikta gamnyeeni muuchi, ak gaygabiikta NG'UTAMIIDA gicha ghwanung' ghahawda Sayuni ak gabiikta gicha ghwaloat Yerusalemu.’”

SAKARIYA 12:6

“Eaweecheanji gaydanung' gawuurji fuga hees bea Yuda dahuuda mida beasta mida bugusta ghweenga. Nea gawuurji duughuucheanda beasta mida bugusta badatka. Ak gayghwanung' goosha fuga eemoojiga sean neaweesa meadajeega sean, bea meatkweeda geatinda dugwa ea meatkweeda geatinda ghaadaam. Ama ng'ata ng'asheesu abeeda fuga Yerusalemu gaygoobiida ng'eanyiida nyaawa was Yerusalemu.

SAKARIYA 14:12

Nea fuga jea gang'uchi sea fuga Yerusalemu gayghwalas NG'UTAMIIDA sean aba dawni. Ak gajeenung' ghwadatas sasanuuka nyaawa iimiinaada aba geeshanga nyaawa. Ak eara gheanyanga nyaawa gayghwadatasa aba jeeda iheenga nyaawa, nea eara ng'ushapkeaka nyaawa gayghwadatasa aba jeesinga ghuusiga nyaawa.

1 Dimotteo 4:12

Adiidu gafool sih gheareemaneanduumeadaang'u, ak guwoosi siida jea eegala aba heeda fuga mideawa masaweega, aba jeeda baloolda ea giibinda sea bariinyeega ea masaweega ea alooheeda.