SAKARIYA 2:10 - Bibliyeeda Ghaydit

¹⁰ Sarmana nea gihoosani, Ea hudeaba Sayuni, aba gideaba gaydahidu ak geabiidi jeedeang'wa, gwarugu NG'UTAMIIDA.

SAKARIYA 2:10 Mawu Ofanana

NYIIGHEEGA 40:7

Ng'ata geayeenyi, “Asaha, aniini naawunyi; aba jeeda gitaabu sing'oorsa ng'asheega easinyi aniini.

NYIIGHEEGA 68:18

Ang'iing'i nischeang'di humng'eeda nea giyaadi rabadanga, nea ghwanyas haleanjeeda adaw buuneeda niny, ak eara jeeda fuga ng'ooweata abeeda goobiida NG'UTAMIIDA was ASEETA jeenyaawa.

RITEAYDA 29:45

Ak gaydeabiida bugusta fuga Israeli, ak gaydoaw ASEETA nyaawa.

ISAYA 12:6

Oochuura, nea goosarmanyi aba hooseaneega, Ea fuga Sayuni, aba gideaba daahaw mida jeedeang'wa ASEETA ghaydit bea Israeli gil.”

ISAYA 35:10

Ak fuga adaw NG'UTAMIIDA lealeanooda gaygabiigu, gayghapka Sayuni nea gwasarman aba hooseaneega manda muudeanooda, ak gaygwandeawa hooseaneega ea ng'weelooda, ak ea maygwanda gurmeahiida ea shooka.

ISAYA 37:22

nih ng'asheanda baloola NG'UTAMIIDA gil aba badayda sugoocheandida: ‘Mujiineeda Sayuni ea Yerusalemu gafoolnyi– nea goong'eaweey, mujiineeda miy bea Yerusalemu– goodiindiil uhuuda nea gamachiidaneey.’

ISAYA 42:10

Asarmasiina NG'UTAMIIDA duumdeesh, ea giigheambiitaanyi ghang'eada muudeanooda ng'eanyiida! Basooda ea haleanjeeda sean mida jeeda, ng'eanyiida ghuuta basooda ea fuga mida jeeda.

ISAYA 48:20

Asi ariteawana Babeli, asalda anung'usiina heeda fuga Galdayo, arukwiida aba sarmeeda arukwiida ng'asheesu arukwiida ea ghwahita muudeanooda ng'eanyiida nea gooyeenyi, “NG'UTAMIIDA nilealu siidaanyi bea gadiyeeda was Yakobo.”

ISAYA 51:11

Nea gea atin NG'UTAMIIDA gaygabiigu, ak gayghapka Sayuni nea gwasarman; gaygaba hooseaneega manda muudeanooda; gayghwanyas ghweelmeeda ea hooseaneega, ak ea maygwanda gurmeahiida ea geeyooda.

ISAYA 52:11

Aweayeena, aweayeena, ariteawana hoowa, adoasachi gidamideawa ririnnyeanda, ariteawana bugustaanyi awasa miyaas, agoogeeni oasareanyi haleanjeeda NG'UTAMIIDEAN.

ISAYA 54:1

“Sarmana ang'iing'eeda uwoosi soonooda, ang'iing'eeda mii jiila; ajuura aba sarmeeda, ajuura ang'iing'eeda mindeawani lajooda! Aba gideaba diibiga diita sinung'wiin aasaang'a ea gaburdeawa diibiga dea sighi gwarugu NG'UTAMIIDA.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

ISAYA 66:14

Gajadaaha ak gaygahoosan gurooruunatkeagwa; ak gaygamajeegiidi geakeagwa ea gawuurji nyeega nyawiiri; ak gajeanal gideaba geatinda NG'UTAMIIDA gwanda heeda fugaaschi bea gadiyeeda, ak nyarastaanyi gaygwanda badayda weajoodigaaschi.

YEREMIYA 30:19

Nea jeeda nyaawa gaygwarina duumjeenga badiischooda, Ea nyeashta fuga hoosana. Gaydanung' ghoahaada nea maygang'ayiit, Gaydanung' eesisa mureeda nea majeang'ay.

YEREMIYA 31:12

Ak gayghapka ak gwasarman aba ghuuta haw aba uhuuda giijeeda Sayuni, nea geesalsa alooheeda NG'UTAMIIDA, ak booga, ea difaayi, ea nagheeda, ea dayeega manang'i bea gisilga, ea muhooga, ea gurooruunatka nyaawa gaygawuurji boostaaneeda siyiin beega ak ea maygut ghang'ut gurmeahiida.

YEREMIYA 33:11

Ghuuta hooseaneega ea ghuuta ghweelmeeda ea ghuuta siida geeshi ea ghuuta sibeeda ea fuga eena: ‘Abadiischeesiina NG'UTAMIIDA bea lugweega Aba gideaba NG'UTAMIIDA aamiy, Baydeaydaanyi manda muudeanooda!’ Ak gaydeadeelsa ng'eanyiini miyeenooda ghayi bea mwadi, gwarugu NG'UTAMIIDA.

ESEKIELI 37:27

Nea aniini gaydandeayi sea saawa, ak gaydoaw ASEETA nyaawa, nea saawa gayghoah fugeasu.

ESEKIELI 48:35

Ak geawunda sean bea ghamarda meadajeega sean asang'wan iisineaweesa gaygaba geatin sagalamnyooji damwan sis. Ak gheawunga mujiini ghang'eada eaweedida geeguura, “NG'UTAMIIDA gwanda hiji.”

NG'ASHEEGA LAWI 26:12

Ak gaydaneayeewa jeedeang'wa, nea ghaahuuyi ASEETEANG'WA, nea ghoahuuyi fugeasu.

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

SAKARIYA 1:16

Ak aba seareeni gwayi NG'UTAMIIDA, Gaydabiiksa Yerusalemu aba baydeayda haw, ak gajeedeeksa gheenyu jeadaanyi gwarugu NG'UTAMIIDA bea lugweega ak ghealooniga jea eeteena gajeesiik badayda Yerusalemu.

SAKARIYA 14:5

Ak agooga gajasalda nea ghoayaachi naweeda moangoachiyda giijeegeasu. Aba gideaba moangoachiydida bea giijeegean gayghwadarda ea ghwahita Aseli. Ak gajasaldeayda gidaghayi oosaldeaydi aba damanda sawooda ng'eanyiida, bea damanda Usiya was sugoocheanda Yuda. Ak gayghwahidu NG'UTAMIIDA was ASEETEANYU, gayghwahidu nea goodeana fuga ghaydidi sean.

SAKARIYA 2:11

Ak gaygaguuyi eemoojiga saang'a aba heeda NG'UTAMIIDA eaweedida, ak fugiga gajea saang'a; ak gaydeabiida jeenyaawa, ak gajanala gideaba goojeaknean NG'UTAMIIDA bea lugweega doan heedeang'wa.

SAKARIYA 2:5

Aba gideaba aniini gaydoaw ghamarda beasta, daneaweesa meadajeega sean gwarugu NG'UTAMIIDA, ak gaydoaw giigheambiita aba jeadaanyi.’”

SAKARIYA 8:3

Gwayi NG'UTAMIIDA gaydabiikta Sayuni, ak gaydeabiida bugusta Yerusalemu, nea Yerusalemu gajeeguura mujiineeda huumeanda, nea giijeeda NG'UTAMIIDA bea lugweega geeguura giijeeda ghaydit.

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

MALAKI 3:1

“Ng'ula, Aniini gaydeajeagu giijasoocheandeanyu jea gwasinnean naweeda aba madeedeanyu, ak abeeda Ng'utamiida oogasayi gaygabay ghwahidu jeeda gheeda sibata ASEETA; nea giijasoocheanda neajeeda was dea oogasayi, ng'ula, ghwaan, gwarugu NG'UTAMIIDA bea lugweega.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Yohaana 1:14

Ak iidu ghoah Ng'asheandida saseeda ak goobiida jeedeanya, niny ghwanyiit dagheerjeanduumeeda ea huumeanda ak ea sidaayi, giigheambiitaanyi, giigheambiita uurji dea Orjeeda was haghasheeda leabu heeda Bwaabwa.

Yohaana 14:23

Ghwasha Yesu nea gwayeesha, “Siida iibwariinyan gayghoang'waay ng'asheandeanyu, nea abeeda Bwaabwa gayghabwariiy siisi, ak gajeapkaana aseasa headaanyi ak geepiidi headaanyi.

GIIPKEATA DIIGHEANDA 28:64

Gaygoodearseey NG'UTAMIIDA jeeda eemoojiga sean, gidang'eada meatkweenagi bea ng'eanyiida ea gagul niirja; nea aba hoowa gaybwada aseecheeka suuk, bea geediga ea lagheanga, gea minali ang'iing'i ghana ghweanigaagu.

Filippi 4:4

Ahoosana aba jeeda Ng'utamiida galeagasean; ak geabiikti dayi, Ahoosana.

Giidaheechta 2:1

“Heeda malaykajeanda ganiiseeda Efeso ng'oara, ‘Ng'asheega ninyeeda mideawa miinga asispwa aba geatindaanyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.

Giidaheechta 21:3

hean ghaayiinyi ghuuta haw nyaasha heeda hoorgeedida bea gheambalmeedean nea gwayi, “Ng'ula, giibinda ASEETA gwandeayi sea buuneeda. Ak gaygwasin giibindaanyi sea saawa, ak gayghoah fugaaschi ak ASEETA niny gaygwandeayi sea saawa;