SAKARIYA 10:3 - Bibliyeeda Ghaydit

³ “Nyarasteanyu gwanda badayda jeagiischoodiga, ak gaydawa dalas uhuudeaba saawa, aba gideaba NG'UTAMIIDA bea lugweega ning'ula hawandaanyi, nea gheeh Yuda gil, ak gayghwanung' gawuurji faraasajeagaaschi miyaasiin bea ng'ucheeda.

SAKARIYA 10:3 Mawu Ofanana

AYUBU 39:25

Nea iisighuut durumbeatajeega, niny inyeesa gwayi, ‘Aha!’ Nea inyeesa niny ghwayiiy nyeashta ng'ucheeda nea sheagi.

RITEAYDA 4:31

Iidu ghamwas buuneeda, hean nea geayiiy gideaba nibareasa NG'UTAMIIDA fuga Israeli, ea gideaba nidaah sawanadeeda nyaawa, hean gabuy iheenga nyaawa ak geaghadoawan.

GHWASIILDEANGA 21:31

Faraasi inyeesa geang'aap aba damanda ng'ucheeda, ak jooriischooda gwaleabu heeda NG'UTAMIIDA.

SARMEEDA SULEMANI 1:9

Ng'wasaneedeanyu aabwariinyi geagalaneey faraasajeega mutukwajeega Farao.

ISAYA 10:12

Inyeessa ghoahiit Ng'utamiida gadiyoojigaaschi sean aba uhuuda Giijeeda Sayuni ea Yerusalemu abeeda sugoocheanda Ashuru, aba gideaba gaba weashweashta ea ghwarjeeda.

ISAYA 24:21

Ak eaweedida NG'UTAMIIDA gayghwalas uhuuda lugooda mida humng'eeda, ea sugoodiga mida badayda ng'eanyiida aba badayda ng'eanyiida.

YEREMIYA 10:21

Jeagiischoodiga ea dasheahi aba gideaba moobearsiina ng'asheega NG'UTAMIIDA; hean aba ng'asheanji ea mwanyasa nyageadayda, nea hawanyoojiga gisilga nyaawa ea nidarda.

YEREMIYA 11:22

asi gwayi NG'UTAMIIDA bea lugweega: “Ng'ula, gaydaaga ghoorjooda fiisu, gheareemanga gaygoosha aba ng'uta; nea orjooga nyaawa ea haweega nyaawa gaygahuuyda jalooda;

YEREMIYA 25:12

Ng'ata gwayi NG'UTAMIIDA, Nea iing'ata gweanyeew laadam ea damanamughuush, abeeda gaydaaga ghoorjooda sugoocheanda Babeli ea eemeedida, ea ng'eanyiida fuga Galdayo, aba munyasnacheeka nyaawa, ak gaydanung' ghoah ng'eanyiida gida marachi gil damanda manda muudeanooda.

YEREMIYA 25:34

“Agutuuni heareega, nea gooyeawdi Ea jeagiischoodiga, ayeashta deareeda, ea sugoodiga hawanyoojiga, aba gideaba eaweeda jeeng'deang'wa ea giidaardeaydeang'wa niriighaan, ak gajoopeedeayiida lagweendiga sighwal.

YEREMIYA 50:6

“Buuneedeanyu niiw gisilga saawa googeal iheenga giijeega; ak ghabeawa giijeeda ea ghwahita heayeeda, ak ea niroosa hilgweanda nyaawa fuufa.

ESEKIELI 34:11

“Aba gideaba gwayi NG'UTAMIIDA was ASEETA, ng'ula, aniineesean, asaha, aniini gaydawa dagasa gisilgeasu ak ghaahaaghwi.

ESEKIELI 34:12

Gawuurji gidaweeda jeagiischoocheanda gagasa gisilgaaschi, eaweedida iimida bugusta gisilgaaschi dabwaarda, ea gichea dagasiida gisilgeasu gil. Ak gaydaaghu aba heeda dabarsa sean, aba eaweeda shamooghuutka ea misaneeda.

ESEKIELI 34:2

“Ea orjeeda siida, ramoorsiina jeagiischoodiga fuga Israeli, ramoorsiina nea giyeeshi saawa, gwayi NG'UTAMIIDA was ASEETA, ‘Jeagiischoodiga fuga Israeli ashageada, gea inyeessa ghoang'aata geat, heapi? Mamiisiina gideaba jeagiischoodiga ghoahaaghwa gisilga?

DANIELI 11:32

Gayghaghurghura milmilanda fugiga datas neajeedean; nea fuga nal ASEETA nyaawa gayghamiinaada nea majeekcheewi nea gang'uchi.

SEFANIYA 1:8

Ak eaweedida bea lukghumeeda NG'UTAMIIDEAN– “Gaydalas fuga hees ea orjooga sugoodiga ea fuga sean ashuup hang'weaka maba eemeedeang'wa.

SEFANIYA 2:7

Nea ng'eanyiini bea ghuuta basoodean gayghoah ng'eanyiida gheaptanga fuga gheeh Yuda, gayghoahaaghwa hawanda nyaawa aba hoowa, nea shing'ada gaygwalla gealga Ashkeloni aba gideaba NG'UTAMIIDA was ASEETA nyaawa gaygabareasa ak ghoaghuumda fuga nyaawa mida ghealooniga.

SAKARIYA 11:17

Dashageada jeagiischoocheanda muy nung'wa heeda gisilga. Gidabal geenyarja gheang'daanyi bea geatinda dugwa Ak geatindaanyi gajea nighajaamiit muuchi, nea gheang'daanyi bea geatinda dugwa gajea ning'oawiit.”

Lukka 1:68

“Duumsheesiinda gaba Ng'utamiida was ASEETA Israeli, aba gideaba nibwareasa ak gwalealu buuneadaanyi,

1 Betro 2:12

Andeawana searoojiga miyaasiin aba jeeda Eemoojiga, aba gideaba iisinapsa badahuukeagwa ng'uyeega gideaba goosinyi ng'asheega munyas, hean iing'ula sinaweegeagwa miyaasiin ghoaghaambiit ASEETA eaweeda jea ghwahina.

RUTI 1:6

Hean ghang'eat gaweewa ng'eanyiida Moabu niny ea gadeemga orjoagaaschi, aba gideaba ghwayiiy gideaba NG'UTAMIIDA nibareasa fugaaschi aba Moabu ak ghoadaw hamita.