SAKARIYA 10:2 - Bibliyeeda Ghaydit

² Aba gideaba sanaamajeega gabaloola haleanjeeda mwadaagha; nea fuga bara lagheanga ghwadaah ng'uyeega, ak gweadu giirgweatka ng'uyeega, nea ghwanung' ghahawda buuneeda mwadaagha, aba seareeni gaweay nea gawuurji gisilga sisawan mandeawana jeagiischoocheanda.

SAKARIYA 10:2 Mawu Ofanana

GIING'EETA 31:19

Abeeda Labani nuwa ghwalajaada buudeega gisilgaaschi, ak gwajagwat Raheli aseecheeka ghwaan.

1 SUGOODIGA 22:17

Ng'ata gwayeesha, “Ghaadaayi fuga sean bea Israeli nea gwadarsa iheenga giijeega, gawuurji gisilga manda jeagiischoocheanda; ak gwayi NG'UTAMIIDA, ‘Suh mandeawana siida haw; nung' gaba siisi biikta gheanyi aba hoyyoo.’”

AYUBU 13:4

Nea agooga inyeesa goong'aday ng'asheega ng'uyeega, agooga oogasean goowooschi meanga marachi gil.

AYUBU 21:34

Abeeda gajoamuustaan ageanda salgheang'deanyu aba ng'asheega ak ghwahit? Ng'asheegeagwa marachi gil geaghus ng'uyeega.”

ISAYA 41:29

Ng'ula, aseecheeka seaniin gaba reengaweega; manda gida jea ghoamu gwasin; sanaamu ak ea ng'arng'ari ak ea mandeawana uurjeenga.

ISAYA 44:25

Inyeessa ghaadataschi gwadeagooda fuga ng'uyeega, nea ghaanung' gwadasheahiidi fuga was meanga; nea ghaaheawi ng'asheega fuga mideawa weaghuumeeda, nea ghaayamji fughareenga nyaawa ghoah leendeeda;

ISAYA 44:9

Fuga sina sanaamu ak gawuurji gidamwadaagha, nea haleanjeeda nyaawa bwariiy saawa ea mayghwaloat gil, ak eara muushoodiga nyaawa ea mwadaaha gil, nea mwanala gil ak gajeepwaaspwaas.

ISAYA 46:5

“Gajagalanean ng'eaha, ak gaydawuurji ng'eaha jea eewuurjeewana sea niny,

YEREMIYA 10:8

Saawa ea dasheahi nea gwanya fughareani inyas geanal aba sanaamajeega sisna geediga.

YEREMIYA 14:13

Ng'ata geayeeshi, “Ea NG'UTAMIIDA was ASEETA, ng'ula, ashoohoodiga gwayeesha saawa, ‘Agooga mwajadaaha ng'uta ea geejeeda, gaydagooneegwa hoyyooyda huumwa aba hiji.’”

YEREMIYA 14:22

Aba jeeda aseecheeka ng'uyeega bea eemoojiga, gwanda gea jea ghoamu gweadu roopta? Nea eara humng'eeda ghoamu ghwahiing'u shishiyda? Heapi ang'iing'i, Ea NG'UTAMIIDA ea muwoosi ASEETEANYA? Aseasa geedukuseeyi aba gideaba ang'iing'i gisinayi haleanjeeni seaniini.

YEREMIYA 23:17

Inyeesa gwayeeniisa galeagasean fuga fool ng'asheanda NG'UTAMIIDA, ‘Agooga gajabeaha seayu’; ea heeda gilinyoo ghwaduup gida nyaah gurooroadaanyi aba gidaghoosta, ‘Manda gil muy jea ghwanyaseagwa.’”

YEREMIYA 23:32

Ng'ula geafuurjeewi fuga ramoorani ng'uyeega, gwarugu NG'UTAMIIDA, ak gwarukwiida nea ghwanung' ghwaschoarda fugeasu aba ng'uyeega nyaawa nea maduupa, nea ea meajeaktani ghana danung' gwasin; saawa hean marachi gil aba heeda fugeasu, gwarugu NG'UTAMIIDA.

YEREMIYA 27:10

Aba gideaba ng'uyeega gil gidaramooraseegwa, ak hean gayghwanung' eang'aamwaneegwa ng'eanyiideang'wa, ak gaydahooseegwa heeda sheagi, ak hean gajooshealana.

YEREMIYA 27:14

Adiidu gooleeysiit ng'asheega rukuneegwa sibanga nea gwayeena, ‘Adiidu googadiyeesi sugoocheanda Babeli,’ suh ng'asheega ng'uyeega gil.

YEREMIYA 27:9

Adiidu gooleeysiit sibangeagwa, ea fugeagwa bara lagheanga, ea deareemng'ajeegeagwa, ea giijoodigeagwa, ea beeneedigeagwa, eeniiseegwa, ‘Agooga majagadiyeesiina sugoocheanda Babeli.’

YEREMIYA 28:15

Ng'ata gwayeesha Yeremiya sibaneeda siguura Hananiya, “Aleaydiit, Ea Hananiya, ang'iing'i miigoojeakneey NG'UTAMIIDA, nea ea ninung' ghamwas fiisu ng'uyeega.

YEREMIYA 29:8

Aba gideaba gwayi NG'UTAMIIDA bea lugweega, was ASEETA Israeli; Adiidu ghoamwaschi gwareenganeegwa sibanga ea deareemng'ajeega mida jeedeang'wa, nea adiidu gooleeysiit giirgweatka nyaawa;

YEREMIYA 37:19

Gwanda yeenu ghamneawa sibangeagwa ghayi ramooraseegwa nea gwayi, ‘Sugoocheanda Babeli majang'ucheewana nea maygang'uchi ng'eanyiini?’

YEREMIYA 50:17

“Israeli gisilleanda hoona ng'anyeeka ea gwasheagiidi. Aba madeeda sugoocheanda Ashuru gil dea ak niny, ak ghamneawa aba huuydeanda ea Nebukadreesa gil was sugoocheanda Babeli was dea hirjeaweada geakaaschi.

YEREMIYA 51:23

nea aba ang'iing'i gaydahirjeaweada jeagiischoocheanda ea gisilgaaschi; nea aba ang'iing'i gaydahirjeaweada sugoodiga hees sea shirikareeda hees.

YEREMIYA 6:14

Niihaap deaneaduutka fugeasu nea gwahinda gil mii gwasawana, nea gwayeena, ‘hoyyoo ea hoyyoo,’ nea ea manda hoyyoo.

YEREMIYA 8:11

Ghoahaap sawanaduutka fugeasu gil mwanang', nea gwayeena, ‘hoyyoo’ nea ea manda hoyyoo.

HEAREEGA 2:14

Sibangaagu nidaah gisiihiimsa aba badaydaang'u bea ng'uyeega ea gea mwadaagha; ak ea miyeetaajiit ng'asheagaagu munyas ak geeteelnaneey ghealoonigaagu, ak geadaah ng'asheega munyas bea ng'uyeega jea gahuteawi buuneeda.

ESEKIELI 21:21

Aba gideaba sugoocheanda Babeli ghamiinaada aba ghuuta naweading'su asiyeenyean, was guuyeeda naweadinga sajaada ak ghabwar lagheanga. Gooduumduum geatka ak ghoanyaashta ng'asheega aba heeda sanaamajeagaaschi nea gwasikteawa guwooyda.

ESEKIELI 21:29

damanda oasiindaawi aba gidasiihiimneegwa bea reengaweega, ea ramoorangeagwa bea ng'uyeega, ng'uta gajea hidaat ghwalach gheata fuga munyas seara ea gea heawa niny. Nihita damanda jea eergweaksiina eaweegeagwa.

ESEKIELI 34:5

Ak ghwadarda aba gideaba manda jeagiischoocheanda, ak ghoah hamita diyeanga dareabeeta, ak ghwadarda.

ESEKIELI 34:8

Aba gideabideati, gwarugu NG'UTAMIIDA was ASEETA, aba gideaba gisilgeasu ghayi easanga, nea gisilgeasu ghoah hamita diyeanga dareabeeta aba gideaba manda jeagiischoocheanda nea eara jeagiischoodigeasu, ea mii gaweay gagasa gisilgeasu. Ak jeagiischoodiga ghoarear geat nea gabwageat, nea moahaaghwa gisilgeasu.

HOSEYA 3:4

Aba gideaba diibiga Israeli gaygoobiida eawoojiga saang'a nea mandeawana sugoocheanda ghana siida haw, ak ea mayghoan ghoadayda lukghumajeega sigwariida, ea ng'udanga, ea naifeera ea sanaamu sisna geadi.

MIKA 2:12

Gaydaamughuusheagwa oagasean, Ea Yakobo, gaydaamughuush gheaptanga Israeli; gaydeaweamsa saawa hijagi gawuurji gisilga mida muhealeeda, nea gawuurji hawanda gisilga mida haghweeda, gayghwalach booga aba seang'ayda buuneeda.

HABAKUKI 2:18

Sanaamu gwarachi naaha nea siida sin gang'oora, gida sisna gharinyeanda, was giinealshoocheanda ng'uyeega? Neada siida sin gayghwayiin gidida siniin damanda sina haleanjeeda mawoosa aseecheeka mabaloola!

SAKARIYA 11:17

Dashageada jeagiischoocheanda muy nung'wa heeda gisilga. Gidabal geenyarja gheang'daanyi bea geatinda dugwa Ak geatindaanyi gajea nighajaamiit muuchi, nea gheang'daanyi bea geatinda dugwa gajea ning'oawiit.”

IITOODA 27:17

was dea jea gwarita goosheedeawa saawa, nea ghoadoabiiw saawa; ak ghoadoabiiw damanda riteawa, nea ghoaghuumu ghoah; ak ea mawuurji fuga girgweageeda NG'UTAMIIDA gisilga nyeah jeagiischoochean.”

Mattayo 9:36

Hean dea eemeetuw nea gabadageat ghabwayda aba jeadaanyi aba gideaba ghwadaah gwateemban gawuurji gisilga nyaah jeagiischoochean.

Marko 6:34

Duu ghwahita ghuuta basooda ghoang'wearda Yesu ak ghwadaah eemeetuw ak ghabwayda aba gideaba inyeessa buuneeda ea nuwuurji gisilga nyaah haghweadoochean. Hean gabiissa Yesu ghoanaal ng'asheega saang'a.

GIIPKEATA DIIGHEANDA 13:2

nea inyas gwadeagooda ghana deamdeamanga ghayi rukuneey ea nisa, ak gwayi, ‘eaniyean eayaada geeshta aseecheeka suuk,’ nea ang'iing'i ea minali, ‘beeni eebwada,’

FUGA LAJA GIRGWEAGUUTKA 18:14

Hean gwayeesha fih muut ghayi weay ghoahaak ghaang' ng'eanyiida Laisha, heeda fuga gheanyaawa, “Agooga ghoanali gideaba jeedeaba gheawi gwanda haleanjeeda was sanaamu, asi ghamneawa ooteemsheena gichea asina.”